🕊بسم الله الرحمن الرحيم 🕊
🌺اللهم أنر قلوبنا بحبك وحب نبيك العدنان محمد واجعلنا ممن يدخلون الجنة بغير حساب 🌺
🌼الإنتقام المحتوم تغيير النهاية 🌼
استعدت اريج ويحيي إلى المغادرة وقالت له بابتسامة ود وشكر :يحيي شكرا على اللي عملته معايا انا عارفة إنك سألتني عنهم لإنك عارف ان دي الحاجة الوحيدة اللى بتخرجني من حالتي.
فقال يحيى مبتسماً :مفيش شكر مابين الاخوات إلا إذا انتي مش بتعتبريني اخوكي وقتها يبقى موضوع تاني
فقالت اريج موبخة ومعاتبه بحنو :إنت غبي يابني والا إيه!!!
ايه الكلام اللي بتقوله دا عارف إنت الوحيد اللي بعتبرك زي بابا يحيي وعشان كده سميتك على اسمه لإنك عندي زيه بالضبط وبتمني انه ميحصلش معاك زيه عارف انا فرحانه اوي إنك حتزوج البنت اللي بتحبها كنت خايفة اكون لعنة على كل اللي بحبهم بس الحمدلله إنك اخدت اسمه لكن مش حظه.
ندم يحيي في نفسه على ما تفوه به فهو أراد أن ينسيها ولكنه بغبائه قد جعلها ترجع إلى احزانها مرةً أخرى.
قالت أريج بعد أن نظرت إلى الوقت بقلق :احنا اتاخرنا أوي وهما ممكن يوصلوا في أي وقت وإذا مش لقوني مستنياهم مش حيحصل خير أبداً وأنا عرفاهم كويس
فقال لها يحيي مستفهما :انا عاوز اعرف انتي قلقانه ليه ومين دول اللي حيجيلوا!!!!
ثم قال مفكراً : إنت مش بتقلقلي بالشكل دا غير من الجوهرتين بتعوتك وهما في الدراسة دلوقتي في المخيم على ما أظن
ثم قال مازحاً :اوعي تكوني اخدتلهم أجازة عشان يحضروا فرحي وهما دلوقتي في الطيارة ومعادهم قرب وانتي خايفه تتاخري عليهم؟؟؟؟
فنظرت إليه الأفعى بأنه قد صدق في تفكيره
فصرخ يحيي عندما رأى نظرتها :نععععععععععععم إنت اكيد بتهزري؟؟؟ انا كنت بهزر مش بتكلم جد.
فقالت أريج مسرعة :يلا بسرعة وبعدين ابقي اتصدم يا يحيى مش وقته دلوقتي خالص .
فقال لها يحيي بصدمة :يعني هما فعلًا جايين وطيارتهم على وصول وسيباني احكي معاكي وارغي وأول ما يسالوكي ليه اتاخرتي عليهم، حتقوللهم اني انا السبب وابقى انا في وش المدفع وانتي في أمان حرام عليكي أنا لسه شاب مدخلتش دنيا وعاوز أتجوز رحمة وكمان أدور على عيلتي وبناتك دول مفتريين بشكل رهيب .
فضحكت اريج على مظهره فمن يصدق ان دانييل الضابط الصهيوني الذي تخاف من ذكر اسمه أجهزة المخابرات الأخرى يخاف من غضب طفلتين لم يتجاوز عمرهم الخامسة والنصف.
فقالت له ضاحكة باستفزاز :والله يابني بعد منظرك دا انا ابتديت اشك في الكلام اللي بيتقال عنك في شغلنا وإنك قوي ومبتخفش وانت عامل زي الأرنب المزعور .
VOCÊ ESTÁ LENDO
الإنتقام المحتوم (تغيير النهاية)
Açãoدائماً الإنسان يفتخر بجماله وعمله وخاصةً إذا كان أنثى أما بالنسبة لها فهم سبب دمارها ووصمها بعار هي بريئة منه براءة الذئب من دم ابن يعقوب وبعد أن انتهت المؤامرة التي حيكت لها وعرفت برائتها كانت قد خسرت أغلى ما تملك وقررت الإنتقام م...
