تقى_السامرائي
وجن كلبي نار وموجره..
ولابيه احجي ولابيه اتحرك..
احس انتهيت من عياطي ولطم..
شعور بخجل وخيبه..!
ربي جبت عمري شكه وتعب ماغمضت عيني الا واني ابالي سالفه تهد الحيل..
واكفات فوك راسي واني بطرك الجرجف ساتره روحي بي،،
وهنه يجرشن فوك راسي بيهن مقهورات عليه وبيهن
معاجبهن وضعي. .
ربي عيني بصيره وايدي كصيره..
اخذلي حقي ربي كون حوبتي ماتتعدا..
منهاره بشكل مو طبيعي..
وچن نعادت اوجاعي گلهن..
الجنت اضمهن بالگلب انفضحن اليوم..!
وكلهم شافوهن..
لوعت گلبي ماجتي من هاي الدگه السواها بيه فاقد..
لاكضيت عمري ويا امي وابوي..ولا شبعت من حنان اخويه..
گلبي تعب..موش مثل الاول
وماهو گادر..يتحمل تعب ثاني..!
سحبت راسي عمتي وخلته على صدرها..
وتمسد بشعري ودموعها تنزل مقهوره عليه..!
تمنيت امي الواكفه تحاول تطيب بخاطري.
تمنيت ابوي الواكف جوه ويكول بنتي شريفه..
تمنيت اخويه واكف ابدال حارث ويهد على فاقد..
جتني دلوف تبجي وتولول عليه..
كعدت بصفي وضميت راسي بحضنها..
وانوح والعبره هدت حيلي وهيه تطلع مني..
تطبطب على ضهري وتصبرني وتحب براسي..
مايطلع مني حرف اناشغ مثل الطفله..
بس أشر بيدي مو گادره احجي كلمه..
طلعن النسوان وكومتني دلوف ودلال للحمام..
وهنه يسبحني وكل شويه متعايطات..
من اثار الضرب.. دموعي هنه الغسلني ماهو المي..
ينشفن بجسمي وافز ..
من وجع چويات الجكاره..
كعدني على الچربايه ، وحده تمشط بشعري والثانيه تلبسني هدومي.!
اجتني دعاء كعدت جدامي وتصبر بيه وتكولي// اكسري عينه وابقى واثبتي للكل انتي احسن منه
هزيت رراسي بعدم رضا وكلتلها //شلون تريديني ابقى بعد كل السوا بيه ؟!
حبت وجناتي ومسحت دموعي وهزت راسها وكالت//اي وين يسر الگويه .. اريد اشوفنها
حضنت وجهي بأيدي وحجيت واني اناشغ// مابقو مني شي حرگوني مابقو من يسر الگويه تعبوني هوااي..!
باست راسي وكالت // انتي كدها وتعرفين قصدي شنو.. لاتلبسين الخوف وانتي الشجاعه"..
هزيت راسي وسكتت وضلن كاعدات يمي يحاولن ينسني الي صار الي مستحيل انسى ..
مر اليوم واني ماشفت فاقد البنات راحن..
ولليل جتني عمتي شمرت بوجهي الاكل وهو بارد..
من ورا خشمها تحجي ويايه..
ماحجيت مالي خلكها تعبانه وعيوني مورمه..
اكلت مثل الي ماماكله بحياتها..
صارت ب12بليل جان يفوت للغرفه فاقد ..
يدحگلي بأشمئزاز ..
صار يتقرب مني وانعاد الي صار لبارحه بس هل مره!
تم كلشي ..
وتذكرت وعدي لحارث وحجيت بكلبي//يتنفذ وعدي
وكفت على حيلي مجرده من كلشي..
سحبني من عكسي وطفه الجكاره على صدري..
ماحجيت شي دموعي الي حجن.!
ديرت وجهي وهو يسب ويلعن بيه وبأهلي..!
رحت سبحت وچن جسمي متكسر..
طلعت امشط بشعري تقرب عليه وكال//من باجر انتي خدامه لأهلي وبس وتستمرين بشغلج منين اصرف عليج اني وشيطلع فلوس تنطيني ومن تحتاجين شي انطيج..!؟
هزيت راسي وسكتت مدري شجاني وين يسر الي تدافع لروحها وماتسمح لأحد يدوسلها على طرف..!
حطيت راسي عل مخده واتصنع الهدوء وابالي شلون رح احرگه..؟!
سهت عيني واحتلني النوم..
هزيت راسي بأستغراب وكلت//شنو جاسوس شهل حجي..
كال// اي واني الي نقذتج من بين ايديهم هاي بدال ما تشكريني
عطت بي// على شنو اشكرك اخويه وينن لويش ما رجعته..
كال//مااكدر لج فهمي مااكدر ارجع بعد ولا اكدر اجيب اخوج مو زين كدرت ارجعج اخوج شغلته صعبه ومااجذب عليج انسي يطلع بعيده كلش هل سالفه..
سحبني من ايدي وصلني ليبتهم واعتبرو اخويه مات..!
بعد 5 سنين انتضار اختفى فص ملح وذاب..؟!!
عشت بدون كل سند صرت انه السند لروحي..
بنيت بيتي الي نهدم من الصواريخ ورجعته لحيله..
ماغيرت منه شي نفس ما چان رجعته..!
فزيت على صوت عمتي وهيه تعيط وتصيح// نهضي يالمسعده يالعاهره كومي لشغلج نسوان اخر زمن لل7هيه نايمه چا من يصير عندج فروخ شوكت تكعدين..
كمت على حيلي غسلت ولبست عباتي ورحت على بيتي اخذت الخبز واتمشيت اوزعه للافران والنسوان...!
رجعت على دلوف وهيه مصدوما شلون اجي اشتغل بثاني يوم عرسي ..
ماهتميت للكلام چني صرت طرشه مااسمع لكلشي..
خليت صينيه الگيمر على راسي وطلعت اوزع..
اشكال سمعت حجي من العالم معرف وين انطي وجهي من الناس..
اخذتني رجليه للشط وشفته..؟!
_________________________________________
اسفه على الانقطاع صراحه ماجان عندي واهس..
بس اني راجعه انزل الكم بشكل يومي..🥰😎
تصويتكم بويه⭐
#حمله_تعليقات💝
