Unicode
ဒီနေ့အတွက် Company ရောက်ကတည်းကလုပ်စရာရှိတာတွေကိုလက်စသတ်နေရတဲ့ နှိုင်း ဟာ နေ့လည်စာစားချိန်ကိုပင်မေ့လျှော့နေခဲ့သည်။ ဒီအလုပ်တွေဟာ နောက်လအနည်းငယ်ကြာရင် သူ့အတွက်ပုံထပ်နေမယ့်အရာဆိုတာ သိနေတဲ့ နှိုင်း ဟာ အချိန်ကိုအလကားမဖြစ်စေလိုပေ ။ ဘာကြောင့်ဆိုလျှင် သေးငယ်စဖြစ်တည်နေတဲ့ဒီဗိုက်ကလေးရှိစဥ်မှာတောင် အဖြစ်သည်းလွန်းတဲ့ လူဆိုးလေးကြောင့် နောင်မှာအလုပ်တွေကိုဘယ်လိုစီမံနိုင်ပါ့မလဲ ။
ထိုအကြောင်းတွေမိတော့ ဒီနေ့မနက် Demonရဲ့စိုးရိမ်မှု့လွန်ကဲစွာ အပျော်လွန်နေတဲ့မျက်နှာအိုလေးကိုတွေးမိပြီး နှိုင်း ကြည်နူး၍ သူ့ဗိုက်ကလေးကိုကိုင်ပြီးပြုံးနေမိသည်။
* ကလေးလေး ခံစားမိရဲ့လား? ကလေးလေးရဲ့Daddyက သူ့မေတ္တာတွေက ကလေးနဲ့ပါးပါးအတွက်လုံလောက်မှု့မရှိမှာကြောက်နေတာကိုလေ၊ ဒါပေမယ့် သူမသိဘူး သူ့ရဲ့မေတ္တာနဲ့ချစ်ခြင်းတရားက ပါးပါးတို့အတွက်ဘယ်လောက်ထိလုံခြုံနွေးထွေးလဲဆိုတာ *
" အဟွန်း..အရူးလေး "
ရုံးခန်းထဲမှာတစ်ယောက်တည်းပြုံးရင်းရေရွတ်နေတဲ့ နှိုင်း ဟာ Demon နဲ့ အိမ်ထောင်ကျလာတဲ့တစ်လျှောက်ပျော်ရွင်မှု့ဘယ်လောက်ထိခံစားနေရလဲဆိုတာပေါ်လွင်နေသည်။
ဒေါက်..ဒေါက်..
" ဝင်ခဲ့ပါ "
ထိုစဥ်ရုံးခန်းထဲဝင်လာတဲ့ သူငယ်ချင်းတွေကြောင့် နှိုင်း ပြုံးပြကာ နေရာမှထပြီး စားပွဲမှာဝင်ထိုင်လိုက်သည်။
" မင်းတို့သုံးယောက်လုံး ဘယ်ကမျက်စိလည်လာတာလဲ "
နှိုင်း မေးလိုက်တော့ ဘုန်းပြည့် နဲ့ ရှိုင်းထက်အောင်က စစ်မာန်ခ ဘက်ကိုကြည့်ကာမေးငေါ့ပြသည်။ အထာနပ်သွားတဲ့ နှိုင်း က စစ်မာန်ခ ဘက်ကိုပြုံးစိစိနဲ့ကြည့်ကာ..
" ဆရာစစ်မာန်ခ ဒီတစ်ခါရောဘယ်လိုမိသွားရတာလဲ ပြောစမ်းပါဦး ဟားဟား "
" ဟာ နှိုင်း မင်းကရယ်လို့ကောင်းနေသေးတယ်..ငါအတော်တင်းနေတာနော် "
" ကဲပါ ပြောပြစမ်းပါဦး "
သူ့အဖြစ်ကိုပြန်မပြောချင်လို့ ပေကပ်နေတဲ့စစ်မာန်ခကိုကြည့်ပြီး နံဘေးကနှစ်ယောက်ကကြိတ်ခွီးကာ မနေနိုင်တဲ့အဆုံး ရှိုင်းထက်အောင် က ဝင်ပြောကူသည်။
YOU ARE READING
ကိုကိုရဲ့ကလေးငယ် S3 [ Completed ]
Romance#July - 17 - 2020 #Moewathan #Art by Maythitsar🌹 ယခုဇာတ်လမ်းတွင်ပါဝင်သော အကြောင်းအရာများနှင့် ဇာတ်လမ်း ဇာတ်ကွက်များဟာ စာရေးသူ၏စိတ်ကူးယဥ်ဇာတ်လမ်းသာဖြစ်သည်။