عشقت انفاسك

الحلقة الثامنة عشر

عشقت انفاسك
الحلقه 18
( عند زينب )
فتحت الرساله . حسام
( حبيبتي وعمري وروحي انحبك موت سامحيني . انا راقد في الصاله وهي في الدار تمنيت اتكوني انت الي في دار توا بس للاسف الدنيا دارت بيا
انحبك واجد . الباشا اليوم انتهي )
قريت الرساله وقعدت نبكئ
حسام / بعتلها الرساله وقعدت انراجي في رد
بس مردتش عليا
/
/
/
(عند أحمد )
معاش فهمت شئ .هناء ادير في كل شئ عشان ترضيني بس انا معاش نتريح معاها
لما انكون معاها كل تفكيري في ليلى وخلاص
بس ليلى رايحه متغيره معايا واجد وديمه نتعارك انا وياها وهذا الشئ الي مخليني ديمه قاعد عند هناء
مقعمز نفطر طاست قهوه ودخان
هناء ** حبيبي دخان ع الريق مش اكويس هكي
خود سندوتش ولا حاجه
أحمد ** منيتيش
هناء ** لاكن
أحمد ** هناء خلاص قتلك منيتيش
وطلعت من الحوش مضايق مش عارف كني القيت روحي قدام شقت ليلى . خشيت كيف طالعه من الحمام كانت تدوش
أحمد ** زيزو وينه
مردتش كالعاده
ليلى / مضايقه ومش عارف كني الساني مربوط كل مانجي بنتكلم منقدرش في حاجه تمنع فيا
أحمد / خشيت لدار القيت زياد راقد ومريم تلعب لعبتها اشويه ركبتها علي ظهري وقعدت نمشي بيها
احمد** مريومه خلاص ابنيتي ساد عيت
مريم ** به 😢
أحمد ** كنك زعلتي
مريم ** ماما ثعلانه
أحمد ** كنها
مريم ** مش عارفه
أحمد /طلعت وسيبتني . حتى مريم حست بيها
كنك ياليلى متغيره شن في بالك بس
طلعت من الحوش مشيت قطعت ورد من الجنان ورجعت القيتها مكسده ع النقال
أحمد ** حبي
أحمد ** لولو ردي عليا مرايف علي صوتك
أحمد ** اعيوني جبتلك ورد
ليلى / مشيت خديت منه الورد وخشيت داخل
أحمد / ولا عبرتني ولا عيدت عليا اليوم عيد ميلادي
طلعت حامق مشيت لهناء خشيت القيتها مدايره جو رومنسي لابسه وشموع ورد
اول ماخشيت جت باستني علي خدي 
هناء ** كل سنه وانت طيب حبيبي

ليلى / اليوم عيد ميلاد أحمد هو المفروض بايت عندي بس عارفته يبي يحتفل مع هناء  فدرت روحي مش مذكرة
رنت عليا زينب
زينب ** الو لولو شن الجو
ليلى ** كساد
زينب ** كيف صار مش اليوم عيد ميلاد حمادي
ليلى ** ايه قاعد عند هناء
زينب ** هيييي عليك هبله أن شاء الله مازلتي مدايره جو الزعل والنكد
ليلى ** والنبي فكيني منك
زينب ** عليك غبيه اكيد تو هناء ماهي امخليه مامدايره ومطيره عقله ياليلى بلاش اعناد را اعنادك هذا بيودرك  أحمد يحبك ويتمنى ضحكه منك وانت اتعاملي فيه ببرود واصلا هو متغير رايح ديمه مضايق ومعاش كيف قبل
ليلى ** شن تبيني اندير يازينب حاسه بروحي حقيره خشيت بين راجل ومرته وأحمد مش اي راجل راجل يحب مرته
زينب ** والله أحمد يحبك انا نشوف في عيونه لما يبحت فيك اتقول مش أحمد خويا  اعيونه  يضحكن ويقعد يدير في حركات عبيطه معاش يتحكم في روحه
ليلى ** بالك يحبني بس انا منبيش انخرب حياة هناء
زينب ** انت غبيه يامرأ ولا شن تي هناء هذي لفعه محد يعرفها إلا أنا انت ناسيه انها السبب في موت ولدك ايه انا مصدقتك ياليلى ونعرفها واطيه وديرها
ليلى اسمعيني هناء متفكر في شئ غير في فلوس ولبس وطلوع واصلا هي الي عطت الكرت الأخضر لأحمد بش يتزوجك يعني أحمد تزوجك برضاها
وأحمد تو يحبك متبينيش الفرصه من يدك وتخليها تغلبك وتتشمت فيك وطلعك من المولد بلا حمص
ليلى ** مش عارفه يازينب مش عارفه تو انفكر
زينب ** منبيش تفكير نبي تنفيذ خلي أحمد خاتم في صبعك وساهل عليك الشئ هذا انت شاطره عاد وتو اتشوفي أحمد كيف يعيشك اميره 
ليلى / صكرت من زينب وقعدت انفكر ونحرق خلاص قريب انموت كل مايخطرلي انه قاعد معاها
زينب / صكرت من ليلى نزلت هناء لابسه المصليه ودايره مكياج ومنزله كيكه ع اساس بتضوقنا ودير في الجو بس كاشفتها الايام هذي مدلعه باتي وامي تبيهم يكتبوا محل القماش بااسم محمد ولدها
أحمد / قصيت الكيكه وعطتني هديه ساعه حلوه ونزلت بترفع لهلي كيكه اشويه وراجعه
جوي شين بكل علي الرغم من أن هناء مدايره جو سمح في الحوش إلا أني منسجمتش
رن نقالي ليلى رديت بسرعه
أحمد** الو روحي
ليلى ** أحمد ممكن اتجي اشويه عندي نبيك في موضوع
أحمد ** خمسه حبيبي ونكون عندك
أحمد / مشيت ساويت شعري بالجل و نزلت تلقيت مع هناء قلتلها ماشي لياسر اشويه وراد
ومشيت لشقة ليلى فتحت الباب
القيتها لابسه قفطان قصير وطالقه شعرها مدايره مكياج وباخه ريحتها
ليلى / فتح الباب مشيت بسته علي خده
ليلى ** حبيبي كل عام وانت بخير وعقبال الميه ياربي
أحمد ** كيف صار
ليلى ** شن كيف صار
أحمد ** قصدي شن صار في الزعل
ليلى ** ههههه لا خديت اجازه
أحمد ** تحكي جد ولا
ليلى ** جد الجد هيا تعال / وكريته
أحمد / وصلتني لدار حاطه طاوله وعليها طاستين مشروب وورد وشموع 😂😂 ومسخنه رشده امتع العشئ
قعدت نضحك عليها
ليلى ** باهي يابارد شن بندير مجبتش كيكه وبايخه مشروب بس
أحمد ** ههههههه عنجد رشده هي تعالي انقطعوها ههههه
ليلى / قعدت نضرب فيه علي بطنه ** خزي بارد سامط خزي عليك الحق عليا
مسك بطنه وقعد يتأوه  
أحمد ** اه بطني اه
ليلى / رعشت عليه حطيت يدي علي بطنه
ليلى ** حبيبي حسيتها عنجدوجي غبيه
أحمد / مسكتها من وسطها
أحمد ** ايه غبيه اتصدقي فيا متعودتيش علي حركاتي مزال ونزلت بنبوسها
ليلى **حبيبي خلي نأكلوا قبل
أحمد ** بعدين بعدين واااااااا
/
/
/
(عند هناء)
هناء ** ياماما مباش يوقع شايب النحس وانا خايفه الحقيره ليلى تلهف كل شئ هي وفروخها
امها ** تي باهي بصميه خودي بصمته بدون مايندري
هناء ** مش عارفه تو انجرب
/
/
/
( عند أحمد )
أحمد ** انحبك
ليلى ** وانا انموت فيك
أحمد ** نعشقك
ليلى ** انا اكتر
أحمد ** باهي هي نوضي نأكلوا رشده ههههه
ليلى ** 😬 نبيش نبي نرقد
أحمد ** قصدك زعلتي ياروحي
ليلى ** لا عادي
أحمد** لا والله زعلانه . تو اتنوضي نأكل انا وياك
ليلى ** باهي هيا نوض
أحمد ** نمسح الروج بس بهدلتيني صدري كله ملبز ههههه
نضت انا وليلى كلينه
وفي اليوم التاني طلعنا الصغار للحديقه قعدت اترد ليلى الاوله اشوي اشوي وكل يوم انزيد نتعلق بيها أكثر من الي قبله راحت عندي ادمان وقدرت اتكون هي الاوله في قلبي أما عن هناء مش عارف
وضعها كل الي نعرفه ونبيه هو ليلى ليلى بس
ليلى / اقتنعت بكلام زينب معاش انزعل فيه ونستغل في فرصه اتقربه مني وفعلا نجحت راح يهتم بيا اكتر وفي اوقات واجد يوقف معايا ضد هناء 
/
/
/
( بعد مرور سنه )
(عند حسام )
هديل ** سومي خلوده يبي حليب
حسام ** بعدين وانا طالع من العمل انجيبله واسمي حسام كم مره قلتلك معاش تنادي عليا هكي
هديل ** باهي
حسام / طلعت من الحوش كالعاده مشيت للخدمه مكتب عقارات قعمزت ع المكتب وبعتت رساله لزينب
انا ( صباح الخير ياورده ياعسل )
هي ( صباح الخير سهام شن الجو )
طبعا انا انراسل في زينب ع الفيس ع اساس بنت
انا ( تمام شن جوك انت شن صار معاك في الكليه )
هي ( اليوم مشيت وامتحان ساهل بكل )
هي ( سهام بعدين نهدرزو جاين ضيوف توا )
انا ( تم باي 😚)

في الليل بعد رجعت للحوش عطيت لهديل حليب خلودي وخليتها مقعمزه مع اختها في الصاله بايته عندنا وخشيت لدار صكرتها عليا غيرت بجامتي رقدت ع السرير وفتحت الفيس
القيت زينب فاتحه طبعا ايميلي دايره سهام أحمد
انا ( مساء الخير )
هي ( مساء النور )
انا ( روحوا الضيوف )
هي ( مبدري )
انا ( من هما !)
هي ( خطاب )
خلاص نفس امتاعي ضاق معاش قدرت نكتب صوابعي تجمدن
هي ( سهام وين مشيتي )
انا ( اها قاعده باهي وافقتوا )
هي ( ايه والعرس بعد شهر )
صكرت الفيس وقعدت نبكئ
/
/
/
(عند ياسر )
ياسر ** حبي جود يبكئ
سمر / كنت اندير في عشئ ** سكته يسو
ياسر ** مباش يسكت
سمر / جيته ** هاته
ياسر ** انا طالع تبي شئ
سمر ** وين ان شاء الله
ياسر ** للمطعم
سمر ** سلم علي رشا
ياسر ** وصل ياعسل
ياسر / طلعت من الحوش بدت اترن رشا
البنت هذي حاسها متغيره مكنتش هكي
كأنها فعلا حاط عينها عليا ادير لي في حركات إغراء بس ممكن انا يتهيألي
خشيت للمحل قعمزت كان المحل زحمه جت قدمتلي قهوه
رشا ** اتفضل
ياسر ** يزيد فضلك
رشا ** إذا بدك شئ تاني انا موجوده ماشي
ياسر ** تم  منوره
ياسر / اتكيت ع المكتب انفكر في سمر
هاملتني الايام هذي كل وقتها مع جود
انحس بروحي غاير من ولدي
كنت حاط راسي ع الطاوله متكي علي ايديا محسيتش بشئ إلا ورشا ادلكلي في كتفي
رشا ** باين عليك تعبان
ياسر ** اشوي اهموم وتفوت
قعدت اتدلكلي في اكتوفي وانا ارتخيت بعدها بالشويه فطنت لروحي نضت وقفت
ياسر ** معليشي رشا نبي نقعد بروحي
رشا ** براحتك بس اذا بدك شئ انا موجوده
/
/
/
( عند يوسف )
يوسف ** اعيوني بالشويه عليك وحده وحده / وماسكها انزل فيها من الدروج
ساره ** حبيبي انا في الشهر الخامس ومزال اتخاف عليا
يوسف ** لو مخفتش عليك انت ووليدي علي من بنخاف اه قوليلي
ساره / نزلت انا ويوسف تعشينه عند اهله هدرزنا وغيرنا جو وركبنا
مشيت قدام للمرايه قعدت نبكى
يوسف  ** كنك يانصي
ساره ** رايحه دبه
يوسف ** ههههه هذا عبدو متقل عليك
ساره ** حبيبي منظري اع صح
يوسف / مسكتها من اكتوفيها ** تي انت اتهبلي اطيري العقل زمان وتو عروستي الصغيره الدلوعه
ساره ** يعني عادي مقدمتش قاعده عروسه صح
يوسف ** ههههه صح
ساره ** حبي انحس بروحي خايفه من الولاده واجد
يوسف ** حبيبتي ربي يكون في عونك أن شاء الله بس كتري من قرأة القرأن قبل موعد الولاده تو ربي يسهلك
ساره ** ايه نقرأ ديمه
يوسف ** شطوره
ساره ** وسع وسع بنتمدد ع السرير انحس في مغص / ورقدت
يوسف / قعمزت جنبها ** الدلوعه فيش اتحس
ساره ** بطني 😢 يايوسف والله مندلع
يوسف / حطيت يدي علي بطنها وقعدت نقرأ في قرأن قريب ربع ساعه
ساره / ارتخيت وغمضت اعيوني صوته يهبل في القرآن 
يوسف ** هكي صحت حبيبتي
ساره / نضت مسحتله علي شعره ** ايه حبيبي شكرا
يوسف ** باهي منستاهلوش بوسه ع الشى هذا
ساره ** لا انت تستاهل بوسات 💋
/
/
/
( عند أحمد )
ماشئ لهناء خشيت للحوش متندريش عليا محستش بيا اتكلم في امها
هناء** ياماما لاصق فيها 24 ساعه
تي انا مصدقت مات فرخها قلت يرخي عليها اشويه بس زاد لصق فيها اخره ياريتها ماتت وقت دفيتها
أحمد / سمعتها خشيت عليها انخبط وانكسر ماخليت ماقلتلها وفي الاخر طلقتها
أحمد **انت طالق
وطلعت
/
/
/
بعد شهر
زينب / اتزوجت عدنان شاب عمره 28 سنه عنده معرض سيارات ولد عيله وناس بس انحس فيه غامض
حاولت انحبه بس مقدرتش حسام قاعد في عروقي ومستحيل انحب غيره حتى بعد ماخاني
سمعت انه جاه ولد سماه خالد وتو يخدم في العقارات نشوف في صوره مرا مرا ع الفيس رايح رقيق وشين وديمه منشوراته حزن في حزن
اليوم عدنان ناض بدري ومشى للعمل نضت انا حست ع الحوش وفتحت الفيس و
يتبع