تقى_السامرائي
تذكرت صدام..؟ وحجيت..
-اوف ياخويه صار خمس سنين ولهسه ماتعودت على فركاك صفنت وكأنما شريط سينمائي مر جدامي وأتذكر بذاك اليوم ..
جانت سنه 1980/9/6 ..
اني جنت بالمطبخ اغسل مواعين، واسمع صوت صدام كاعد يلعن ويسب بأيران وكأنما رح يرتاح اذا شتمهم ديرت وجهي وسمعته يكول
- يسر بعد اخيج حضريلنا جاي رح يجي فاقد وجعفر ..
فرحت تلقائيا وكتله
- تدلل ياخويه من عيني
بحركه سريعه خليت جاي علنار وسويت كهوه جنت احطهن ب دله حضرت الصينيه وطلعت كليجه..،
حميتها جنت اخليها بالمجمده حتى ماتخرب وسويت حلاوه شعريه وحضرت الكعده الهم بالديوانيه ودخلت للمطبخ وسمعت صدام يرحب بيهم
ابتسمت بفرح ..
كعدت كلي أذن صاغيه حتى أسمع فاقد شنو يحجي
كل كلمه منه جانت تجذبني وتشدني اله ..
مرت ربع ساعه وصار صوت صواريخ وعياط العالم بشكل هستيري ..
مااعرف شلون اوصف شعور الخوف ولرهبه طلعت عليهم للديوانيه و اجه صدام يضمني بحضنه ويطمني ان ماكو شي ، بس كلبي جان ناغزني
و احنه واكفين منعرف شنسوي ضربه سريعه فتحت باب بيتنا كأنو رجال دفر الباب وطب يصيح ويسأل عن اسمائنا ومن عرف اسمه صدام ..
جتفونا واخذونا كلنا...
قاطعني عن صفنتي دكه الباب ..
هزيت راسي بعدم مبالا وكمت على حيلي وخليت شيلتي على راسي وحجيت
-منهو
-اني دلوف
فتحت الباب وسلمت عليهم جنا ننجمع اني وخوات دلوف و دلال و دعاء فاتو بس كالبين الخلقه وكفت بنصهن وصحت
- شمالجن اكو عزه وماعرف
نطت دلال من مكانها وكالت
- تعاي كعدي جدامي اني اكلج شصاير
خزروها البنات وحجيت
- تعاي دلاله احجيلي ، تربعت كدامها وحجتلي
- دحكي يخيه جيرانه ام سعيد تعير دلوف برجلها الي الله لايرحمه وتشمر بساميرها على دلوف ..
ديرت وجهي عليهن وصحت بيهن
- تستاهلين وحيل بيج
باوعتلي مصدومه ،كلتها
- مابيج خير ترديها معندج لسان
كمت على حيلي وكلتلهن
- ذاك لمطبخ حارالأكل صبن بين مااجي
صاحو وين مارديت الهن خليت شيلتي وطلعت وكفت كبال بيت ام سعيد وصيحت
- وينج يسميره ام لوصخ تعيرين دلوف وانتي رجلج انكس من رجلها يركض ورا الغجريات بنص الليالي
ويجيبهن لبيتج العرب والعجم تدري بوصخه
اني حجيت هيج ونص الناس وكفت تباوع وهيه جتي تهجم عليه وكفت بنص النسوان جانن يوخرني ميخلني اضربها صحت بيها وكلت
- ام لوصخ ضمي وصخج بعدين تعاي عيري بنات العالم تفلت بوجها وديرت وجهي ورجعت
دخلت البيت وكلت
-اوف جنه مي بارد ونزل على كلبي
وكفن كبالي وصاحن
- يصكعج الله شسويتي
ذبيت شيلتي بأهمال وكلت
- اشش ولاكلمه اي وحده تلومني اسحلها سحل
يلا صبن عاد بطني تقرقر من الجوع
ضحكو وكل وحده راحت سوت شغله وكعدنه نتغده
سويه دائما احس براحه من اشوفهم ملتمين داير مدايري أفرح هوايه
خلصنه اكل وشلنه المواعين ورتبنه المطبخ وكعدنه
بالحوش بللت الزرع حتى يجي هوى بارد
حطيت صينيه الجاي والكهوه والكرزات والكليجه و دعيه مسويه حلاوه جكليتيه ..،
من نكعد سويه وكأنما يصير بالبيت روح تتعالى الضحكات والفرحه من البيت قاطعنا عن اندماجنه
بالحجي والضحك صوت دكه الباب. .!
خليت شيلتي وصحت - جايه جايه منو..؟
- بعد عمتج اني ام حارث
فتحت الباب وكلت
- الف هلا بعد كليبي فوتي بس اني والبنات
فاتت وهيه تكول
- يروح عمتج ولله هسه اجينه من العماره رحت على اختي جانت اسوي عمليه
- ياا بالشفاء العاجل وأنه اكول صارلج سبوع ماكو
فوتي يفوتج الكليجه من ايدي
فاتت وسلمن عليها البنات اباوع عليها هل مره شكد ساعدتني وكأنها امي ولله صار9 سنين جيران وابد
ماعافتني واني محتاجه الا وهيه تساعدني..
كعدت تحجيلنا عن اهل العماره والبيوت هناك قاطعتها عن هل موضوع دلال وكالت
- عمه بعدج تشوفين ايد
- يا وأنه يمتى عفتها
- عليج الله اقريلي
باوعت عليها وحجيت
-يا دلول شجاج تصدكين بهل سوالف
جاوبتني ام حارث
-يا يسر شمالج ماتصدكين تعاي جدامي اقرالج وبعدين كولي ام حارث كالت
لزمت ايدي وكالت
- يا يسر جنج عاشكه يمصكوعه وتاليتج متعذبه وضايكه المرار
جاوبتها بأرتباك واضح
- يعمه شلج بهسوالف، هاج عمه فدوه لكلبج اخذي جايج وعوفينه من هل سالفه...
رايكم بالبارت ؟؟
يبنوات لاتنسون التصويت
وشكرا💙☺
