+الحقيقه طبعا
-ما اكذب عليك اول ما شفتو انجذبت ليو فيو حاجه ما عاديه ما زي باقي الاولاد كلامو معاي محترم شديد ما حصل في يوم لمح لي لحاجه ما ياها
+طيب بالنسبه لي محمد
-محمد دا واحد متعجرف وما فاهم الدنيا صااح بكرة يقع من محل واقف وشايف الناس اصغر من النمل ويعرف حقيقتو
+السمعتو انو حسام معجب بيك
-ما عارفه والله لانو لسه ما صارحني لكن لو اتكلم معاي بديو رقم ابوي طوالي ما عايزة لولوه
+يابت انت عويرة الود لو من البدايه خلعتي بي رقم ابوك بجري وبفحط بي كلو
-لو هو عايزني لي قدام ما بتراجع اما لو بتاع لعب اكون كشفت ورقو بدري واريح نفسي من مأساه ح تحصل وجو كأبه ح اعيش فيو
+يعني انت عايزة تعرسي طوالي وين وقت الحب والطلعات والدخلات
-ياستي منو القال ليك دا حب دا كلام فارغ سااي البحبك دا بدق باب ابوك بعد داك بصلك انت غير كدا كضب ساااي
+نظرتك للحب قديمه ومعقده
-اذا كانت نظرتي دي ح تحمي قلبي من الكسر والوقوع في المحظور فانا ح اكمل بيها للنهايه
+خلاص اسكتي حسام جاء
حسام:اوو زولتي انت قاعده
-قاعده وين انت مختفي
امنه:انا ما بسلمو علي ولا ما مرئيه😒
حسام:معليش والله لمن شفتها ما ركزت تاني كيف انت تمام
امنه:بشوف القلب
حسام:فعلا بشوف القلب
امنه:اخليكم على راحتكم
-ماشه وين يابت ما كنا بنتونس
+ظاهر انو حسام عايزك في موضوع
حسام:عرفتي كيف بس😂
امنه:حسيت يلا سلام بضرب ليك بعدين
-طيب بنتواصل
امنه قامت وحسام جاء قعد قصادي وقعد يعاين لي مسافه
-اها ما تتكلم
=خلينا نمشي حته تانيه اهدى عشان كلامي دا مهم شديد
-طيب
قمنا مشينا شارع النيل قعدنا في حته هاديه وبرضو ما اتكلم لمن زهجت قلت ليو انت الظاهر ما عايز تنطق امشي البيت قال لي لا ما تمشي خلاص بتكلم قلت ليو اها قول سامعاك قال لي يازوله بحبك من غير مقدمات طويله وعريضه ما عارف من متين لكن شوفتك بتفرحني طبعا كأي بت فصلت لاول مره في حياتي وما اتكلمت بس ابتسمت بقى يتكلم كتير عن حبو لي واتغزل فيني وانا ساكته بس بضحك😍بعد مسافه قلت ليو نقوم نمشي البيت ولا كيف
الجزء 26
Start from the beginning
