طلعنا على الشارع ما لقينا عمو ادريس وضرب ليو ما برد فتش جيوبو وطلع عندو نسخه من المفتاح دور العربيه واتحركنا على المستشفى كان بسوق بطريقه بتخوف شديد
-ياسر براحه خلينا نصل سالمين عارفاك خايف على امك لكن كدا بنموت قبل ما نصل ليهم استهدي بالله واستغفر😢
وقف على جمب شويه واخد نفس تاني اتحركنا وصلنا المستشفى سألنا عن رقم الفرفه قالو لينا لسه في العمليات طلعنا لقينا ملاذ قاعده وبتبكي اول ما شافت ياسر جرت عليو حضنتو وقعدت تبكي💔
ملاذ:ياسر انا ما عايزة اخسرها زي ما خسرت ابوي والله ما بقدر اتحمل ضربه تانيه زي دي هو انا لسه ببكي على فراق ابوي كيف امي تمشي وتخليني الفراغ الح تخليو منو البقدر يسدو ويملى مكانو😭💔💔
ياسر كان عاجز شديد وما قادر يتكلم ولا يهدي اختو مشيت قعدتها في الكرسي وقلت ليها ملاذ انت انسانه مؤمنه والبحصل دا كلو قدر ربنا ومفترض نصبر عليو ربنا رحيم بينا اكتر من اهلنا الولدونا ما تتخيلي يشوفك عاجزه وما يساعدك هسي قومي اتوضي وصلي ركعتين وادعي ليها وديتها الجامع وضربت لي ابوي وريتو اني في المستشفى قال لي بجي مع سمرا قلت ليو ما تتعب نفسك انا بطلع بعد اطمن عليها مشيت اتوضيت وصليت تاني طلعنا لقينا الدكتور واقف مع ياسر وقال عملو ليها قسطرة لانو في شريان في القلب كان الضغط عليو كبير لكن الحمدلله بقت احسن كتير قعدنا كذا ساعه تاني صحت ودخلنا شفناها
-شنو يا اموله خوفتيني عليك كدا😢ولا عايزة تدللي عشان ما تعملي لي البسبوسه لكن ولا تحلمي ح تعمليها يعني ح تعمليها😂
امل:اعفوا لي انا زاتي ما عارفه حصل كدا كيف قدر ولطف
وما تخافي بسبوستك حاضرة في اي وقت تعوزي فيها
-يخليك لي تعيشي وتأكليني بسبوستك السمحه زيك دي😍❤
امل:سمحات عيونك
ملاذ:الله يخليك ما تتعبي نفسك تاني ما عايزة اشوفك بالشكل دا😭💔
امل:يا بتي عرسك قرب لو ما اشتغلت الح يشتغل منو😴 والحمدلله الله ستر وعدت على خير
-وانا قاعده وين لمن تشتغلي بتبالغي والله😑انت بس قولي لي عندكم ياتو شغل وانا بجيب اخواتي ونقضي لكن ما تتعبي نفسك وتخوفينا كدا😴
ملاذ:سمعتي تاني ما تتعبي وخلي الشغل منو القال العروس ما بتشتغل انا زاتي بشتغل معاهم المهم انت ترتاحي😢
ياسر خالص ما اتكلم قال ليها حمدلله على السلامه وطلع مشيت وراو وقلت ليو ماف داعي تدس خوفك وحبك لامك لانو ما حرام طالما هي معاك وقدامك ما تخجل وعبر ليها عن احتياجك وحبك ليها لانو العيشه من غير ام صعبه شديد دموعي نزلت غصب عني مسحتها وطلعت برا قعدت في مقعد وكملت بكاي كلو💔
