قامت الصباح وجها اصفر مشات غسلت وجها و هبطت للكوجينة
اميمة: ففففف ملا ريحة منتنها كيفاش ياكلو فيها العباد
جا سيف من وراها: شنو الي ناتنا ؟
اميمة : ريحة العظم مخيبها اعععع
سيف ضحك: ههههه تو وليت تكره العظم تي ماك كنت تحبها و تتعارك ديما مع ولدك و تفكهالو
اميمة: هذاكا قبل اما تو كرهتها
سيف : اميمة شبيه وجهك اصفر
اميمة:شي يمكن خاطرني مزلت ما فطرتش
ايمن :هيا مالا هاو حاضر لفطور
اميمة: لا مخيبو لفطور انا ماشية باش نفطر مع لبنات و نطل على عم فريد
سيف : و الله احوال باهي يا سيدي برا و ردبالك على روحك
ضحكت و قربت باستو من خدو و بعد بعدت : فففف شبيها ريحتك هكا ياخي ما تدوشش
سيف:اميمة ياخي هبلت انا في النهار ندوش بالمرتين و التلاثة و ريحتي كنت تموت عليها تو ولت ما تعجبكش
اميمة:سامحني عزيزي ما نقصدش هاني ماشية باي
خرجت و زادت رجعت :اما ريحتك ناتنة و برا دوش فففف
خرجت تجري و خلاتو باهت .
في السبيطار جابت اسر و داخلة
شيماء: اسر كيما نبهت باهي مكانش نروحو تو
اسر:شنو شيماء وليت تهدد فيا و انت من نهار الي جيت لتونس ما خليتنيش نشوف حد كان اكا الكازي و اللصقة
شيماء: اول حاجة منيش نهدد فيك و ثاني حاجة ما حبيتكش تجي خاطر انت مكبش في حكاية بوك و ثالث حاجة كان يسمعك الكازي و اللصقة الا ما يعطوك طريحة
اسر: يا حصرة عليك الرجال ما تتضربش
شيماء:شكون الرجال
اسر: ااا شيماء ولينا في تطييح القدر
شيماء:يا هامل سكت فمك هانا وصلنا متذكر شنو قتلك
اسر :زح يا شيماء رام برشا ليوصيتني عليهم
شيماء: زح !!يا هامل تكفر قدامي
اسر:شيماء بحاه ربي اسكتي
شيماء:باهي اذكرلي حاجات ملي وصيتك عليهم
اسر: ما لازمنيش نتخالط معاهم ما نحكيش معاهم و الي يسألني ما نجاوبوش و خاصة بابا هكا يزي
شيماء:اي صحيت هيا تو ندخلو
حلت الباب و دخلت تلقا بوها فايق و متلمين بيه خولة امها حماتها سعاد و حلمي و معاه اية و بنتها
شيماء:صباح الخير
بوها:صباح النور
خولة:صباح الخير بنيتي
سعاد: هاي جت ماك من الفجر تسأل عليها ههه
شيماء قربت لبوها باستو من جبينو و بقت بحذاه :لاباس يا بابا
بوها: الحمدلله نسأل عليك انت شبيك البارح ما جيتش في اليل
شيماء:كان عندي ما نعمل سامحني
بوها:السماح بنيتي السماح
اسر: ااا هلوووو انا هنا خليني نسلم على الراجل يا شيماء
شيماء:ههه باهي ايجا سلم
خولة و سعيدة يتهامسو
خولة:شكون هالطفل هاو قليل حيا
سعاد :و لسانو طويل
اسر مشا و طلع فوق الفرش و بدا يبوس في جدو
شيماء:اهي ابعد الراجل هلكتو بوس تي ابعد
تلفتلها اسر:يا بنتي جدي و انا حر نبوس كيما نحب ازحي
شيماء: الله لا تربحك فضحتنا
خولة:جدك!!!
شيماء:ايجا اسر اهبط بابا مريض ما لازموش يتعب برشا خلينا نروحو و بعد نرجعو
خولة:شيماء تنجم تفهمني الموضوع
بو شيماء: شيماء شكونو الطفل هذا خاطرني نشبه فيه على عبد نعرفو
سعاد: حلمي هيا نخرجو خليهم على راحتهم
شيماء ما كانتش تحب تحكي و جبدت اسر و كانت باش تخرج
اسر حبس: تي لحظة خليني نفهمهم يا شيماء انا يا جماعة اسمي اسر و ولدها
خولة:ولدها!! منين ولدها فاش يقول الطفل يا شيماء
سعاد :شيماء انت عرست
شيماءما عرفتش شنو تقول و خايفة
حلمي: شبيكم شعلتو فيها هذاكا الطفل ولد شيماء و ولدي موش هكا شيماء
شيماء:تصدمت بكلامو و ما نجمتش تحكي
سعاد: شنووو!! حلمي ولدي لاباس ماو
حلمي: اي امي لاباس
شيماء شدت اسر من يديه و خرجاتو و حلمي خرج يجري وراها
حلمي: فيبالك منيش باش نفيق الي هذا ولدي و انت خبيتو عليا
شيماء : اي وهاك عرفت شباش تعمل
حلمي: باش نهز ولدي الي حرمتني منو سنين شيماء: هذا ولدي انا وحدي انا لي ربيتو و كبرتو و انت مكنتش موجود
اسر: نحب نمشي مع بابا
حلمي: ريت مسهلها و ولدي هو الي اختارني
شيماء بقت باهة في ولدها الي من اول ما جاتو الفرصة ختار غيرها
غمضت عينيها و بعد حلتها و سيبت اسر من ايديه :هذا ولدك و انت هذا بوك اشبعو ببعضكم
اسر:ستنا ياخي خليني نكمل كلامي
شيما:شفما زادا برا لبوك شمزال
اسر:كلام الافلام ابعديني منو و خليني نحكي
انا نحب نمشي مع بابا صحيح اما زادا معاك يعني نعيش معاكم الزوز
******************************
YOU ARE READING
كرونيك زوجتي ( تونسية) حلمي&شيماء. The Moon
Romanceممنوع النقل ************************************ تزوجها لإرضاء والديه بعد طلاقه من زوجته التي مزال يحبها .🤵👰 هي تزوجته جراء ضغط والديها و للتخفيف عنهم .ليشاء القدر ان تقع في حبه لتحاول بكل الطرق لتجعله يحبها .👩❤👩 حلمي&شيماء اسامة&اية سيف...
