عشقت انفاسك
الحلقه 22
أحمد / مشيت لباتي
القيته حامق
أحمد ** خير شن صاير
سالم ** المصيبه تبي اتسافر مع راجلها وبترفع ولدك معاها
أحمد ** في أحلامها تو نوريها
سالم / تعال وين ماشي أحمد صلى ع النبي
أحمد / ركبتلها نجري والنار راكبه فيا
دقيت الباب بعصبيه بيديه وكرعيا فتحت لابسه لبسه مش لايقه بكل
أحمد ** اولا خشي استري روحك را انا راجل غريب عليك تو
هناء / خشيت ناديت طلال راجلي
هناء ** نوض اطلعله تفاهم معاه الحقير الي بره
طلال ** قصدك أحمد هنا
هناء ** اي وشكله حامق
طلال / طلعتله قعد يهزب وكيف تبي ترفع ولدي معاك انت وياها اتملحوا انعنكم مارديتو بس ولدي مستحيل انخليه ليكم بناخده منكم غصبا عليك وعليها
طلال ** به اهدئ اشويه وصلى ع النبي بنقولك حاجه
أحمد / سمعته . وطلع زيه زي مراته حقير ومادي
طلب مني 15000مقابل يتنازل علي قضيه الحضانه ويعطيني محمد
طلال ** انت غير وافق وهناء خليها عليا
أحمد / رجعت للحوش نفكر في كلام طلال
خشيت لقيت ليلى تلعب في مريم وزياد يعيط وتسكت فيه خديت زياد قعدت واقف بيه سكت
أحمد ** حبيب باته جعان صح ليلى خودي رضعيه
ليلى / رضعت زياد وأحمد خش لدار
أحمد ** حبي اشويه والحقيني نبيك في موضوع
ليلى /رقدت زياد ووكلت مريم
أحمد / فتحت باب الدار وطلعت راسي
أحمد ** حبيبتي وينك
ليلى ** اشويه عمري وجايه
جيته القيته راقد ع السرير ويتفرج ع الاخبار رقدت علي صدره وفكيت منه الريموت وغيرت
ليلى ** هي الحكايه ناقصه نكد
حطيت سبيستون
أحمد ** ههههه عنجد سبيستون نجي الصغيرونه ياربي
ليلى / بحتت فيه ** اي صغيرونه عندك مانع
أحمد ** لا لا أعوذ بالله مانع شن استغفر الله
ليلى ** عقلك وين عدا
أحمد ** قاعد قاعد معاك / ولفيت يديا عليها
ليلى ** حبيبي اركح مش قلتلي تبيني في موضوع
أحمد ** اي بس ناخذو بوسه بس عندك مانع
ليلى ** هههه لا استغفر الله
أحمد / حكيتلها ع موضوع طلال
ليلى ** به وانت شن ناوي
أحمد ** بنجمع المبلغ وبناخد وليدي
ليلى ** وهذا احسن رأي حبيبي وانا تو نساعدك
أحمد ** باهي نوضي طفى الضي وتعالي
ليلى ** نبيش اسمعني حتى انا عندي موضوع
أحمد ** خير ان شاء الله
ليلى ** مريم
أحمد ** كنها مريومه
ليلى ** نبي ندخلها روضه
أحمد ** اي حبيبي فكره اكويسه تو نجريلها علي اوراق وبكره نطلعوا لسوق نأخدولها دبش وفي طريقنا نمروا علي عمتي فاطمه لك كم يوم مزرتيش اهلك تطمني عليهم حرام امك قاعده بروحها ولاء مسافره ومرت خوك حسب ماتحكي عليها حيه من تحت التبن ههههه
ليلى ** ههههه مش غير .خلاص بكره نمروا عليهم وخطرت عليا ولاء بنكلمها نطمن عليها نطلع في التغطيه حول
أحمد ** به مطوليش عليا
ليلى / كلمت ولاء
ولاء ** الحمد لله اكويسه اليوم الدكتور طمني قال المرض بادي يتراجع بيوقف العلاج الكيماوي الفتره هذي
ليلى ** باهي الحمد لله
ولاء** في احتمال الاسبوع الجاي نجي لي ليبيا زياره اقترحت الموضوع علي هشام وهو وافق بس مزال مخداش الموضوع بجديه
ليلى ** باهي انراجوك حبيبتي مرايفين عليك يافرخه
ليلى / أحمد قعد ينادي عليا
ولاء/ سمعته يقوللها تعالي را طولتي
ولاء** هههه مش انتم بس مرايفين شكله في حد تاني مرايف عديله الهبل صوته سمخلي وداني
ليلى ** هههه بكل اتحسيه زي العيل طول الوقت لاصق فيا
ولاء** ربي يهنيكم يااوخيتي وتفرحونه بي بنوته ولا ولد عسل كيف خالته
ليلى ** تعرفي شاكه في روحي موعدها فات ومجتش
ولاء** درتي تحليل
ليلى ** لا بكره ان شاء الله
ولاء ** باهي تصبحي علي خير دوختيلي راسي انت وراجلك الي سمخلي ودني
ليلى / مشيت هزبته وهو يضحك
أحمد ** كملت تهزيب
ليلى ** لا مزال انت تبي ضرب مش غير تهزيب
أحمد ** أنا نبي ضرب
ليلى ** اي بارد مثقل دمك
أحمد ** به تعالي / كريتها ونزلت عليها
ليلى ** أحمد مش هكي بالشويه نزعل منك را
أحمد / وخرت ** اسف حبيبتي
ليلى / مسكت في رقبته بيديا ** علي الرغم من هبالك بس انحبك ونموت فيك / وبسته علي خده
أحمد / ونقولوا بسم الله و
ناض زياد يعيط
أحمد ** ورأس حبي خليه تو يسكت بروحه اقعدي
ليلى / نضت لبست الطرف الفوقي لروب
** مصح وجك تبيني انسيب وليدي يبكي
أحمد ** كنك زعلتي را وليدي حتى انا
ليلى / مشيت لزياد حامقه ونتمتم
** كان محمد مكان زياد مستحيل يديرها الحركه هذي بسم زياد عودي مش ولده يملح أن شاء الله يطير
أحمد /لحقتها وسمعت كلامها جيت مسكتها من وسطها
أحمد ** هبله شن تخرفي هي كلمه طلعت هكي كنت تحت تأثير المخدر هههههه وزياد وليدي ياهبله
ليلى / دفيته ** به خلاص اطلع انا بنرقد مع وليدي
أحمد ** ليلى عاد متزودهاش مش قصدي اني مش معدل عليه بس كنت نبيك ومرايف عليك وهك كلمة طلعت
ليلى ** خلاص كملت كلام اطلع
أحمد / قربت حطيت يدي علي خدها ** بترقدي هنا هك عقاب صعب عليا
ليلى ** خلاص اطلع الولد يبكي مسكين قريب يشرق ياباته / ودرتله بعيوني
أحمد / كلامها مستفز
أحمد ** ملحي انعنك مارضيتي نكد نكد طول النهار نكد ماتعرفي غير ولدك وبنتك وراجلك انعنه مارد مش مهم يزعل يرضى يملح المهم زياد ومريم
