-قلت ليك فكني ما بتفهم انت😡
عمران:عايزة تدقيها يعني
-تستاهل العواليق دي ما عارفا من الصباح بتعمل لي في شنو
=خليك اعقل منها
-ولا اعقل منها ولا سجم رماد مالا شافعه ما هدي كبيره وبتفهم بي راسا القدر الزير دا😑
قعد يضحك لمن قعد في الكرسي قال لي هي ضيفه بعد يومين بتمشي ما تخلي الشينه تطلع منك وما تشتغلي بيها كتيره خليها كأنها بتتكلم مع الحيطه الوراك قلت ليو والله تاني تطول لسانا معاي الا اديا كف اعوج ليا وشا دا😡ومشيت خليتو طلعت برا لقيت الحفله مهججه شديد طوالي استلمت النص مع يوسف وحمد ورقيص شديد💃💃👏حمد شال السيف من يوسف وقعد يبشر بيو ويرقص ونحن معاو اخر دقات ملصت شبطي عشان انطط بي مزاج😂وقفت جمب حمد وقعدنا ننطط ونكورك وصفافير تقيله والبلاغات حدس ولا حرج ما خلو حله ولا خلو ولد ما رفعو بلاغو😂بعد الحفله انتهت بدينا نوزع في الضيافه ورؤى الرشيقه مشت توزع للاولاد حمد شاكلا وقال ليا ارجعي سريع وشال الشياله منها عجبني ليها الرشيقه😒😂تاني رقيه قالت لينا ياسر جاء وح يرجعنا البيت دخلت شلت شنطتي وقلت لي عمتو نتلاقى في العرس وطلعت وصلنا البيت وجري لي ماما وريتا الصور والفيديوهات بتاعت راجلا قعدت تتبسم وتتكشم😍🙈قالت لي طالع حلو شديد قلت ليها ما احلى منك لكن تاني رقيه جات قالت ليها نومي عشان ما تطلع ليك هالات نامت وانا جمبها
تاني يوم:-
مشيت مع ماما الكوفير عشان ترسم كان في زحمه شديده لانو موسم اعراس بعد تعب حتى رسمو ليها وانا عملت حجل ونقش في يدي اليمين وخلصنا من الموضوع دا ورجعنا البيت كان مليان شديد عشان ليله العزومه عمتو اميره قالت لينا نمشي عندهم نبيت هناك لميت حاجات ماما كلها في شنطه وضربت لي اسامه جاء ساقنا ونحن في الطريق قلت ليو نفسي في اسكريم قال لي اسكريم بس قلت ليو نفسي في شاورما برضو قال لي تكرمي ونزل في دريم ماما قالت لي ما كان تطلبي منو قلت ليها نفسي دخلت فيو وبعدين هو اخو راجلي وعم اولادي يعني ما فيها حاجه🙈جاب لينا الطلبتو ومشينا البيت وصلنا وطلع رجع بيتنا كان قاعد عمو عبدالرحمن بس سلمنا عليو ودخلنا جوا قلت لي ماما نومي طوالي عشان بكره يوم طويل ما ح تلقي فرصه ترتاحي اتوضت صلت العشاء ونامت انا ما كنت نعسانه فتحت التلفزيون وقعدت احضر سمعت صوت الباب لبست توبي ومشيت لقيتو احمد دخل عاين لي ولا سلم مشى غرفتو قمت مشيت المطبخ جبت ليو مويه في كبايه قال لي ما عايز طلع ليو غيار من الدولاب وكان عايز يكوي قلت ليو اديني بكوي ليك قال لي شكرا بعرف اكوي براي قلت ليو احمد انت مالك بضرب ليك ما بترد وبرسل ليك نفس الشئ انت زعلان مني قال لي اخر مره اتكلمت معاك قلت ليك شنو مش قلت تنزلي من عربيه ال....دا قلت ليو احمد احترم الفاظك مؤيد دا اخوي ولا اكتر ولا اقل😡قال لي وين شوفتي ليك بت وولد غرباء بقو اخوان ولا انت بتستهبلي علي قلت ليو احمد روق شويه وطي صوتك قال لي ما بوطي ونفض يدو قلت ليو ما تكورك فيني فاهم انا ابوي ما بكورك فيني كدا😡قال لي انا ما ابوك عشان تدلعي فيني وتقلي ادبك واسكت ليك قلت ليو انا قليله ادب يا احمد😢قال لي عويره وشافعه وجنك بكا في الفارغ والمليان وانا زهجت من عولاقك دا اكبري وعيشي عمرك واطلعي من دور الشفع الاتقمصتي دا الدموع ملت عيوني قلت ليو شافعه ودلوعه وما بخلي عوارتي دي ومش زهجت مني الشارع يودي جمل اتفضل خليتو واقف ودخلت الغرفه وانا ببكي ما قدرت اعلي صوتي عشان ماما ما تصحى بكيت لمن بقيت ما قادره اتنفس كنت حاسه انو في سكينه اتغرست في نص قلبي الخنقه الحسيت بيها كانت كفيله انها تكتلني قمت يالله اتوضيت صليت لي ركعتين وقريت قران ونمت في المصلايه
