عشقت انفاسك
24
ولاء / خشيت للحوش امي تلقتني بدموع وتعنقتني
فاطمه ** الحمد لله ع السلامه مرايفه عليك يابنيتي كيف حالك كنك ناقصه را يقعد منكد عليك وميوكلش فيك
ولاء** هههههه بالشوي ياامي خود نفس بين كل سؤال وبعدين وين ناقصه زايده 2كيلو
فاطمه ** تعالي تعالي دايرتلك بسبوسه بالنستلا
ولاء ** يانا عليا قديش نحبها من ايديك
خشيت قعمزت في الصاله حولت عبايتي لابسه بلوزه وسروال ولامه شعري فوق ومكياج بسيط
جا علاء وحسيته فرحان بجيتي
علاء ** والله مرايفين عليك يافرخه وين هشام امالا
ولاء ** هشام وصلني ومشي لجماعته
نزلت خديجه ومعاها الصغار سلمت عليا
خديجه ** انستي كيف حالك
ولاء ** الله يانسك الحمد لله خير من قبل حالي انت كيف حالك
خديجه ** حال التعب الصغار الأيام هذي مرض وخلاص لحد تو كيف مروحين بمندر من المستشفى عنده فقر دم معاش يأكل
ولاء / مسكت مندر عمره 5 سنوات
ولاء ** عشان الجو بدأ يتغير وهك انت غير لبسيهم اكويس
حبيب عمته جابتلك العاب را شوف هذي ليك وهذي لسلوى هاك خديجه هذي لعلاء ساعه وانت هذي جاكه وهذينا لباقي الصغار
خديجه ** مكانش في داعي حبيبتي تكلفي روحك
ولاء ** مافش تكلفه عجبني في المحل خديتهن ميغلنش عليكم
ها امي جت اشبح شن هدرزت هي وعلاء نبحت فيها من بدري في الجنان
فاطمه ** خديجه علاء برا يبيك
ولاء ** فطومه هاك هذي ليك مني ( ريحه )وهذي من هشام( قفطان )
فاطمه ** سلمكم جيابين تمنيت خش عليا هشام بعد جابك نبي نرحب بيه وليدي
ولاء ** بكره نعزموه ع الغدئ شن رأيك
فاطمه ** هههه اعزميه
ولاء ** كنك تضحكي فطومه
فاطمه** وجك نور بعد سمعتي اسمه
ولاء ** مش زوزي حبيبي طبيعي ينور وجي
فاطمه ** اسكتي عيب بنت قليلة الادب في بنت تحكي مع امها هكي زوزي حبيبي
ولاء / حطيت راسي في حجرها ورقدت
ولاء ** مو عارفتك طيبه وطول عمرك تعاملي فينه وكأنك صاحبتنا مش آمنا عطيتينا الثقه انا وليلى ومقصرتيش معانا من لما مات باتي وانت قعدتي الأم والأب لينا
فاطمه ** ربي يطول في عماركم ونشوف اصغاركم قريب ان شاء الله
ولاء ** فطومه ليش الدموع توا / حبيتها علي راسها
فاطمه ** أختك جايه في الطريق
ولاء ** اي عندي العلم
فاطمه ** بايته حتى هي .
ولاء ** ههههه اي السهره صباحي اليوم
《☆☆☆》
ليلى / روحت بعد كلينا حوت وغيرنا جو
غيرت دبشي وغيرت لصغار خش أحمد
متنرفز ووجه مقلوب
ليلى ** كنك
أحمد ** اقلعي مافيش اطلوع اليوم
ليلى ** أحمد لا كنك بالله عليك بلاش جو
أحمد ** خلاص الكلام كلمه
ليلى ** وراس حمادي ولاء تستنى فيا وانا مرايفه عليها
أحمد ** إلا / قعدت نبحت فيها بطرف عيني نبيهاش تلاحظ وهي واقفه ورايا
ليلى / حطيت يدي علي كتفه
ليلى ** حبيبي بلاش تصكير رأس هيا عاد
أحمد / برمتلها ** بشرط
ليلى ** اها احكي من الاول هك وفكيني من الجو الي درته رعشتني
أحمد ** ههههه خوفتك قليبي
ليلى ** بكل قلت الراجل شكله عنده انفصام في الشخصيه امبدري كان جوه سمح هههه
أحمد ** ام به زعلت نا
قتلك امبدري سمعتك اتقولي لمريم انك بتحنيها في حوش خوالها اليوم صح
ليلى ** اي خاطري انحنيها امي عندها حنه
أحمد ** به حبيبي حني حتى انت انحبها الحنه انا وعمري ماشفتك محنيه
ليلى ** اتصدق حتى انا خاطري فيها
أحمد **ههههه معناها بكره انجي انروح بيك عروسه
ليلى ** حيييي وقت وولاء سكنت اترن
طلعنا بالسياره
أحمد ** كولي اكويس وتنسيش فيتامينات امتعاتك عشان البيبي
مريم تهبليش ماما به وبابا بكره يجيبلك شكلاطه
مريم ** به
أحمد / بحتت في مريم مقعمزه من وراء
واشرت علي ليلى
أحمد ** هذي شن اسمها
مريم ** لولو
أحمد ** هههههه اي لولو
ليلى ** أحمد خزي تو تمسكها
أحمد ** هههه انا نبيها تمسكها
ليلى **ههههه تقلد فيك
أحمد ** تي باهي جت في لولو كارته كان تسمع الكلام التاني
ها وصلنا انزلي
ليلى ** زيزو رقد انزل خوده مني
أحمد / نزلت خديت زياد وليلى مسكت مريم وخشت خشيت وراها
ليلى ** خش علاء بس قاعد في الجنان
أحمد ** به خودي زياد مني
خشيت لعلاء
علاء ** ياهلا بالنسيب
أحمد ** تي وين يارا نسيب شن وانت لا تدور ولاترن
علاء ** الحياه واخدتني من حاجه لحاجه
