A Cyclist's Diamond [Cyclist Series 1]

Chapter 7

Sumakay kami sa jeep papunta sa bahay nila. Nakipag-away pa ako kay Asrow kasi pwede namang dumiretso nalang ako sa cafe habang nakajeep, eh pinilit niya ako na siya na daw maghahatid sa'kin gamit bike niya.

Hindi ko talaga magets kasi nasa jeep na nga kami eh! Isang sakay lang yung cafe 'tas papahirapan niya pa ako.

In the end, nagbato bato picks kami. Siya yung nanalo kaya heto, nasa jeep kami papunta sa lugar nila. Grabe talaga yung kamalasan ko ngayong araw.

I ended up sitting next to him in the jeep and I just looked at the window for some air. He was at the entrance of the jeep 'tas may isa pa akong lalaking katabi sa kaliwa ko. For some reason, kanina pa siya usog ng usog papalapit sa'kin, to the point na dumikit ng saglit ang dibdib ko sa kanyang braso.

Napaabante naman ako kaagad kay Asrow. Mukhang napansin niya 'yun kasi bigla niya akong tinanong, "What's wrong? Are you okay?"

"W-Wala," Sagot ko naman. Baka imahinasyon ko lang naman yung ginawa nung lalaki kanina.

Tumigil saglit yung jeep sa may gasolinahan. Nagtakip ako agad ng bibig at ilong kasi ayoko yung amoy ng gasoline, parang hihikain ata ako doon anytime. Suminghap ako nung dumikit ulit yung lalaki sa'kin tas parang nananadya na! Dinikitan niya ang dibdib ko ulit gamit yung braso at likod niya.

Bago pa ako makagawa ng eksena doon, biglang tumayo si Asrow 'tas nakipagpalitan ng pwesto sa'kin. "Tumabi ka nga diyan, ako na uupo diyan." 

Sinunod ko naman siya agad kasi hindi na ako komportableng katabi yung lalaki na 'yan. Yung lalaking minamanyak ako ay biglang napausog ng kaunti palayo sa'min. Madami naman kasing espasyo doon sa dulo, bakit niya pa kailangang makipagsiksikan sa'min?

"Hoy tangina mo, minamanyak mo kaibigan ko ha," Hinampas ni Asrow ang braso nung lalaki, dahilan para mapatingin yung ibang tao sa'min. 

"H-Hindi po," Pagdedepensa nung lalaki pero wala, tinitignan na siya ng masama ng ibang tao.

"Anong hindi hindi? Kanina ka pa dumidikit sa kaibigan ko, nakita ko 'yon tangina mo talaga. People like you should rot in hell," Asrow scowled him, kaya napahawak ako sa balikat niya. 

"T-Tama na," Pagsasaway ko sa kanya.

"Hindi 'to tama Cally," He said with a serious face. "If I ignored this, then that would also mean that I'm ignoring the cries of the women who were mistreated and played as if they're dolls."

Tamang-tama, nakaparke kami sa gasolinahan. Nagtawag si Asrow ng pulis na nandoon 'tas pinaaresto yung lalaking nang-manyak sa'kin. He tried to defend himself that he didn't do anything wrong but no one believed him, because I told them my side of the story. May passenger din na nag-agree sa story ko kasi nasa harapan ko lang siya nakaupo, nakita niya daw 'yon. The other passengers looked relieved when they saw him arrested. 

Napakalma ako doon. Natatakot kasi ako kanina sa bawat pagyapos niya sa dibdib ko gamit yung braso niya. Ang creepy shit. Ngayon lang ako nakaranas no'n at ayoko na ulit makaranas. 'Buti nalang at nasa tabi ko si Asrow no'n.