يوسف:صباح خيري
هناء:يسعد لي صباحك
=مش كفايه نوم ورانا مشوار مهم
-ما هو انت ما وريتني المشوار دا وين
=كدي انت قومي اجهزي وبوريك
قمت ادوشت وصلينا وقال لي ستفي الشنطه وعملت كدا بعد شويه طلع لي تذاكر من الدرج قال لي ماشين السعوديه اسبوع نعمل عمره ونجي قلت ليو بتهظر صااح قال لي وحياه عيونك لا متذكر لمن قلتي لي نفسك تمشي تعمري والحمدلله الله اداني القدرة احقق ليك حلمك دا دموعي بقت جاريه عشرة عشرة🥺وما عرفت ارد عليو قال لي شفتي حركات البكا دي ما بتنفع معاي قلت ليو غصب عني دموعي نزلت قال لي دموعك دي انا بتشاكل معها بعد كدا ما ممكن كل شويه تجي نازله قلت ليو اي شاكله ما تخرب لينا لحظاتنا الحلوه🥺حضني ومسح دموعي وقال لي ما ح اديها فرصه تاني يلا نطلع عشان ما نتأخر على الباخرة قلت ليو ج نسافر بالبحر😍قال لي عشان بتحبي بس لانو الطيران بكون افضل واسرع قلت ليو ما فرقت المهم نمشي سوا❤
""""""""""""""""""""""""
احمد سكت مسافه وبقى يعاين لي وانا الخجل عايز يكتلني
خليل:اتكلم يا ابني انا سامعك
احمد:والله يا عمي عايزك تمشي معاي اتقدم للبت دي
خليل:ما عندك اي مشكله بمشي معاك
-انت قصدك ياتو بت
احمد:بت جيرانكم اسمها عزة
خليل:بت عبدالرؤوف
-عزة.....انت عايز تعرس عزة😨
احمد:اي لي في حاجه
-شفتها وين وعرفتها متين لمن عايز تعرسها
احمد:اتعرفت عليها وقت عرس رقيه واتواصلنا وشايفها الانسانه المناسبه لي
خليل:طالما انتو متفقين ماف حاجه نقولها غير على بركه الله انت اتكلم مع ابوك وانا بشوف عبدالرؤوف دا ونتم الموضوع
احمد:خير ياعمي
احمد قام وقمت وراو وصلتو للباب قلت ليو احمد انت بتهظر صااح قال لي دا ما موضوع يهظرو فيو قلت ليو مستحيل تكون جادي وعايز تعرس عزة قال لي لي ما اكون جادي مش قلتي ما عايزة تعرسيني واشوف واحده غيرك وانا شفت وعشان تعرفي اني راجل وما بقيف على مرا ومشى وخلاني متصمغه في حتتي حاسه اني في كابوس ما قادرة اطلع منو دخلت جوا والدنيا دي لافه بي وما شايفه قدامي قعدت في الكرسي وغمضت عيوني واسترجعت الكلام القالو عسى ولعل يكون حلم واصحى منو
"""""""""""""""""""""""
امنه:هديل انت بتحبي حسام؟
هديل:الحقيقه ولا بت عمها
