صحيت تاني يوم لقيت حمد شايل جردل المسح وبمسح في الصاله
-حمدالنيل انت جادي
حمد:في شنو؟
-بتعرف تنضف😂
=بغسل وبكوي وبطبخ ولو كنتي ما عارفه هسي عرفتي
-عاااد انت راجل السرور
=قلت ليك خلينا نعرس ابيتي
-لا والله موافقه وزوجتك نفسي🙈
نعمات:ازغرد ولا استنى شويه
-هيي عمتو انت سامعه يعني😂
+سمعت وسرا بالي ح تعزمونا ولا بتعرسو براكم
-معقول عرس من غيركم ببقى هو😂
+تعالو اشربو الشاي
-سمح جاين
بعد شربنا الشاي قلت لي حمد العيد فضل ليو كم يوم بس ونحن لسه ما بدينا نضافه نزل الستاير عشان نغسلا وانا بصحي عمران يساعدنا قال لي كويس مشيت غرفتو ناديتو ما ردا دفرت الباب ودخلت لقيتو نايم عريان من غير فنيله اتخلعت ما اتوقعتو يكون قاعد في السهله😂قبلت على الحيطه وقلت ليو عمران...ياعمران قوم ردا لي عايزة شنو قلت ليو عندنا شغل وعايزه عضلاتك دي😂قال لي بعد اصحى قلت ليو لا ما على كيفك هسي تقوم يلا سريع والله ما تقوم اكشحك بي مويه بارده وعارفني بعملا وطلعت خليتو لقيت حمد نزل الستاير ختيتا في الطشت وكبيت مويه وصابون سايل وركبت فيها بي رجليني وقلت لي حمد تعال ثبتني ما اقع بقيت العب وارقص قال لي دا ما شغل على فكره دا لعب😂قلت ليو كدا ما بزهج حتى ياداب حضره الباشا عمران جاء طالع قلت ليو طلع البدر علينا اخيرا شرفت😕مشى على الوضايه غسل وشو وقال لي اعمل شنو طلعت من الطشت وقلت ليهم ارح جوا عايزة اغير القعده بتاعت الكراسي وقفت وبقيت بتخيل اعملها كيف حمد قال لي انجزي ورانا شغل قلت ليو خلاص دقيقه جات حاجه رهيبه في بالي شيلتهم الكراسي وبقول ليهم امشو هناك لالا تعالو هنا ولا اقول ليكم هناك احسن لا تعالو هنا حمد قال لي ما ترسي على برا تعبتينا قلت ليو عندكم عضلات على الفاضي هسي الكرسي دا تعبكم قال لي تعالي شيلي واحكمي قلت ليو برري ما بقدر😂في النهايه ختيتم خته ظابطه وعجبتني تاني شلت حاجات المسح ومسحت الحته ونضفتها ودخلت على الغرف غيرت رصت السراير كلها
عمران:خلي غرفتي زي ما هي
-والله ولا على كيفك بغيرها عوير انت ولا شنو😒
=ما اكرر كلامي تاني
-طيب نشوف
دخلت الغرفه وشلت المقشاشه عشان انفضا وكميه التراب الطلعت ما طبيعيه نفسي ضاق وقربت اموت طلعت برا وما قادرة اخد نفس قعدت في الكرسي وعيوني زغللت استاهل عشان تاني اتراشق
