"التلاتاشر جمب مستشفى شرق النيل في بيت هادي وجميل متكون من تلاته غرف وصالون ومطبخ واسع وحمامات وحوش مفرهد في اصايص مليانه ورود صباح الخير وكم صنف تاني"
قام ابوي كالعادة بدري وصحانا
خليل:بناتي السمحات كفاكن نوم قومن الشاي جاهز
-ياصباح الخير بي احلى خليل فيك يادنيا دا ياهو الصباح الباهي لونو😍❤
رقيه:انتي اي اي كسري تلج عشان يزيد ليك مصروفك ينصابه😑
-وانت محروقه مالك ابوي وبحبو ومكان واجعك دا ختي ليو شطه😌👋
خليل:بطلن مناقره من الصباح ولا بنقص المصروف منكن الانتين😴
-ابوي انت ما شايفها براها بتغيظني😢
خليل:روقي سااي يارقيه
رقيه:طبعا رقيه الغلطانه اما سمرا الملاك ما بتغلط خالص😒قعدت اعمل ليها حركات بي لساني عشان اغيظها زيادها ولمن ابوي شافني عملت فيها رايحه كلو كلو😂
روان:ابوي جبت لي بسكويتي😢
خليل:جبتو يا غزالة انت قومي
هديل:طيب المسكينه دي ختيتو ليها عيشه ولا نستيني😢
خليل:عيشتك قاعده يا رايقه قومي بس
=ياستهم تعالي الشاي خلي العده دي
هناء:بشربو بعدين يا ابوي لو خليتها بتأخر على الشغل والليله المعاينه وان الله سهل بكون اول يوم
هديل:خليها الليله ما عندي محاضره بدري وح اطلع متأخر بغسلا ليك
هنا:الحمدلله كدا ياداب الحق😴
بعد اتسوكنا وصلينا قعدنا كلنا شربنا الشاي وابوي بحكي لينا عن امي ومواقفو معاها😍❤
هناء دخلت ادوشت وطلعت لبست ليها عبايه وشرابات وجونتات
رقيه:عليك الله وانت جايه جيبي ليك نقاب لانو دا الناقص😕
هنا:قريب ان شاء الله🙈
رقيه:يابت الناس اعملي ليك ان شاء الله كحل ساي ولا فازلين ماشه بي شافيفك مشقشقه كدا😑
-اولا اسمها شلاليف ما شفايف وثانيا ما اي زول لمن يجي طالع بخت ليو كيلو مكياج في وشو زيك ماشه شغل هي ولا عرس خليها كدا مرتاحه
رقيه:سمرا انزلي من سماي ما اقوم عليك😑
-النضمي مع الحمير بجيب الصداع خليتك زاتو😒
ماما اقيفي انا زاتي طالعه
هناء:استعجلي عشان ما نتأخر
-طيب دقايق بس
اصلا كنت مستحميه لبست لي فستان وشلت طرحتي وشبطي وطلعنا على بدايه الشارع عشان المواصلات وقفنا كتير لكن ما لقينا قمت ضربت لي احمد ما ردا علي تاني ضربت لي مؤيد قال لي قريب هسي بجي وفعلا استنينا شويه وجاء ركبت ورا وقلت ليو سوق يا شوفير😂
