" بعض الاحيان يعيش ،
المرء وحيد منذ ان ولد،
دون ام تخاف عليه،
دون حبها وحنانها،
دون عطف والده وحبهم له"
تقى _السامرائي
6:00ص
سامراء : العرب
كاعده بحديقه البيت استنشق ريحه الكاع،المبلله
والزرع ريحته ترد الروح .. قاطعني عن هل هدوء صوت دلوف ام الكيمر وهيه تصيح
- وينج يا يسر يلا فكينه ورانا شغل..!
- كايمه كايمه الله يصكعج كل ما تجين اكلج نصي صوتج منا العالم..
وكفت على حيلي واخذت الغتوه لعبايه لبستهن،
قفلت البيبان وطلعت ادحك عليها تخوصرت وكلت
- انتي يمتى تكصرين حسج واصل لسابع جار العرب والمدينه كلها عرفت اني ابيع وياج كيمر.."
- خيه حطي هل صينيه على راسج وامشي،ورانا شغل اليوم نروح لبيت ام جعفر تريد كيمر وحليب تكول فاقد رح يجي ليوم
رف كلبي من كالت اسمه ابتسمت بدون مااحس على روحي خليت الصينيه وحجيت..
- يا عجل ماتحجين صارلج ساعه تلغين هسه تذكرتي..،
-بويه شجاج اخر شي نروحلها لاتفرحين..
عبست بوجها وكلت
- انقشعي من وجهي هنا نلتقي حدج لل8صبح ونروح لام جعفر..
-صار يلا مع سلامه..
تنهدت وكملت مشي بين البيوت وكل ما اصل بيت ادك الباب واسألهم اذا يريدون كيمر وبعض منهم جانو يدحكوني من بعيد ويجون..
وكفت خليت الصينيه عل دجه والهث من التعب
جتي بخشمي ريحه حلاوه دهينه سطرتني سطر
حسيت بجوع مو طبيعي ديرت راسي وشفت الرجال واكف يعيط علمود الناس تشتري منه،
من جوعي صرت ارهول..،
والجو جان كلش حار حسيت الغتوه لزكت بوجهي
شفت نفسي بتعدت عن الصينيه كلت خل انزل الغتوه لان صارت حاره، نزلتها وحجيت بصوت عالي
- عمي ابو احمد.. وكف بداعت ابوك
مشيت بطريقه اشبه بالركض حت اوصل بسرعه
وكفلي وهو مبتسم وتضهر تجاعيد وجه وكأنما كل خط بوجه اله قصه..!
-بعد عمج ماسمعتج، هاج احلا دهينه حاره
- ولله وعشت ، نطيته فلوس وديرت وجهي حت اروح لصينيه الكيمر تذكرت دلوف تحب الدهينه رجعت عليه واخذتلها وحده ثانيه ..
اكل واحس روحي طفله ولاجني بت 19سنه اكل بشراهه من شده الجوع..،
ديرت وجهي وامسح حلكي ركزت على شكل رجال حسيته مركز على حركاتي اكثر مني ،عكدت حاجبي وعطت بي وكلت
- خيرك؟،رايد شي..؟!
ماحجه دار وصعد بسيارته ،هزيت ايدي بعدم رضى وكلت -ناس ماعدها لاشغله ولاعمله..،
لبست الغتوه ورحت على طفل واكف كدام بيتهم ابتسمت بوجه وكتله
-شسمه الحلو ..؟جاوب وهو مبتسم بخجل وكال
-راشد، كرصت خده بخفيه وكتله
-تكدر تشوفلي ساعه بيش،هز راسه وراح ركض ورا ثواني طلعلي وكال
- ساعه ب7:55
بسته بخده وكتله -شكرا يلا فوت لبيتكم
عفته واخذت الصينيه بلهفه حت اروح والتقي بفاقد
مثل الطايره بالهوى وماحاسه على روحي من فرحتي بجيته وصلت للدربونه الي اتفقنه نلتقي بيها اني ودلوف دحكتها واكفه تمسح عرقها الي نازل من جبينها بعصبيه وكتلها
-شماله الحلو متعصب..؟
جاوبتني وهيه تحط الصينيه على راسها وكالت
- امشينه خل نروح لأم جعفر تأخرنه قبل لا الجهال يكعدون وحدهم بالبيت..
تحركت بسرعه وصلنه بيتهم ادحك عليه جان بيت مرتب مو فقراء ولا عدهم بسيطين وكد حالهم بس مرتبين..
ركضت بخفه دكيت الباب ووخرت الغتوه من وجهي،فتح الباب هو اي هو مثل الي مامصدكه هو اجه صدك الابتسامه جانت ماليه وجهي
دحك بوجهي وغمز وصاح امه وطلع وكف باب البيت يدخن..
جتي امه ماجنت منتبه عليهم من يحجون هيه ودلوف تركيزي كله جان على فاقد، وابتسامته وهو يدحك بوجهي مثل لهايمه بوجه وابتسامته وعيونه..
فجأه حسيت على دلوف وهيه تدغ بجتفي عطت بيها
-انتي ماتقدرين الي يصفن شجاج بويه
عدلت عبايتها وكالت
- شطول لسانج شيسكتج دحكي جم يوم واروحن لبغداد شتردين اجيبلج وياي
اخذت الصينيه ولميت عباتي وحجيت
- يابعد يسر وطوايفها فدوه اروحن لليتذكرني..
-جم يسر عندي اني
شلت جيس الحلاوه وكلت
- هاج هذي حلاوه الج ولجهال يحبوها
اخذتها وكالت
-عاشت ايدج خيه ماتكصرين..
-تدللين بويه جم دولف عندي ، جيبي الجهال والبنات وياج عل غده رح اسوي تاجينه وتشريب عود نتعلل بليل وروحو. .
-عجل انضف البيت وسوي حبشكلات و اجيبهن واجي ..
- يلا مع السلامه
طبيت البيت واشتميت ريحه الورد ابتسمت لا اراديا
وكلت
-اوف ياريحه هلي
اخذت قاروره المي وسقيت الزرع جنت اسوي عطري من هل ورد اهتم بي كلش ،ذبيت عباتي والغتوه ورحت كبل عدل للمطبخ بديت اسوي الغده خليت الكدر على نار ناصيه ونضفت البيت متعتي هيه تنضيف البيت أحس يخلق جو الي ..
طفيت الاكل من علنار ورحت سبحت وطلعت كعدت بنص الحديقه استنشق ريحه الورد ترد الروح..،
مشطت شعري وتذكرت صدام..؟!
رئيكم+بين يوم ويوم انزل الكم بارت
دعمكم يبنوات 💕😍😘
شتكولون منو صدام؟
