-والله اهل الاتنين😂
""""""""""""""""""""""""
هديل:ح تتأخر ولا بتجي بدري؟
محمد:عندي شغل والله لكن بحاول اجي بدري
-طيب ممكن اتقل عليك؟
=انت تأمريني أمر
-ما يأمر عليك ظالم يارب
=امييين جمعا...اها عايزة شنو؟
-نون كان نفسها في ايسكريم وانت جاي جيب لينا معاك
=بس ايسكريم
-اي ماف حاجه تاني
=طيب بجيبو
قلت ليو خلي بالك من نفسك قال لي وانت كمان وقفلت الخط طلعت برا لقيت سماهر بت نايله جات من المدرسه بتقرا في سنه سادس يلا نايله دي اخت محمد الكبيرة متزوجه وراجلها في السعوديه ونون اختو الصغيره بتقرا في الجامعه وامو امنه وابو متوفي ربنا يرحمو
نايله:جيتي بدري مالك عملتي ياتو مصيبه
سماهر:الاستاذة طردتني عشان نسيت الكراس بتاع السلامتنا
نايله:اصلا ما بتنفعي لي حاجه بس اقعدي للتلفزيون دا مش عندك امتحان الاسبوع الجاي ولا عايزة تسقطي زي كل مرة
سماهر:اي عندي وما قادرة اقرا
نايله:ما قادرة تقري مالك قال شغاله شنو من تجي من المدرسه تتحشي وتنومي
سماهر:ما عايزة اقرا زاتو
نايله:ما تقري لو عايزة بتقري لي انا بعرس ليك زاتو عشان ارتاح منك
جدعت الشنطه ودخلت جوا ونايله شالت السفنجه وماشه عليها قلت ليها اقعدي الله يرضى عليك انا بمشي اتكلم معاها ابت ترضى الا خالتو امنه اتكلمت معاها حتى قعدت دخلت لي سماهر لقيتها بتبكي قلت ليها انت زعلانه لي قالت لي امي دي اي حاجه اعملها ما بتعجبها قلت ليها امك بتحبك شديد وعايزة تشوفك احسن وحده في الدنيا دي عشان كدا بتشاكلك قالت لي انا بشر ما حمار بفهم لو اتكلمت معاي ساي ما الا تكورك فيني قلت ليها ما تزعلي منها وحاولي اعرفي الحاجات البتحبها واعمليها ليها وتاني ما بتشاكلك قالت لي امي دي لو جبت ليها نجوم السماء ما بعجبها قلت ليها كلامك غلط انت اقري واجتهدي وتعالي الاولى وشوفي ح تفرح ليك كيف وتكون فخورة بيك قالت لي ياريت لو ابوي هنا لانو ما بشاكلني واي حاجه عايزاها بجيبها لي قلت ليها بكرة ابوك يجي ويجيب ليك النفسك فيو كلو وما تنسي انو خالك محمد قاعد واي حاجه عايزاها كلميو وما ببخل عليك قالت لي اصلا خالو محمد دا الوحيد البدلعني البقيه كلهم بشاكلوني قلت ليها والله نحن كلنا بنحبك وعشان مستقبلك بنعاملك كدا قالت لي ما هدي انت بتتكلمي معاي سااي ومن غير شكل هم ما يعملو زيك قلت ليها ولا تزعلي نفسك انا بتكلم معاهم وتاني ما بشاكلوك قالت لي انا ماشه اكل عشان اجي تقريني واجي الاولى قلت ليها فالحه يلا استعجلي عشان نطلع النابغه الجواك قالت لي نابغه دي شنو😂قلت ليها امشي وتعالي بوريك سمعت صوت تلفوني بضرب شلتو لقيتها رقيه قالت لي بكرة تعالي البيت عندي ليك شمار خطير قلت ليها شنو كلميني ابت
الجزء 34
Start from the beginning
