The Stranger I love (System)

BINABASA MO ANG

General Fiction

လမ်းမကြီးပေါ်မှာ ကောင်လေးတယောက်က သွေအိုင်ထဲလဲနေသော အသက်မဲ့နေသောခန္ဓာကိုယ်ကို ထွေးပိုက်လျှက် သွေးရူးသွေးတန်းအော်ဟစ်နေသည် ... Qing Yan: "ဖေးရဲ့ မင်းထပါဦး .. ဖေးရဲ့ သတိထားပါဦး မင်း အရမ်းရက်စက်တာပဲ .. ပြောတော့ ငါ့ကို မင်းရဲ့အချိန်တွေ ပေးမယ်ဆို .. ဒီ...

#bl #boylove #fiction #game #ownstory #rebirth #slowromance #system

Arc 3.14

Magsimula sa umpisa

ni khunsin

Kou က မီးဖိုချောင်ထဲ ခေါက်တုံ့ခေါက်ပြန် သွားလာပြီးတဲ့သကာလ ဖွယ်ဖွယ်ရာရာ အသားဟင်းတမျိုး အရံဟင်းနှစ်မျိုးနှင့် တို့ဖူးပဲပြားဟင်းရည်တို့ကို နှစ်ယောက်စာ ပြင်ဆင်ပေးလာသည်။ အငွေ့များက တထောင်းထောင်းထနေပြီး စားချင်စရာအနံ့ နှင့် ချစ်စရာဂျပန်စတိုင်
ပြင်ဆင်ပုံလေးက ဆွဲဆောင်နေသည်။

မျက်လုံးလေးများတောက်နေသော Shou ကို ကြည့်ပြီး ဗိုက်ဆာနေပြီလားလို့ မေးပေမယ့် အဖြေပြန်မရပဲ ထမင်းဝိုင်းကိုကြည့်ပြီး ဖုန်းဖြင့် ဓာတ်ပုံရိုက်ယူနေကြောင့် Kou က တူကိုင်ရင်း စောင့်ပေးသည်။

ထို့နောက် Shou က တို့ဖူးပဲပြားဟင်းရည်ကို သောက်ကြည့်ပြီး "ဝူး ကောင်းလိုက်တာ" ဟု ပုခုံးလေးကျုံ့ မျက်လုံးလေးမှိတ်၍ ချစ်စဖွယ် မှတ်ချက်ပြုသည်။

"ကလေးက တို့ဖူးပဲပြားဟင်းရည် ကြိုက်တာလား"
"အင်း အဲ့တာထက် ကျနော်က ခင်ဗျားပြင်ဆင်ပေးတဲ့ အစားအသောက်ကို ကြိုက်တာ။ ကျနော့အကြိုက်နဲ့ တထပ်တည်းကျလို့" ဟု ခေါင်းမဖော်တမ်း ပလုပ်ပလောင်းစားရင်း ဖြေသည်။

"ဖြေးဖြေးစား ရေသောက်ဦး"
"ဟင့်အင်း .. ဒါသောက်မှာ .. ရော့ ဖောက်ပေးဦး ရေခဲလေးနဲ့ ထည့်ပေးနော်"
Shou က ရေခဲသေတ္တာထဲက ယူလာသော ကိုလာတစ်ဗူးကို ထိုးပေးလိုက်သည်။ Kou က ဖွင့်ပေးလိုက်ပြီး ဖန်ခွက်ထဲ ရေခဲနဲ့ ထည့်ပေးသည်။

စားသောက်ပြီးသော်
"အသီးစားမလား"
"အွန်း စားမယ်"
Kou က Shou ကို ဆိုဖာပေါ် မ တင်ပေးပြီး TV ဖွင့်ပေး၍ Shou လက်ထဲ Remote control ထည့်ပေးသည်။ ပန်းသီးတလုံး ခွာပေးပြီး တစိတ် စိတ်ပေးလိုက် Shou က ပါးစပ်ထဲထည့်လိုက်နှင့် လက်ပင်မလည်ပေ။ တခါတခါတော့ သူ့ဆီ လာလာခွံ့တာကိုပဲ ကျေးဇူးတတင် စားရသေးသည်။

"ကျနော် ခင်ဗျားဆီက ယူတဲ့ငွေကို ခင်ဗျားဆီမှာ အလုပ်လုပ်ပြီး ဆပ်လို့ရလား။ ကျနော့ဖေဖေက ခင်ဗျားကို ရှယ်ယာလွှဲပေးထားတာတောင် စိတ်မသက်မသာ ဖြစ်နေပုံပေါ်လို့။ သူ့သားကို သူအသုံးမကျလို့ ရောင်းစားလိုက်ရတယ်ဆိုတဲ့ရုပ်နဲ့။ ကျနော် အဲ့လောက် စျေးပေါပါ့မလားနော့"