كرونيك زوجتي ( تونسية) حلمي&شيماء. The Moon

البارت 42

خرجت تزرب و قلبها يدق باش يخرج ضربتها نسمة باردة  كملت تمشي على ساقيها و مخها يفكر في الي صار تو و  زعما شباش يصير كان يعرف الي اسر ولدو اما اكيد موش باش يطول باش يعرف الحقيقة ،وصلت للدار حللها ايمن
دخلت للبيت الصالة و قعدت
ايمن :شبيه وجهك متبدل
شيماء: مخنوقة و خايفة
ايمن:مناش ؟
شيماء:خايفة من ردة فعلو كي يعرف الي اسر ولدو خايفة يحاول يفكلي ولدي
ايمن:ياخي انت مزلت ناوية تخبي عليه
شيماء:لا
ايمن تحملها: هو باش يعرف اكيد اما يعرف من عندك خير من عند البراني
شيماء: ما فهمتكش لشنو قاعد تلمح
ايمن:قلو الحقيقة  لازمك تكون قوية و تواجهو و انتم ماكمش صغار و تنجمو تلقاو حل بينات بعضكم
شيماء: بجدك تحكي!! عندي سنين ملي بعدت و تو نجي نقلو هذا ولدك وانا كذبت عليك
ايمن:خمم في كلامي مدام مزال عندكم وقت
شيماء:نشالله
في دار والدين حلمي و بالتحديد في بيت اسامة .كانت قاعدة فوق الكرسي  في البلكون لابسة مليول نص حاطة ايدها على خدها و تخمم مهيش حاسة بالبرد
دخل اسامة طل عليها بقا يغزرلها شوي و هي ما فاقتش بيه  ،تعدا للدوش خرج بعد درجين يلقاها في نفس البلاصة
جبدها دخلها للبيت
اية:شبيك زادة 
اسامة:علاش قاعدة البرا للبرد
اية: شدخلك
اسامة:اية ما تجهلنيش انا من ربي مكرز منك يعني لم فمك  و برا ارقد
اية:نجم نعرف علاش  تبدلت وليت هكا ؟
لوطة جا حلمي و سأل امو:امي اسامة وينو
سعاد :مزال كي روح تو هانو لفوق في بيتو
حلمي: باهي شنو العشا
سعاد:كسكسي و طاجين و سلاطة مشوية
حلمي: باهي نطلع نشوف اسامة و انت حطلي باش نجي نتعشا
خلاها و طلع و هي فرحانة الي ولدها بدا يرجع
الفوق
اسامة:يعني انت ما تعرفش انا مناش متغشش و الا عاملة روحك ناسية
اية ولت تصيح:شنو ناسية فهمني ياخي هذا الكل خاطرني  عاونتها
اسامة صاح عليها:و ناسية الطفل اه خويا راو كان ما فيبالكش نحس بيه
اية: و هذيكا اختي و تعذبت معاه و صار فيها جراير حلمي خوك
اسامة: حتى لوكان ما يجيش تحرم طفل من بوه
اية:يعني احنا غالطنين !!
اسامة:الكلام معاك حرام .تلفت و جاء خارج حل الباب يلقا حلمي في وجهو ما عرفش شنو باش يقول لا هو لا اية
حلمي:اية اخلط عليا
اسامة:حلمي اسمعني خليني نفهمك
حلمي:اية قتلك اخلط عليا و انت ترص لنا
خرج و اية وراه دخل لبيتو و شد راسو بين يديه
حلمي:فهمني
اية:شوف يا حلمي نعرف غلط اما هذيك اختي و لازمني نعاونها
حلمي: باهي احكيلي الحكاية الكل
اية بدات تحكيلو الي صار من لول للخر
اية: نعرف انت باش تتغشش اما رد بالك تعمل حاجة تندم عليها
حلمي:هي نتفهم علاه ما قتليش اما انت علاه خبيت عليا كنت نعتبرك في مقام اختي و اكثر
اية:انت زادا خويا اما انت غلط في حقها و زيد هي قتلي نخبي عليك و ما لازمكش تعرف و توا هي خايفة لا تفكلها ولدها
حلمي: انا باش نجيب ولدي
اية: بجدك تحكي ! و شيماء ؟ يعني تخمامها هي صحيح و باش تفك الطفل
حلمي:لا ماني فاك حتى شي و باش نرجعها زادا و نحبكم تعاونوني
اية:شكون تحبهم يعاونوك
حلمي :انت و راجلك الهامل و اميمة و سيف
اية:باهي اما انت ماكش متغشش مني
حلمي تحملها: انا لي غلط انت مهوش ذنبك
اية:بالحق تحكي
حلمي: مالا نفدلك
اية: باهي مالا انا خليني نمشي نرقد غدوة ماشية للسبيطار
حلمي : اية نعمل عليك في حاجة
اية: اي تفضل
حلمي : نحب نشوف ولدي و نحب نقلو الي انا بوه اما خايف ما يفهمش و ما يتقبلنيش خاطرو صغير في العمر
اية: هههههههههههههههه
حلمي :شبيك تكشخ  تو هذا وقتو
اية: ولدك ههه و ما يفهمش هههه مزلت على نيتك وخي ولدك فاسد قليل حيا لسانو طويل يفهمها و هي طايرة
حلمي:اول حاجة  نقص من سبان هذاكا ولدي ثاني حاجة شيماء الطفل ماهيش تجيب فيه نحبك تقنعها و تخليها تجيبو غدوة
اية: باهي اما شنو باش تعمل
حلمي:ما نعرفش خليني نخمم و غدوة تو نقلك .
اية خرجت و البسمة ما تنحتش من وجها دخلت بيتها تلقا اسامة يمشي و يجي
اية:شبيك على اعصابك relax
اسامة: شمن relax شقلك حلمي و شنو عملك اكيد تغشش و عيط عليك
اية:هذا حمل و تنحا من على كتافي
اسامة: ما فهمتش احكيلي يا اية الزح ؟
اية: ههه ريت كان انت تخمم هكا و حلمي عقلو كبير و يفهم و ما عملي حتى شي و انت تو 6 سنين على حكاية فارغة مسطلي حياتي هههه و الله شي يضحك
اسامة: خويا انا سكت ؟
اية: اي موش كيفك انت عاملي فيها دراكولا
خلاتو واقف وهزت تلفون كلمت شيماء
شيماء:الوو
اية:اهلا اهلا لاباس
شيماء:حمدلله كي السبة
اية:منيش باش نطول عليك جيب غدوة اسر معاك
شيماء:لا فك عليا الطفل ما يركحش تو يعمل مصيبة و زيد خايفة من اكا لحكاية
اية: ما تخافش جيبو توحشتو و زيد باش نجيب اسيا معايا
شيما:السبب مهوش مقنع اما باهي يا سيدي تو نجيبو معايا و تو تصبح على خير
اية :على خير
علقت و مشات رقدت ،طلع بحذاها
اسامة: يعني كل شي باش يرجع
اية:ممممم
اسامة: شبيك ساكة
اية: سيبني خليني نرقد غدوة عندي وين ماشية
اسامة:وين؟
اية:جهنم تجي ؟
اسامة:اللطف لسانك ديما كي سم ارقد ارقد
******************************