[Unicode]
ယုမူကောရဲ့သေဆုံးခြင်းအပြီးမှာ၊ အချစ်ကိုထပ်မံထိတွေ့နိုင်ဖို့ လုကျန်းမင်သတ္တိမရှိခဲ့ဘူး။
သူငယ်ချင်းတွေကစေတနာနဲ့ တွေ့ဆုံပွဲတွေလုပ်ပေးပေမဲ့၊ အားလုံးကိုငြင်းဆိုခဲ့တယ်။
မျက်စိတမှိတ်အတွင်းမှာပဲ အချိန်တွေကုန်ဆုံးသွားခဲ့တယ်။
လုကျန်းမင်က အသက်၃၅နှစ်တောင်ရှိနေခဲ့ပြီ။အရက်သောက်ဖြစ်တယ်ဆိုတာရှားပါတယ်၊ ယုမူကောနှစ်ပတ်လည်နေ့ကလွဲရင်ပေါ့။
အယ်ကိုဟောကပဲ သူ့အာရုံတွေကိုထွေပြားဝေဝါးသွားစေပြီး၊ ခဏလောက်ပဲဖြစ်ဖြစ် ထိုလူကိုမေ့ထားစေနိုင်တယ်လေ။
အရာရာသာနောက်ပြန်ဆုတ်နိုင်ခဲ့မယ်ဆိုရင်။
...
"လုကျန်းမင် ထတော့၊ ဆရာမရောက်နေပြီ"
ရင်းနှီးပြီးထူးဆန်းနေတဲ့အသံကို လုကျန်းမင်ကြားလိုက်ရတယ်။
မျက်လုံးတွေဖွင့်လိုက်တော့၊ အရိုးပြာအဖြစ်ပြောင်းလဲသွားရင်တောင်မှ မှတ်မိနေဦးမယ့်လူကိုတွေ့လိုက်ရတယ်: ယုမူကော"မူကော?"
ပါးစပ်ဟလိုက်ပေမဲ့ တုံ့ဆိုင်းနေမိတုန်းပဲ။
စကားပြောဖို့ကိုတောင် ကြောက်လန့်နေရတယ်၊ အိပ်မက်ဖြစ်နေမှာကို စိုးရိမ်မိလို့သာ။
စကားပြောလိုက်ရင်၊ အိပ်မက်ကများနိုးထသွားမလား။"အင်း၊ ဘာဖြစ်လို့လဲ?"
လူငယ်လေးကခေါင်းလေးစောင်းကာ ပါးချိုင့်လှလှလေးတွေကိုထုတ်ဖော်ပြတယ်။လုကျန်းမင်မျက်နှာက ရုတ်တရပ်ကြီး ဗလာအဖြစ်သို့ပြောင်းလဲသွားတယ်။
အဲ့ဒါ ယုမူကောပဲ။
သေဆုံးပြီးတာကြာပြီဖြစ်တဲ့ ယုမူကော။
သူချစ်ရတဲ့ သေဆုံးပြီးသားယုမူကော။
"မူကော"
လုကျန်းမင်က ယုမူကောကိုထပ်ခေါ်လိုက်တယ်။"မင်းဘာလို့ငိုနေတာလဲ? ဘယ်သူ မင်းကိုပြဿနာရှာလို့လဲ? ငါသွားရိုက်ပေးရမလား!"
ယုမူကောက ဒေါသတကြီးပြောတယ်။လုကျန်းမင်ဟာ ကိုယ့်ကိုယ်ကိုမထိန်းချုပ်နိုင်တော့ဘူး။
တစ်ခြားသူတွေအမြင်ကိုတောင် ဂရုမစိုက်နိုင်တော့ဘဲ၊ ယုမူကောကိုဖက်ရင်းသာ ဝမ်းနည်းတကြီးငိုကြွေးတယ်။
အဖိုးတန်အမှတ်တရတွေကို ပြန်လည်ရှာတွေ့သွားတဲ့ အထီးကျန်ဆန်ဆန်ကလေးတစ်ယောက်အလားပင်။
YOU ARE READING
ငါသေသွားတာ သူမသိဘူး [မြန်မာဘာသာပြန်]
Short StoryTitle-He Doesn't Know I'm Dead Original Author-时崽 Type-Web Novel 21 Chapters + 4 Extras Eng Translator-SweetLiesBL From Foxaholic https://www.foxaholic.com/novel/he-doesnt-know-im-dead/ Available in Both Unicode & Zawgyi I don't own the story,I give...