A Cyclist's Diamond [Cyclist Series 1]

Chapter 13

"Hoy tiyanak ka, magkwento ka nga!" 

Kilig na kilig na sambit ni Shaira nung nalaman niya ang ginawa namin ni Asrow noong nakaraang Linggo. Jusko, akala mo naman napaka-big deal na naghang out kami nung lalaking 'yon. 

"Ano pa bang makwekwento ko eh nasabi ko na lahat," Inirapan ko ito.

She pouted. "Luh! Okay, sana all nalang talaga!"

"Bakit? Ano na ba ang nangyayari sa inyo ni Castriel?" Nakangising tanong ko pero hindi niya ako sinagot.

"Pabayaan mo 'yon!" Natatawang saad nito bago ngumiti ng pilit.

I didn't want to force her to tell me anything regarding the guy she likes so I just gave her a hug. Sabay kaming pumunta ng klase nung araw na 'yon at pagkatapos ay pumunta agad ako sa cafe para magtrabaho.

Mas tumatagal na ang shifts ko doon sa cafe at 'buti nalang pinayagan ako nung Manager namin na magkaroon ng extrang bayad. Mabait naman pala talaga, masungit nga lang pero nagpapasalamat ako sa kanya dahil hindi niya naman alam yung financial problem ko, pero tinutulungan niya pa din ako.

Sinusundo na din ako ni papa madalas dahil inaabot na ako ng gabi araw-araw. Ayoko na ngang sunduin niya ako ulit kasi sa bawat pagsakay ko sa tricycle niyang naluluma at nangangalawang na, palagi 'kong naririnig yung mga 'sorry' niya, eh wala naman siyang dapat hingan ng tawad. 

I did this on my own will; to help my parents, for them to not have a hard time anymore.

Makalipas ng ilang Linggo, sumapit na ang Pasko. Mayroong Pag-iilaw na ginaganap palagi sa school tuwing buwan ng Nobyembre. Normal na event lang ito kung saan may iba't-ibang banda na nagperform 'tas nagkaroon ng pag-iilaw sa may plaza ng school. Madaming estudyante ang pumunta para makilahok sa kaganapan na 'yon. Nung araw din na 'yon, sinamahan ako ni Asrow maghapon nung umalis sina Shaira. 

Nung padating na ang Christmas break, naging busy ang cafe sapagkat may mga schools na nagstart na yung break, kaya madaming nagbabike, gumagala, etc. Halos araw-araw na din ako pumapasok sa cafe, kasama na din yung Sabado ko kaya palagi nalang ako nagcracram sa mga requirements. Tuwing madaling araw nalang ako nakakapagbasa at nakakapagreview ng lectures.

"Oh, another cram nanaman?" Bungad na tanong sa'kin ni Shaira nang makita niya akong dire-diretsong nagtatype sa laptop niya sa library.

"Ah oo," Mahinang sagot ko kasi nakapokus ako sa sinusulat 'kong report.

"Besh, alam ba 'yan nina tita?"

Agad naman akong umiling sa kanya. Hindi ko pinapahalata kina mama at papa na pagod na pagod ako galing sa trabaho. Hindi ko din sinabi sa kanila na nahihirapan akong pagsabayin yung trabaho at school ko kasi malamang sa malamang, papatigilin nila ako sa pagtratrabaho, eh ayoko.

I lied for the better good.

Umupo si Shaira sa tabi ko. "Cal, may bibigay pala ako sayo."