الفارس و السمراء (رواية مغربية🇲🇦 مكتملة)

الجزء الخامس عشر

بقلمي: اسماء مكتفي
🍁
🍁
🍁
🍁
🍁
🍁
🍁

في بيت والدي مريم .. و في غرفتها كانت متكأة تنظر للسقف و هي تتذكر حوارها مع كريم ..

Flash back

في فيلا كريم الموسيقى صاخبة ككل مرة يلتقيان فيها.. زجاجات الخمر و دخان السجائر يملأ غرفة نومه.. جلست مريم جانبه على السرير و هي تحمل سيجارة في يدها...

مريم: هي قوليا دابا ولات خدامة عندو.. ههه

كريم بضيق: علم الله شنو عايشة معاه دابا.. انا متاكد غتكون كتاكل تصرفيق فالصباح و العشية ..

مريم بضحكة مائعة: ههه ايوا هيا مبغاتش تسمع هدرتي كون طيحات شي واحد كون راه كدخل الفلوس ..

نضر إليها كريم بصدمة.. يعلم انها ليست في كامل وعيها.. قرر ان يجاريها بالحديث..

كريم: اهاه؟ و علاش مبغاتش؟
مريم و هي تزفر دخان سجارتها بحنق : دايرة فيها عزة نفسي.. معقدة و حمقة هاهي دابا ولات خدامة تحت رجليه ..
كريم: يعني هي معمرها عرفات شي واحد؟؟

مريم بسخرية: هههه هاديك عمرها ما هضرات حتا الهضرة مع شي حد كنقوليك معقدة.. اف تهنيت منها ديك الايام لي جلسات معايا مرضاتني ولات حاضياني فين غادة فين جايا.. ديتها نهار معايا للقهوة دارت لينا ديك الشوهة ..

كريم بسخرية : هه حيت بنت دارهم ماشي بحالك عادي ميعجبكش هادشي..

مريم و قد انتبهت لما قالته : ااااا.. ا كيفاش شنو بغيتي تقول؟

كريم و هو يتوجه للحمام: هه سحابليك انا معايقش علاش كتجي عندي.. نتي عبدة ديال الفلوس هبة قبلات تخدم عند اسامة باش تحافظ على راسها و تحمي عائلتها.. اما نتي كتبيعي راسك على قبل جوج دريال.. هزي خلاصك و توكلي علاه باغي نعس ليوم بكري ..

دلف الى الحمام ليستحم تحت صدمتها.. تعلم جيدا انه محق في كل ما قاله.. و كأنها الآن فقط اكتشفت انها فتاة رخيصة.. انها أمة لمن يدفع اكثر..

ارتدت ملابسها و خرجت من الفيلا مع دموعها و كلمات كريم لا تفارق مسامعها...

Back

استيقضت من شرودها عندما دخلت عليها امها الغرفة..
تقدمت نحوها مصطنعة ابتسامة حنونة: مريم بنتي علاش مجيتيش تعشاي؟
مريم ببرود: قولي شنو بغيتي أمي..
تنحنحت أم مريم بحرج :أااا.. باك سولني الا كانو عندك شي فلوس ..
مريم بتأفف:عاد عطيتو السيمانة اللي فاتت مصروف الشهر منيييين بغيتوني نجيب ليكم الفلوس ..
ام مريم بحنق: و انا مالي خرجي قوليها ليه علاش خدامة ملي معندكش الفلوش؟

مريم: علاش خدامة؟ واش سحابليك كنعطيكم غير من المانضة ديال الخدمة؟ علاش كديرو راسكم ما فاهمين والو نتي عارفة مزيان مني كنجيب الفلوس.. ولكن كتبغي تغمضي عينيك.. اوا الالة هاداك الي كان كيعطيني مابقيتش معاه قطع معايا.. دابا ما بقا عندي منين نعطيكم..