AnuSeena (Scene Recreations And Random Shots)

2.2 Finding My Soulmate (Current AnuSeena Track)

Continued...
Approximately 6000 words...My longest part so make sure you have enough time before you read.

28 January
Aadhi raat ko aaj hum aapko dekh kar achambit aur shayad akarshit dono hogaye...dil Mano pehli baar dimag pe haavi hone lage...hum khud hi aapke paas aate rahe shayad isliye bina sooche samajhe ye jhoot bol gaye ki maa ghar pe nahi hai...jaise hi hum dil ke sun ne lage dimag ne phir cheta diya ki ye khushi aur saath sirf mission ke liye hi hai...

2nd February

Na chahte hue bhi aapko sabkuch gyaat ho gaya...ye mission..humara dhoka...aur humare beech kuch shuru hoye uss se pehle hi khatam...hum aapke liya kya mehsus karte hai ye jaan sake uss se pehle hi apko sach gyaat ho gaya...jaante hai jab aapne humse pucha ki kya 'humne aapse kabhi pyaar kiya?'
Hum kuch der ke liye soch pe pad gaye aur 'shayad' me javab diya ...aur dil pe pathhar rakh ke na bol diya...

Hum aapko kya javab de HJ jab hum khud hi nahi jaante ki kya humne aapse kabhi sach me pyaar kiya? Aapko shayad sun ne mein bachkana lagta ho par satya yahi ki hum nahi jaante pyaar kya hota kaise hota hai...pehle hum par jaldi zimmedariya thi parivaar ki uske baad force join karne pe humme yahi sikhaya ki pyaar aur shaadi ek bahut badi zimmedari jo aapko desh ke seva karne se bhatka sakti hai...

Par aaj jo bhi hua, usse jaan ne baad aapke andar ka sab tut gaya... aur humara dil ka bhi...kyuki shayad pyaar toh ek hi hai...khuch toh hai jo aapko aur humme jode rakhta...jisse aapka dukh bhi humara ho jata hai...ab na chahte hue bhi mission ke liye hume aapse khatorta rakhni padegi ...

12 February
Mission ke dauraan jab aapne virus khud me inject kar liye toh maano humare shareer se rooh nikal gayi ho aisa laga humme...kyuki aap me humare jaan basne lagi...kyuki aapme humara bhi dil dhadakne laga...phir bhi humne aaj aapke diya hue saare taufe lauta diye...pyaar toh karte hai par shayad kabhi nibha nahi payenge...kyuki hum ek secret agent Hai...pyaar karne ki Anumati nahi hai humme...aur kaise keh de ki hum aapse pyaar karte hai? Jab aabhi bhi humara dimag humesha yahi kehta hai ki pyaar vyakti ko kamzor bana sakta hai...aur chahe na bhi banaye toh hum kaise aapko humare Jeevan me shamil karle jabh hume khud ke Jeevan aur thikaane ka pata nahi...humare kal ka pata nahi hai...

Shayad aapka humse door rehna...hi aapko khushiya de sakta hai kyuki ek baar hum aapko dhooka de chuke hai....

19 February
Hume iss duniya me aapse behtar Jeevan saathi nahi mil sakta .... baato baato me hi sahi par humne aapko humare dil ki baat keh di...ki aapke aur humare beech sirf humare siddhant aate hai...humari ek Kala jo humne training me li ki dil ki nahi dimag ki sunni chahiye...saalo se yahi maante aaye hai kuch dino me iss aadat se dur nahi ho sakte...kaash hum bhi aapse vaise hi prem kar sakte aur prem jata sakte jaise aapne humare liye pehle jaataya...kaash hum dono bhi saath reh sakte ....kaash hum dil ki sun na bhi jaante...kaash.....................

19 March
Kuch cheezo ke do pehlu hote hai...vaise hi soch ke bhi hote hai...ek baat dil ki hoti hai ...ek dimag ki...aaj ki ghatna ke baad sirf dil ki sun ne ka man kar raha hai...chot hume lagi phir bhi dard aapko hua...khoon humara baha aur ashru aapke...itna sab hone ke baad bhi aap humse pyaar karti...humari fikar karti hai...aur hum bhi ab sirf dil ki sun kar aapse prem karna chahte hai...thoda vakt shayad aur lage dimag ko smjhane me lekin phir bhi humne dil ki sun ni bhi shuru kardi..

Aaj shayad aapne aur humne kuch nahi vartalap ki hogi par humari aankho ne bahot kuch keh diya...jo aapke aur humare dil me basa tha..

26 March
Aapke aane se humare Jeevan me bahot kuch badal gaya ache ke liye...aapne hume pyaar karna sikha diya...aur ye bhi ki jeet ke saath sahi tareke bhi Mayne rakhte hai...par sach kahe toh humari paristhiti me koi sahi raasta nahi tha...
Accept karte hai hum HJ ki hum aapse bahot prem karte hai..prem aur shaadi ka pata nahi par aap se prem aur vivha hume kabhi kamjor nahi bana sakta...You Are My Strength HJ.