🌼بسم الله الرحمن الرحيم 🌼
🕊اللهم طهر قلبي واستر عيني واغفر ذنبي واشرح صدري واحفظ أحبتي واكفني شر ما في الغيب واختم بالباقيات الصالحات أعمالي🕊
🔥الإنتقام المحتوم تغيير النهاية 🔥
عدي الليل بطوله ومرارته وجه نهار يوم جديد أشد ألم من اليوم اللي قبله
قعدنا طول اليوم محدش منهم ظهر وكل ثانية تعدي احمد ربنا على إنها عدت على خير.
دخلوا عليا الاوضة على بداية الليل وبدؤا يحطوا جمر على شكل طريق عريض من أول السرير لغاية أكتر من نص الاوضة وأنا مش فاهمة حاجة من اللي بيحصل
وإيه لازمة الجمر اللي خلا الجو نار؟!
وغرقت من العرق بسبب الحرارة وبعدين دخلوا يحيي وآدم وحطوهم عند نهاية طريق الجمر
وقائد الوحوش دول وكان اسمه هيثم طلع حقنة وقالي :دي متوصي عليها خصوصي وكلفت كتير بس مش خسارة اللي ادفع فيها لأنها بصراحة تستاهل عارفة دي إيه؟
وقتها هزيت راسي بالنفي وأنا متوقعة حاجة من اتنين يا سم قوي يا نوع مخدر قوي.
التفتت أريج لأمجد: عارف أنا اتمنيت إنها تطلع مخدر كله كان هين قدام موتهم حتى لو بقوا مدمنين بس يفضلوا معايا أنا عارفة إني دي أنانية مني بس غصبن عني ألم الفراق مر وصعب أوي.
لم يستطع أمجد أن يمنع نظرات الشفقة التي رأتها أريج واضحة ولكنها تغاضت عنها فهي بدأت التحدث عن الماضي الأليم ونظرات الشفقة هذه لن تجرحها أكثر منه
أكملت: ومن ضحكة هيثم عرفت إيه اللي موجود فيها بس معرفتش الدور على مين فيهم لأني الواضح إني آخر واحدة فيهم وحشوف نهايتهم كلهم .
التفت ليحيى وآدم وقالهم :اختاروا تكون من نصيب مين فيكم
وقتها الاتنين صرخ كل واحد فيهم إني هو اللي ياخدها
ضحك هيثم بإستمتاع :ارسولكم على بر واتفقوا
يحيى لآدم :أنا اللي حاخدها يا آدم أريج عندها أخين غيري حيعوضوها عني لكن إنت يا صاحبي مفيش غيرك زوجها والولد الوحيد لعيلتك فكر في أختك وأمك وأبوك لو لازم حد فينا يموت العقل بيقول ان الشخص ده انا
آدم برفض :مستحيل يا صاحبي أقبل إنك تفديني بعمرك ولو على عيلتي فهما عارفين كويس خطورة شغلي وليهم ربنا وجاسر أكيد مش حيسيبهم
ولو على أريج فأنت أغلى مني عندها ومفيش حد يقدر ياخد مكانتك عندها أريج لسه صغيرة وبسهولة ممكن تحب غيري
هيثم بتسلية :تصدق أقنعتني يا آدم بكلامك
الحقنة كانت من نصيب آدم حقنه تحت صراخ ياسمين بإسمه وصمتي صوتي مرضيش يطلع عشان اصرخ بس قلبي هو اللي كان بيصرخ بوجع ودموعي نزلت زي الشلال وأنا شايفة شريك حياتي وآثار السم بدأت تبان عليه.
YOU ARE READING
الإنتقام المحتوم (تغيير النهاية)
Actionدائماً الإنسان يفتخر بجماله وعمله وخاصةً إذا كان أنثى أما بالنسبة لها فهم سبب دمارها ووصمها بعار هي بريئة منه براءة الذئب من دم ابن يعقوب وبعد أن انتهت المؤامرة التي حيكت لها وعرفت برائتها كانت قد خسرت أغلى ما تملك وقررت الإنتقام م...
