أبو البنات

الجزء 14

"البخاخ بتاعك وين"

(عمران)اشرتو ليو على اليونت مشى جابو لي بخيتو حتى قدرت اتنفس طبيعي

=قلت ليك ميه مره غرفتي ما تخشيها ما بتسمعي الكلام لي هسى لو متي كان احسن يعني شنو التهور وحركات الشفع دي اعقلي يااخ كان بكورك فيني بصوت عالي شديد قلت ليو انت ما ابوي عشان تكورك فيني فاهم ولو مت دا قدر ربنا الكاتبو لي ويعني شنو لو مت النبي مات(صلى الله عليه وسلم)عمتو وحمد جو جارين في شنو قال ليهم غير المقابضه عندها شنو ومرق خلانا قلت لي عمتو نضفت ليو غرفتو وكان فيها تراب كتير عشان كدا نفسي ضاق قام كورك فيني قالت لي سمرا يابتي انت لي راسك قوي وما بتمسي الكلام هو عارف غرفتو فيها تراب عشان كدا قال ليك ما تنضفيا قلت ليها وما يتكلم براحه بكورك لي قالت لي عشان ما سعمتي كلامو قلت ليها ولا بسمع ولو عايز يكورك انا زاتي عندي حلقوم ونشوف البتعب منو🙂 ودخلت جوا

"""""""""""""""

هناء:الليله ما ماشه الشغل؟

رقيه:بنزل بعد العيد

+انت ما بتمشي مالك في زول زعلك

-زهجانه بس وما نفسي امشي اشتغل بعد ارتاح بمشي

+طيب بي راحتك

تلفوني ضرب لقيتو خالد اتونس معاي وقال انو اتشرف بي معرفه ابوي واهلي وطلعنا ناس ظريفين وكسير تلج كتير😂

-اي ظريفين شديد

=يعني ممكن اعمل خطوه جاده بعد كدا

-خطوه شنو😨

=اصل البيت ولا عندك راي تاني

-انت عارف هناء بتناديني برجع ليك بعدين يلا بااي

=ما تتهربي ح نتكلم في الموضوع دا وقفلت منو الصراحه صدمني ما كنت قايلاو جادي😂اخيرا ح ابقى عروس🙈

""""""""""""""

حمد:اطلعي يابت الفطور

-ما عايزة اتسمم

=النعمه ما بتقال عليها سم حرام

-ما عايزة اكل كدا ارتحت

=افتحي الباب دا واطلعي

-قلت ما عايزة بالجبر هو🙂

=والله اكسر الباب دا واخش اشيلك زي شوال الوساخه واطلعك برا اخير ليك تطلعي بي كرامتك

-احيي منك فتحت الباب وطلعت قال لي صاره وشك كدا ح يقع منك قلت ليو خليو يقع قعدت في الصينيه ولا بعاين لي زفتران دا حمد قال لي خلاص بطلي عبط هو قال كدا عشان مصلحتك قلت ليو ما شافعه وعارفه مصلحتي ما محتاجه زول يكورك فيني عمران قال لي انفعلت عشان كدا صوتي على عليك اعفي لي قلت ليو ولا عافيه ليك ولا شتين خلي يجدعوك في جهنم😒قعدوا يضحكو فيني حمد قال لي والله انت مجنونه حتى فكيت شويه وضحكت معاهم تاني شفت الستاير الفي الغساله وخليت حمد وعمران يمصروا ويشروا ونزلت عده المطبخ قعدت اغسل واسمع اغاني وارقص(في وحده قالت لي لو شغلتي قران بتخلصي سريع وبتكوني نشيطه وفعلا كلامها طلع صااح بديت في الشغل بالقران وانتهيت سريع وكمان بقيت لمن تبدا الايه بتمها براي الله يرزقني حفظو❤)بعد خلصت لقيت شكلاته في الطربيزه طلعت برا ما لقيت زول قلت الله اداني شلتا اكلت ودخلت جوا وعمتو مشت تعمل الغدا ضربت لي ماما قالت لي نضفو البيت وغسلو العده فضل ليهم المطبخ بس بنضفو بكره سلمت على البقيه وابوي وقفلت مشيت ساعدت عمتو في الغدا تاني ما حصلت حاجه مهم