تقى_السامرائي
ضليت صامته بشكل مبالغ بي ،حست عليه دلال عرفت ان اني سمعتها شنو حجت جانت متوتره وخايفه تقربت مني وكالت
- سمعتي شحجينه؟
هزيت راسي ومشيت بعدم اهتمام ..
كعدت وياهم عل غده جنت كلش هادئه بس بداخلي
فوضى ضجيج أفكار،مشاعر ..
جانو يدحكون بوجهي بس مالي عين ادحك بوجهم
خجلانه بس على شنو على شي مامسويته ولا أدري بي ،لميت الغده وياهن وكعدت بالحوش اشرب جاي..
وتدور أفكار براسي وبداخلي متحلفه لفاقد ، ولله لا اطلعها من خشمك على هل عمله تالي ما تالي هيج تسوي بيه ،ويجي أبالي خاف فاهمين السالفه غلط
هو ميسوي هيج هو يحبني ..
حطيت أيدي على خدي ليش مو مقتنعه من اكول هو يحبني ، صدعت من كثره التفكير مدري شجاني ليش هيج اقهر بروحي..!
سكتت وصرت مثل البالعه الموس !
مشت الأيام بسرعه البرق ..
إلى أن اجه يوم الحنه، كلها فرحانه فرحت لفرحتهم الي غير هيج ابد مافرحانه..
لبست بدله مرتبه ومستوره ، وشعري كصيته كصير كرهته كرهت كلشي بيه مااعرف حسيت روحي اتغير جثير..
يفترن البنات داير مدايري وهنه فرحانات الي ،واني كاعده بنصهن بوجه مبتسم بهزء على الي اني بي
على كميه الحيره الي دااعيشها ..
او على كميه الخذلان الي اني بي او على عنادي الي بسببه وصلت لهنا ، جم وسفه وحسرات كضن الليالي مابين أحلامي بصدام وهو يمنعني ولا خوفي بس بعديش؟بعد ما الفاس وكع بالرأي.!
بدت العالم تجي وأشكال واللوان سمعت حجي الي تكول يا شجاها وكصت شعرها والي تكول اخوها مفقود وهيه دتزوج والي فرحتلي والي تكرهني وجتي باركتلي..!!
صار عندي اشباع من كلشي من جذب،نفاق،خذلان...
ماعندي قابليه حتى اسمع اي شي ساعات أفكر يمكن اني ابالغ بكلامي؟؟
او يمكن الموضوع مو هيج او يمكن اني الي داابرر اله؟
دخل هو واعاينله يدحك بذيج وهاي.!!
لبسني الذهب وهو يفر بأذاناته ويباوعلهن ولا جن اني كاعده .؟؟
لهيج درجه هو مهتلف واني ماجنت منتبها
لو من حبي الزايد ؟؟لو شنو يايسر شنو من أعذار تردين تطلعيله؟!!
خلصت الحفله وبقت بنات ثنين كاعدات اني هم كمت لعبت نفسي من الوضعيه وكفت جدامي بنيه مشايفتها تخوصرت وحجت وهيه تتلمس خصلات شعري
- هاا اخذتيي،عشتو قابل قحط اصلا شبعت منه..
حجت هل كلام ودارت وجها وراحت ،مشيت مثل التايه شسويت بروحي شورطت نفسي ذبيت البدله وكعدت صفنت وكلت الروحي..؟
-احجي لحارث بلكت يساعدني ،هزيت راسي وضربت راسي بأيدي بخفه وحجيت
- يا شجاج غبيه حتى يتشمت بيج عمت عينك..
هزيت ايدي بأستهزاء على روحي وعلى الموقف الي اني بي..
طبيت سبحت وتمددت عل فراش صافنه لمفروض هسه اني فرحانه ، لمفروض هسه اني طايره من الفرح .
حاولت انام وسهت عيني ..
جرني من ايدي وقربني لوجهه وصاح بكل علو صوته وكال
- اشش ولا حرف شجاج مسودنه انتي ابيع بلدي وعرضي للحثالات؟؟
نفضت أيدي منه وحجيت
-شجابك لهنا فهمني.
حجه بأرتباك
-اني جاسوس عدهم
كعدت على صوت البنات عاينت الساعه ب8 هم يلا كمت سبحت وبدينه بتحضيرات العرس وهنه مخبوصات اكثر مني ..!
جدا اسفه على البارت القصير
لاتنسون التصويت+رئيكم يهمني
