تقى_السامرائي..♡
ليت يعود الزمن..
ونصحح اخطأنا،؟
-حرام عليك فضحتني بين العرب شسوي بعد
كلشي سويت علمودك تريد انتحر حت ترتاح
خليت المدينه كلها تحجي عليه..،
- عجل ترديني افضح عيلتي كلها لخاطرج..؟
- حسبي الله ونعم الوكيل عليك يا ناقص غيره..!
ارتعشت من شده الضربه الي جتي على جبيني
مثل الساعقه.
دحكت عليه والدم ينزل لعيني،اشمئزيت من شفت شكله وهو يدور الفلوس
ديرت وجهي عنه واني اصطنع الهدوء ..'
طلع من الغرفه وركع الباب حسيت صارت هزه بالبيت..
باوعت للباب وضليت اتفل واسب بي والعن الساعه الي حبيته بيها.!
ادحك لبطني واكول - تعال وحنن ابوك عليه..؟
وكفت اعاين عليه من الشباك وهو صعد سيارته بسرعه،وكلت
- يارب يصير شي ومايصل ..!
فتحت باب الغرفه وهيه تلعلع بصوتها عبالك قرج،"
اتخوصرت وكالت- اي داده شكلتيله وكلبتي عليه هيج وين طلع هو ..
اخذت كلينس بأهمال واني أشر بأيدي واكول الها.
-دحكي تطلعين لا اخليج فضيحه لأمه محمد وتصيرين حجايه بحلك اليسوه والمايسوه وألم العالم عليج واكول تهجمت عليه وتصير الفضيحه فضيحتين و يا ام حسين جنتي بوحده صرتي بثنين..؟
ركعت الباب وطلعت "غميتها وعطت - مابيكم خير بس تركعون بالبيبان واحدكم يخاف من خياله...
دخل عليه وسائل بيده الحزام..؟
ويصيح
-من بيت البسود تفضحيهم هيج ،الا اخليج عبره لأمثالج تعاي بنت السكط
صرت اتلاوه ويا فيسبيل مايأذي ...؟!
ها يبنوات شلونجن💕
رائيكم بالمشهد؟؟
اول قصه اليه دعمكم حبيبات💞💙
ليوم بليل اول بارت رح ينزل ❤
