رواية
منارة مسرح الشطرنج
#بقلمي p18
الشرطي دخل و قال للمحامية: في اي تقدم ؟
هبة المحامية نفخت وهي بتقوم وبتاخد الملف من علي المكتب و قالت : واضح اني هغلب في القضية دي ...عن اذنك
هبة المحامية خرجت من القسم ورفعت التلفون و قالت : أمجد بيه...للاسف المتهم رافض يتعاون معايا ومصمم يلبس نفسه التهمة بالرغم من أني هددته ب عايدة مزال مصمم
امجد وهو خارج من الاكاديميه..بيفتح باب عربيته و بيقول: انا عندي فكرة ...قفل مع المحامية
و راح للفيلا ....طلع جري لاوضه عايدة...خبط..ودخل
امجد: عايدة...عامله ايه النهاردة؟
عايدة بصتله بقرف وتجاهلته
امجد: طيب يا ستي ..انا عارف انك مقفولة مني ومزعوجه..بس الوضع لما كنت هناك مكنش طبيعي وكان مريب و رغم كده انا قومت له محامي
عايدة بصتله....امجد : ايوة ..عملت كده عشانك ...لاني بثق فيكي وبثق في حكمك على الناس...انا عايز اصدقك
عايدة بصت قدامها ونزلت راسها وصامته تماما
امجد: انا اقدر اخليكي تشوفيه
عايده بصت له بلهفة
امجد: بس باهي بيه ميعرفش حاجه عن المحامية...هي عارفه هتعمل ايه وهترتب المقابلة مع عاصم ...بس علي شرط
عايدة : ايه هو ؟
امجد: تاكلي حاجه
قام وقف وراح علي الباب وفتحه و نادا علي الخدم: جهزو صينيه عشا ل الهانم حالا
عايدة: انا عايزة معلبات خضار
امجد بص لها وضم شفايفه وكتم الكلام ...بص للخدامه و قال : جيبولها اللي نفسها فيه...خرج من الاوضه وسابها
(تاني يوم )
باب اوضه عايدة خبط..اتفتح الباب ...بنتين داخلين : انسه عايدة لازم تجهزي حالا عشان هتروحي معانا للكشف الطبي
عايدة: انا مش هروح في حتة...انتو اتعديتو الحدود اوي
المحاميه بتدخل: صباح الخير يا عايدة...انا هبة القاضي ..محامية عاصم ...ينفع نتكلم؟
عايدة: نتكلم ف ايه ؟
هبة المحامية: أولا لازم تنفذي المطلوب منك ...لازم تروحي للكشف الطبي عشان رفضك هيثبت انك بتتستري عليه
عايدة: انا مش بتستر عليه
هبة المحامية: اوك ..اثبتيلهم ده ...وبعدها هاخدك من الكشف للقسم وهخليكي تشوفيه..ها ايه رأيك؟
عايدة وافقت بس كانت قلقانه يشوفو العلامات اللي في جسمها من الجروح اللي صابتها في المنارة و كانت خايفه ده يدين عاصم
بعد ساعات عايدةخرجت من الكشف الطبي مع المحاميه وفي طريقهم للقسم
عايدة: هو نتيحه الكشف هتظهر امتي ؟
المحامية: يوم المحاكمه ..بس انا هشوفها قبل ما تروح للقاضي...في حاجه قلقاكي ؟؟
عايدة: لأ
هبة المحامية: لو في حاجه يا عايدة لازم تقوليلي عليها قبل ميعاد المحاكمه..عشان اقدر اساعدك
عايدة اتحفظت علي الأجوبة وكأن حاجه جواها منعتها تتكلم
بعد ساعه وصلو للقسم...المحاميه دخلت لمكتب الظابط وطلبت تشوف عاصم
العساكر جابوه للمكتب
عايدة جريت عليه وحضنته جامد ...المحامية: هسيبكم لوحدكم شوية.. معاكم ربع ساعه لأننا محتاجين نتكلم..مش مسموحلنا غير نص ساعه
عاصم هز راسه و قال ل عايدة: انتي كويسة؟
عايدة: عاصم انت بتسألني انا ؟ انت ازاي متماسك كده ..و قالت ب حزن : انا مش عارفه اقعد من غيرك
عاصم مسح دموعها و قال : هوووش..متخافيش..انا كويس.. قوليلي اخبارك ايه ؟
عايدة هزت راسها وهي كاتمه الدموع وبتقول: انا كويسة..المحاميه بتحاول تساعدك..عايزين يثبتو انك متعرضتش لواحدة فينا
عاصم ب استغراب: طيب ؟؟ متقوليش ان حد قرب منك ؟
عايدة: اخدونا كلنا للكشف الطبي النهاردة الصبح وكشفو علينا
عاصم وقف بخضة وقال بعصبيه: ايييه؟ انتي ازاي تطاوعيهم وتعملي كده ...امتي ناسيه انك علي ذمة عاصم النادي ...راح للباب وفضل يخبط فيه بعصبيه ويقول : انتو يا زبالة.....انا هفضحكم ..افتحو الباب
فتحو الباب والشرطي دخل وطلب العساكر يرموه في الحجز الانفرادي
عاصم وهما شادينه بيقول للمحاميه: انا هسجنك..سمعاني ؟؟
المحامية دخلت بسرعه وشدت عايدة: انتي قولتيله ايه ؟؟
عايدة بصدمة: عاصم ؟ عاصم هيحطوه في الحجز الانفرادي؟ اعملي حاجه
هبة المحامية: انا مقدرش اعمل حاجه...احكيلي انتي قولتيله ايه ؟
عايدة: قولتله علي الكشف الطبي
هبة المحامية: وليه يا عايدة...ليه تقوليله ؟
اخدت عايدة وخرجو من القسم..امجد كان مستنيهم برا ...عايدة جريت عليه وضمته وقالت: عاصم يا امجد..حبسوه في الانفرادي
امجد: بس اهدي اهدي يا عايدة..انا هتصرف ...تعالي معايا
اخدها وراحو لمطعم عشان يهديها
امجد: بصي يا عايدة...قضية عاصم معقدة جدا ...لازم يعترف او انتي تفهمينا ايه اللي حصل ل ريم .. عشان نقدر نثبت براءته
عايدة: هي ريم وضعها ايه ؟
امجد: في المشفي..في غيبوبة...بتتنفس بالخراطيم..الرئة بتاعتها اتدمرت..صعب تتنفس من تلقاء نفسها
عايدة عيطت و قالت: اماني
امجد: اماني دي واحدة من البنات اللي كانو هناك ؟
عايدة هزت راسها لأ: دي واحدة ميته..بس عفريتها هناك في المنارة
امجد نفخ ورجع بظهره للكرسي ودعك عيونه و قال : انا مش مصدقك يا عايدة..انتي هتجننيني بجد
عايدة: شفت ؟ انت مش مصدقني..عايز الشرطة تصدق عاصم ..عرفت ليه مبيعترفش..عشان محدش هيصدق
امجد: قومي معايا يا عايدة
عايدة: علي فين؟
امجد: هوصلك الفيلا وهروح مشوار
امجد وصل عايدة ومشي
وبعد ساعات...دخل اوضه عايدة و قال : انا روحت هناك يا عايدة...مفيش حاجه من اللي بتقولي عليها...اللي انتي بتعمليه ده مش هيفيده
مين اللي عمل كده في ريم يا عايدة؟
عايدة قامت بعصبيه و قالت: انت مش مصدقني ليه؟ ؟؟ بقولك اماني اللي عملت كده
امجد: عايدة.... انا مبلعبش عليكي دور شرطي زي ما انتي فاكرة...انا صاحبك يا عايدة وعايز مصلحتك صدقيني ..يعني لو في حاجه لازم تصارحيني بيها
عايدة رمت عليه المخده وقالت وهي بتجز علي سنانها: انت حقير وخاين...انا قلتلك مترجعش..انت السبب في اللي عاصم فيه دلوقتي
امجد اتضايق من كلام عايدة..فتح الباب وخرج من الاوضه
عايدة بصريخ: سامعني؟ ؟؟ انت السبب
تاني يوم ...امجد دخل لاوضه عايدة وحب يصالحها
امجد: انا المفروض اكون زعلان منك ...المفروض اتضايق من كلامك ليا امبارح..بس انا عاذرك...عاما انا حبيت اقولك اني روحت تاني للمنارة وفضلت هناك طول النهار...مش هتصدقيني لو قلتلك ملقتش عفريتة اماني اللي بتقوليلي عليها... تقدري تقوليلي هتقنعيهم ازاي في المحكمه؟ المحاكمه بكرة يا عايدة...و ليه مظهرتليش وانا هناك لما كنت في المنارة معاكم ؟ دي كلها اسئلة هيسألوهالنا
عايدة: عشان انا نبشت في قبرها في اليوم اللي انت مشيت فيه وبالنسبه ل ازاي هيصدقوني...انا ميهمنيش قد ما همني انك تصدقني لو كنت فعلا صاحبتك ...انت كسرت ثقتي فيك يا امجد واتسببت في دخول عاصم السجن وخليت حياته جحيم فوق ماهو فيها
امجد: وانا قومت له محاميه العيلة بتاعتنا ولو هو بريء هيخرج
عايدة: انا عايزة ارجع بيتي
امجد: بكرة بعد المحاكمه هتكوني حرة ...اه نسيت اقولك...انا لقيت دي في مكتبه....امجد مد ايده بالعقد بتاع اماني ل عايدة
عايدة بصت ب رهبة وقالت وهي بتشده من ايده: انت ايه اللي خلاك تجيبه هنا؟ ؟؟ انت مكنش لازم تمسكه ولا تطلعه برا المنارة..امجد انت عملت ايه ؟؟؟؟؟
يتبع ....
ESTÀS LLEGINT
منارة مسرح الشطرنج
Aventuraرجلي المجهول .. لقد أهلكني الحب من طرفي .. وأنا في قيد إنتظارك..أحترق وأذوب ك سيجار بين يديك .. يتبخر في الهواء بدون جدوى .. ماعدت أتحمل وجع هذا .. فقد أورثني حبك أسوأ أمراض الحب .. حب من طرف واحد ♡ #بقلمي Ash hanson
