قبل كل شىء صلوا على النبى
نسالكم الدعاء بالرحمة
الفصل ' السادس والاربعون الاخير الجزء الاول '
******
ليه انت ترضى حد يبص لندى كدة
- ندى غير فريدة . دى سيدة اعمال . وملهمة لناس كتير . د ....
- بقولك اسكت بدل ما اضربك ، واكسر الشركة على دماغك . سوسن خدتى بالك انها اضايقت ولا ايه
- لا حضرتك . نظراتها كانت على نفين وروضة البت الجديدة . اصلها برضو كانت هتموت عليك
- احمد باستغراب . ايه الخر ده ، واحد هيموت على مراتك والتانية هتموت عليك
- لا نفين دى من زمان
- لا يا راجل
- دى كانت شوية يا باشا مهندس . هتجيب نفين من شعرها وتقلعه ليها .
ابتسم عندما تخيل فريدة بانها تضرب نفين وتقلع شعرها . يربد ان يري غيرتها . لقد اشتاق الى تفصيلة فيها . اه يا فريدة والف اه .
- باشا مهندس روحت فين
- انا معاكى
- فارس بمكر . بقولك ونجيب ملفه ليه ، احنا ندورله على مصيبة ونطرده
- اوفقك الراى بشدة
- يا ستار يارب انتوا محاريب شر
رمقه فارس نظرة ضيق
- قائلا باستفهام . انت لسي هنا !!!
- يا فارس اعقل وبطل شغل عيال صغيرين
- صديق حضرتك زعلان ليه ؟؟؟؟
- انتى مين ؟؟؟
- انا سوسن مساعدة الباشا مهندس
- ترضى حد يقطع عيشك .
- ...
فهمت قصده والتزمت الصمت
ضرب المكتب بيده
- قائلا بعصبية . علشان ما يبصش لحاجة غيره
- يا حبيبي دى اصغر منها . هو ممكن يكون وخداها قدوة مش اكتر
لقد مل الحديث معه ؛ فهو لا يفهم شعوره . فبداخله نيران تنهش فى كل ذرة من خلايا قلبه
- قائلا بامر . فرعون روح
- فارس
جز على اسنانه بنفاذ صبر
- قائلا بتخذير . بقولك روح . وخد سوسن معاك
- باشا مهندس
- برا يا سوسن
هزات راسها ايجابا . ودلفت الى الخارج فورا
قام من على مقعده بهدوء . فحالة صديقه لا تسمح الى الجدال او المناقشة فتوا هو يعانى الم الاشتياق بعنف شديد . كم ان المه صعب . لا يفهمه الا من جربه .
وقبل ان يذهب ويتركه التفت اليه ؛ ليخبره السبب الرئيسي فى حضوره اليوم
- قائلا . كتب كتابى يوم الخميس . متنساش تيجى .
