إضايقت منو شديد كنت عشمانه انو يحنسني على الاقل ولا يحاول يصالحني لكن ولا اشتغل بي الشغله💔مشيت ختيت التلفون يشحن وقعدت اجهز مع عمتو باقي الحاجات ختينا الكيك والجاتو في الطربيزة مع الصحانه والسكاكين والشوك وجبت العصير مع الكبابي شويه كدا وسمعنا صوت الباب شلت البتاع البطلع قصاصات ما بعرف اسمو يناس العارفه تكتب لي في التعليقات😂 ووقفت جمب الباب اول ما دخل فجرتو ونزلت القصاصات فيو قلت ليو كل سنه وانت طيب وعمتو قعدت تصفق الصدمه كانت واضحه في ملامح وشو
-ما قلت ليك كل سنه وانت طيب ما ترد😑
عمران:وانت طيبه يارب
-اها رايك شنو عحبتك السبرايز
=ما كان ليها داعي
-ما ليها داعي في عينك🙂يعني عمتو وشها اتحرق من وقفت الفرن عشان تعمل ليك كيكتك البتحبها وانا حايمه في الشمس عشان اجيب ليك هديه تعجبك وتقول ماف ليها داعي
=ما قصدي كدا شكرا على تعبكم لكن امي عارفه ما بحب احتفل بيو
-هو منو القال ليك عاملنو عشانك التعب دا كلو عشاني انا لانو بحب اعمل عيد ميلاد للناس واسبرزهم
=شكرا ما قصرتي
-يلا نقطع الكيك
=ما باكل سكريات
-كذاب والله😨
نعمات:ما بياكل والله من كان صغير
-واااي عايش كيف انت من غير الطيبات دي🥺عندك سكري
نعمات:بررري يبرى منو ان شاء الله
-اها مالك قال ما بتاكل الحاجات الحلوه
=سااي ما بحبها
-هي الما بتحبك على فكره كيف قادر تعيش من غير ما تاكل باسطه وبسبوسه عايش كيف وريني😒
=زي ما شايفاني
-ولا عشان العضلات ما تبوظ ما بتاكل سكر
نعمات:عامل حميه غذائية بياكل خضروات وفواكه بس
-ياحليلك جاري ورا العضلات وناسي الطيبات😴
عمتو جابت ليو كيكه برتكان من غير سكر ماف وحده تقول لي برتقال😂انا شلت منها لقمه وحده غلبني ابلعها قلت ليم برري دي ما بتنفع معاي شلت صحني ومليتو بسبوسه وكيك وبسكويت وكل الطيبات وشلت كبايه عصيري وقعدت اكل بعد خلصت اتذكرت الهديه دخلت الغرفه جبت الكيس وطلعت مديتها وقلت ليو ان شاء الله تعجبك شال الكيس وفتحو الهديه كانت كبايه فيها صورت ابو وامو حقت العرس الصورة كانت حلوه شديد قامت خطرت لي الفكره دي ومشيت للراجل البطبع الصور في الكبابي قعدت ساعه بقنع فيو عشان يخلصها لي هسي قال لي انو ما بتجهز وهو ومشغول وطلع لي بي ميه حجه لكن البركه في لساني الحناك😂بقيت واقفه منتظره وخايفه من ردت فعلو احتمال ما تعجبو ويكسرها واحتمال يقبلها
