في الصباح قام يلقى روحو مزال في الصالة و متغطي خرج طول لدارو حل الباب متاع البيت بقا يخزر و يثبت في كل تركينة و يتذكر في كل لحظة عداها معاها
حلمي : يليتك ترجع و الله راني نادم توحشتك توحشت ريحتك توحشت نعنقك و نبوسك توحشت عركك و التفدليك متاعك
مشا دخل للدوش و نحا حوايجو و دخل تحت الماء ،حس بيدين حنان يمشو على ظهرو
حلمي : مرة اخرى تعودت عليك كان مجيتش انت راني مت عندي برشا تلفت يلقاها وراه ،خيال متاعها ما يفارقوش من نهار مشات
حلمي: ماكش باش ترجع
شيماء :علاش باش نرجع جرحتني كيفاش قلبك طاوعك
حلمي: على خاطري ارجع
شيماء باستو من طرف شفايفو : يمكن نرجع و يمكن لا
و معادتش بانت اختفى الظل متاعها
حلمي: يا ربي
خرج بدل دبشو و مشا للخدمة يحاول ينسى
وصل دخل لبيروه يلقى سيف و اسامة
حلمي قعد: صباح الخير هالخطى السعيد
اسامة: ههه نخدمو هوني وين تحبنا نمشو
حلمي شاد اوراق بين يديه و مركز معاهم: نقصد علاش قاعدين في بيرويا
سيف: توحشناك
حلمي: الله لا يعطيك ما يوحشك
اسامة: انا فادد نخرجو الليلة
حلمي: برو انتم انا معينيش
سيف: يا ولدي سيب عليك منو الراجل تبدل نسانا تبدل عليا وليت معادش نعرفو
صونا تلفون اسامة يلقاها اية هز: اش فما علاش تطلب فيا ؟
اية: طلبتك باش نقلك تعدى بعد جيب اسيا خاطر عندي ما نعمل
اسامة :و شنو عندك تعمل يخليك ما تجيبش بنتك
اية: اموري
اسامة: كي نروح تو نتفاهمو
علق و هو يتحلف فيها
حلمي: شبيك تحكي هكا معاها
اسامة: اموري
حلمي: شنو امورك ياخي هكا تعامل مرتك و زيد قدامنا مالا كان وحدكم شنو تعمللها
سيف:ريت بجاه ربي قداه من مرة يعملها و نجي نحكي معاه يتغشش
حلمي: برشا مرات نجي نلقاك تحكي معاها بطريقة كي الخرا حشا هالمحل علاش نجم نعرف ماو
اسامة: انتوما ما تعرفو حتى شي لذا قيلوني
حلمي: انت الخاسر اما هذي اخر مرة نبه عليك اية كيف اختي و ما نقبل حد يعاملها هك حتى لوكان انت فمهمتني ؟
اسامة قام و جا خارج: ههه مالا كان تعرف الي معتبرها اختك شعملت
سيف: اي ستنا يا معلم تي شبيه خرج و الله حرت معاه
حلمي: فما حكاية مخبيها و انا لازمني نعرفها
سيف : ايا نخليك عندي خدمة
حلمي:باهي
في نيو يورك
اسر:اععععع شيماء شبيه الماء هكا
شيماء: تي سكر فمك هذاكا عقابا ليك
اسر: عقابا ليا؟؟ و علاش ا حنانة
شيماء: نعم !!حنانة اسر
اسر: باهي سوري على شنو تعاقب فيا نحب نعرف باش ما نبداش كي الاطرش في الزفة
شيماء: انت عبد ماشي تعمل لطفلة صغيرة قد لفتاتة نعرسو نجيبو صغار اه من وقتاش يا بابا
اسر:في شكون تقصد فما برشا راو
شيماء: اسيا يا هامل
اسر:صاار و الله فجعتني تي نفدلكو ما نفدلكوش يا شوو
شيماء: باهي نقص حسك و دور خليني نحكلك ظهرك
اسر: يا شيماء خليني ندوش وحدي و الله كبرت
شينا: مم باين كبرت برشا
اسر: شيماء وقتاه باش يرجع بابا
حبست شيماء و بقات باهتة
تلفتلها اسر: ريت كان تصويرتو اما لتو لا قابلتو و انتي ديما تقلي راو يخدم ياخي ما يحبنيش ؟
شيماء: علاش تقول هكا
اسر: خاطرو ما يتوحشنيش و عمرو ما طل عليا و لا جا شافني ديما نشوف صحابي مع بوهم الا انا
مسحتلو على شعرو : اسر هيا نكمل ندوشلك ايمن عدك بيه جا باش نخرجو
اس: اهرب يا شيماء اهرب اما يجي نهار نعرف الحكاية لكل
كملت تدوشلو و تخمم في كلامو زعما يجي نهار ويعرف الحقيقة
في بيرو حلمي كان غاطس في الخدمة تحل الباب بالقوي و دخل سيف يجري
سيف : حلمي ..حلمي
مشالو حلمي : هدي روحك و احكي بالشوي شبيك وجهك اصفر شفما
سيف: ببو شيماء
حلمي: شبيه عم فريد لاباس
سيف: في السبيطار
حلمي: علاش
سيف: عمل اكسيدون و حالتو خطيرة برشا
حلمي خرج يزرب و سيف و اسامة وراه
في نيو يورك قادة في البيت و تنشف في شعر اسر سمعت ايمن ينادي خرجتلو
شيماء: سامحني وخرنا عليك لحظة نبدلو و نخرجو
ايمن:شيماء ستنا
شيماء: نعم و شبيه لونك مخطوف ههه
ايمن: يزي من لفدلة نحب نقلك حاجة
شيماء: هه نشالله خير باش تعرس
ايمن : شيماء
شيماء: شفما هاك تحكي sérieux لاباس
ايمن: عم فريد الصباح عمل اكسيدون و هو في السبيطار
شيماء: شنوو !! بابا و لاباس تو شنحوالو
ايمن: مهوش لاباس و يحب يشوفك
شيماء: ايمن نحب نهبط تو لتونس
ايمن: خلي غدوة تو ما نتصورش فما رحلات لتونس
شيماء : ايمن تصرف نحب ليوم نكون في تونس
******************************
YOU ARE READING
كرونيك زوجتي ( تونسية) حلمي&شيماء. The Moon
Romanceممنوع النقل ************************************ تزوجها لإرضاء والديه بعد طلاقه من زوجته التي مزال يحبها .🤵👰 هي تزوجته جراء ضغط والديها و للتخفيف عنهم .ليشاء القدر ان تقع في حبه لتحاول بكل الطرق لتجعله يحبها .👩❤👩 حلمي&شيماء اسامة&اية سيف...
