روان:وعدت علينا فترة بنتكلم كل يوم صباح مساء ضهر عصر وفي اي وقت وساعتها انا خفت تاني اقع الوقعه الياها وماف زول يسمي علي فقلت استوب لحدي هنا كفايه كسرت المرة الفاتت ومسحت الواتس وكل موقع ممكن من خلالو يصل لي يومها ما اتكلمت معاو الضهر كدا جاني اتصال منو ما رديت ضرب كذا مرة وما كنت ناوية ارد لكن لمن مكالماتو كترت رديت قلت ليو في شنو قال لي عافيه الليله من الصباح ما ظاهرة قلت ليو عافيه وما فيني حاجه بس ما عايزة اتكلم معاك قال لي خير الحصل شنو انا زعلتك قلت ليو عشان ما يحصل شيء ما عايزه اتكلم معاك قال لي لكن كدا انت بتظلميني قلت ليو اخير من الظلم الحتعاني منو بعدين وقفلت التلفون وختيتو وضع الطيران وقعدت ابكي لاني اتعلقت بيو شديد وخفت اتخزل تاني قمت اتوضيت وصليت ركعتين ودعيت الله يخفف عن قلبي ويطبطب علي للمساء كدا اشتقت ليو شديد وحسيت نفسي ناقصه من غيرو شلت تلفوني وفكيت وضع الطيران جاتني كذا مكالمه غير مستلمه منو دمعتي نزلت ومسحتها تاني ضرب لي اترددت ارد ولا اتجاهل وما قدرت ما ارد
-عايز شنو؟
مازن:انت بتعملي فيني كدا لي؟
-عملت ليك شنو؟
=ما عارفه يعني
-ما عارفه
=يازولة شغل الهرمونات دا ما بنفع معاي اديني رقم ابوك عشان الم ام الفارغه دي قلت ليو عايز بي رقم ابوي شنو قال لي عايز ارقص معاو🙂ضحكت فيو ضحك تاني قال لي انا هسي في الدوام ح انطرد بي سببك رسلي الرقم وبنتفاهم وانا ولا كذبت طوالي رسلتو وبقيت منتظره اها تاني بقيت بس بتصنت لي تلفون ابوي ولمن يدق بجري عشان اشوف دا منو يلا تاني يوم الصباح سمعت ابوي بتكلم بالتلفون ومن نبرة صوتو ظاهر انو الموضوع جادي قلت ياربي بكون دا مازن الاهبل دا🙈❤بعد خلص مكالمه ما اتكلم معاي طلع المدرسه طوالي جريت لي مها قلت ليها دا منو الضرب لي ابوي قالت لي رقم غريب ما مسجل في تلفونو والفهمتو انو زول اتقدم ليك قلت ليها كضابه قالت لي والله جد😂جريت اشيل تلفوني لقيتو ضارب لي
-عملت شنو يامجنون🙈
مازن:لمن لقيتك بتقلي ادبك قلت المك على طريقتي
-طريقتك رهييبه شديد🙈
=المهم ياستي كلها يومين وامي وابوي ينزلو السودان ويتمو العرس وتجي معاهم
-انت ما ح تجي يعني؟
=ما بقدر والله هسي من كم شهر اخدت اجازة وتاني ما بدوني
-وكيف العرس يتم وانت ماف🥺
=ما تخافي بتتجازف اتزفي مع ابوك ولمن تجي هنا اوعدك ح اعوضك
-والله ما عايزة زفاف وانت ماف
=امي ما ح ترضى بي حاجه زي دي
