L'Amour ||Taekook||√√ [Completed]

~3~

Unicode

ဆေးရုံရဲ့ထမင်းစားဆောင်ဘက်တွင်
ထမင်းစားနေသည့် သားအမိနှစ်ယောက်၏ မြင်းကွင်းသည်ကြည်နူးဖွယ်အတိ။

Taehyungရဲ့အမေသည်နေလည်စာ
ကောင်းကောင်းမွန်မွန်စားနေပေမဲ့Taehyung
ကတော့ တစ်ဇွန်းနှစ်စွန်းသာခပ်စားသည်။

ပြင်သစ်လူမျိုးတွေသည်ပေါင်မုန့်၊အသားနဲ့ အသီးတွေကိုဦးစားပေးစားသုံးကြသည်။

ပြင်သစ်အစားစာတွေကိုTaehyung
နှစ်သက်ပါသည်။သို့သော်ရောဂါအတွက်
သောက်နေရသည့်ပိုးသတ်ဆေးတွေကြောင့်
ပါးစပ်ပြတ်ကာ ဘာစားစားအရသာမရှိ ဖြစ်ရသည်မှာ အမြဲလိုပင်ဖြစ်နေတော့သည်။

"သားလေးစားလေ မကြိုက်လို့လား။"

အစားသိပ်မစားတဲ့Taehyung ကို အမေဖြစ်သူကစိတ်ပူကာမေးတော့ Taehyungသည်ပြုံး၍သာခေါင်းလေးခါပြလိုက်သည်။

"မဟုတ်ပါဘူး။ကြိုက်ပါတယ်။
  မာမီနဲ့ထမင်းအတူမစားဖြစ်တာကြာပြီနော်။"

Taehyungရဲ့ပုံစံသည်ဝမ်းနည်းနေပုံရသည်။
အမေဖြစ်သူနဲ့ခွဲကာရေမြေခြားမှာဆေးကုနေရသူက တွယ်ကပ်စရာ မှီခိုစရာ အားဟူ၍ပင်မရှိ။

အမေဖြစ်သူကိုလဲအပြစ်မတင်ရက်ပါ။ ဒီလိုနေရာမျိုးမှာဆေးကုနိုင်ဖို့ကြိုးစားပေးတဲ့ အမေကိုပို၍ပင်ကျေးဇူးတင်သောကြောင့်ဖြစ်သည်။

အမေစိတ်မကောင်းဖြစ်မှာစိုး၍ပါးစပ်ထဲ၌အရသာ
မရှိသော ဟင်းပွဲတွေကိုဟန်ဆောင်ကာစားပြလိုက်သည်။

"မာမီလည်းလာချင်ပါတယ်။သားလေး
တစ်ယောက်ဘဲရှိတာ။ဟိုမှာမာမီသာ အလုပ်မလုပ်ရင်အဆင်မပြေဘူးလေ။
သားအသိဆုံးမလား။"

ဖျော့တော့တော့လေးသာပြုံးပြလိုက်မိသည်။
မာမီကသူ့အတွက်ကြိုးစားပေးနေရတာ သူကတစ်ဦးတည်းသောသားဖြစ်နေပေမဲ့ အမေရဲ့အလုပ်တွေကိုဝိုင်းမကူနိုင်ခဲ့ဖူးလေ။

"မာမီသားလေးကိုတော့ အသက်ရှည်စေချင်တယ်။ မာမီကြိုးစားသလိုသားလဲကြိုးစားပေးမယ်မဟုတ်လား။"

Taehyungရဲ့အမေသည်မျက်ဝန်းထဲတွေ
မျက်ရည်များဝေ့သီလာကာသားဖြစ်သူကို မျှော်လင့်ချက်တွေနဲ့မေးနေလေသည်။