عشقت انفاسك
الحلقه 23
أحمد / مشيت لحوش اهلي القيت زينب واتيه
أحمد ** هيا اطلعي بسرعه محل ولا محلين بس را
زينب ** محل ولا محلين لا خلاص مش ماشيه تو انقول لباتي يرفعني توكل
أحمد ** باتك مش فاضي هي اطلعي بلاش دلع
فرخات
زينب ** من تو بادي تهزب لا مش ماشيه خلاص
أحمد ** نعنك مامشيتي / ومشيت سيبتها
زينب / قلعت وشاحي وقعدت نبكي
أحمد / خشيت علي امي في الدار القيتها اتضم في دولاب باتي حبيت علي راسها
أحمد ** كيف حالك ياغاليه
عفاف / دفيته بالشويه ** حول مش غاليه انا
احمد ** عفاف كنك بسم الله
عفاف ** تعرفش كني ع اساس . تي حرام عليك الي دايره
أحمد / حطيت يديا علي قلبي ** شن داير انا
عفاف ** ليلى كنك مزعلها
أحمد ** جت شكتلك
عفاف ** لا مسكينه بس الصبح مرت عليا وباين مش راقده وعيونها آثار دموع أحمد معاش تزعلها سلم ولدي ليلى تستاهلش بنت ناس ومتربيه
خوك وراها الويل بس تحملت عشان صغيرها مع انها كانت تقدر تسيبه وتسيبهم بس لأنها بنت اصل صبرت وانت تو بدال تعوضها تدير زي مادار خوك
أحمد ** يصير خير ان شاء الله
طلعت وسيبتها افففف شك قصه
شفت زينب تبكي وجعتني
جيتها انابش
أحمد ** ياسر كلمني قالي نسيبه يوتي في الجناح وفرحان
زينب / يحكي معايا وانا مطبسه راسي متحشمه
أحمد ** زينب را كان غيرتي رأيك متخافيش كان مش موافقه عادي نلغو كل شى هو راجل متزوج مرات ماتبيش انت مرات يجيك شاب مش متزوج مزلتي اصغيره وسمحه زي خوك
زينب ** أحمد انا موافقه ومغيرتش رأي هو متزوج وانا مطلقه
أحمد ** به هي نوضي نرفعك لسوق
زينب ** لا محل ولا محلين نبيش
أحمد ** غير هي تو نلف بيك بنغازي كامله
زينب ** وليلى بتمشي معانا ولا لا
أحمد **رني عليها شوفيها
زينب** قاعدين متعاركين
أحمد** رايحه اع بكل
زينب / كلمت ليلى وقالت تبيش تمشى
مشيت انا واحمد
ليلى / رنت عليا زينب نبيش نمشي معاها
اشويه ورنت عمتي عفاف دايرين العشئ حوت تبيني انجي انعاونها ونتعشئ معاهم
غيرت للصغار ومشيت
اتفقت انا وياها انا انضفه ونتبله وهي تقلي وانا انعاونها
نضفته بنته اع علقت فيا جت هي بدت تقلي عاونتها اشويه
عفاف ** خلاص بنيتي عدي تريحي انت
ليلى ** لا خلي انكمل معاك
عفاف ** خلاص مزال اشويه بس انت عملتي عطيك الصحه خلاص عدي
ليلى ** به انا بنعدي نشوف الصغار خليتهم في الدار
عفاف ** رني علي زينب كنهم طولو
ليلى / عديت شفت الصغار رنت عليا ولاء
ليلى ** ها وصلتو امالا
ولاء ** اي
ليلى ** وانا انقول بنغازي منوره
ولاء ** بوجودك ياروحي
ليلى ** وين قاعده عند أمي
ولاء** لا في شقتي بس في الليل ماشيه وبايته غادي اتجي حتى انتي
ليلى** أن شاء الله
أحمد / روحت انا وزينب شرت قفطان بعد وين وين لفينا بنغازي شارع شارع
احمد** بنت حوت
زينب ** اي والله
أحمد ** هاك اكياسك انا خاش انشوف المطبخ شكله عشايا احداكم اليوم
زينب خشت داخل وانا خشيت للمطبخ القيت امي تقلي في حوت
أحمد ** الله حوت من جابه
عفاف ** باتك انا وصيته عارفتك اتحبه / حسيت براسي دايخ قريب طحت
أحمد / جيت نجري مسكتها وقعدت انادي علي زينب
زينب/ خشيت لدار القيت ليلى هدرزت معاها وريتها القفطان اشويه وسمعنا أحمد ينادي مشينه نجروا القيت امي طايحه عليه
أحمد ** اميه بسرعه ودواء السكر
شربتها اميه وعطيتها دواها فطنت لروحها بحتت القيت ليلى
أحمد ** من امتى جايه
ليلى / خوفني يفنص فيا ** من قبل المغرب
أحمد / جيت وقفت قدامها ** من قبل المغرب هنا ومربعتيلي في الدار متقوليش في وليه كبيره تبي مساعده تي هذي زي امك يعني المفروض هي مقعمزه وانت توتي في العشئ بس شن بنقولك ماتفهميش مخ فاضي معندكش احساس يالله تهتميش بمريم وزياد بس انتي
ليلى / نبكي ** به نقص حسك الجيران يسمعوا
أحمد ** الجيران يسمعووا الجيران يطيرو الجيران يطربقو منعرفش حد انا وكلامي يتنفس انت وياها من يوم وغادي عليكن كل حاجه في الحوش وامي تتريح
زينب ** به نقص صوتك
أحمد ** منبيش ومعاش تردي عليا واقلبي وجك انت وياها
ليلى / طلعت نبكي وزينب ورايا
أحمد / ساندت امي قعمزت
عفاف ** غير شن درت ياأحمد
أحمد ** خليها تبيها اصلا
عفاف ** غير أهدى واسمعني راك غلطت تي المسكينه من اول ماجت وهي اتعاني برمت ع الحوش كله وعلي فكره هي الي نضفت الحوت وتبلاته وقلت نصه
أحمد ** تحكي جد
عفاف ** ومن امتى انبصر انا
انت مسبل عليها بس حامق منها وتبي اتفش غلك فيها
أحمد / طلعت نجري اندور فيها
أحمد ** زينب وينها
زينب ** لمت الصغار وروحت تعال وين ماشي الحوت
أحمد ** اشويه وانجوا
مشيتلها القيتها تبكي
أحمد ** ورأس مريم بطلي بكي ادموعك لما ينزلن كان جمر نزل علي قلبي اسكتي علشاني علشان الغبي الي زعلك عشان زياد عشان مريم اسكتي خلي نتفاهمو
ليلى ** نبيش نتفاهم معاك
أحمد ** ليلى ليلى ليلى ليلى ليلى ردي عليا
ليلى / بيتش انرد ناض شغل اغنيه ومسك عصا
أحمد / شغلت اغنيه وقعدت نرقص ونغني معاها
ليلى /منظره يموت من الضحك مريم
تضحك عليه وهو يرقص بالعصا ومرات يرقص في دبكه يخلط مسكت ضحكتي بالسيف
أحمد / درت جو اهبال نبي انضحكها
أحمد ** على بابي واقف قمرين واحد بالسما
والثاني اغلى من العين بيفهم بالوما
على بابي على بابي واقف قمرين
على بابي واقف قمرين واحد بالسما
والثاني اغلى من العين بيفهم بالوما
يا طالع بالعلالي خلينا سهرانين
يا قمرنا بالليالي نحنا العاشقين
يا طالع بالعلالي خلينا سهرانين
ولا نجمه بين قمرين
ولا نسمه بين هلالين
و الناس عندها قمر وانا عندي قمرين
ولا نجمه بين قمرين
ولا نسمه بين هلالين
و الناس عندها قمر وانا عندي قمرين
على بابي واقف قمرين واحد بالسما
والثاني اغلى من العين بيفهم بالوما
أحمد / قربت مسكتها من وسطها وقعدت انغني مع الاغنيه
**يامداوي قلوب عطشانه اروي العطشانين
ياللي عيونك مليانه بالحب والحنين
وانا وانت يا نور العين روح وساكنه بجسدين
ليلى / انسجمت معاه فجأه وخر
أحمد** اه اه اه ااااه اه اه اااه وووي وووواه
واواواو ووا ووا ووا
ليلى / يلحن معاه ويحساب صوته سمح دار ازعاج خشت مريم ترقص معاه
أحمد /رقصت انا ومريم رفعتها
كملت الاغنيه بستها ونزلتها مشيت شور ليلى
أحمد ** اسف
ليلى ** شن ينفع اسفك تو
أحمد ** لولو سامحيني حسي بيا حرام عليك عليا ضغط نفسي را
سامحيني بالله عليك ولا انغني مرا اخره
ليلى ** هههه لا سامحتك حرام وداني مزال نبيهن
أحمد / تعنقتها بس قعد وجي قدام ووجها وقعدت انبحت فيها
أحمد ** انت تبي ودانك وانا نبي حاجه اخره
ليلى ** أحمد الحوت مش وقتك تو بعدين وخر مريم اتبحت
أحمد ** ذكرتيني بالحوت هي اطلعي
ليلى ** أرجى اشويه انجيب كندره زينب موصيتني عليها
أحمد ** مطوليش
ليلى / خشيت لدار وزياد في غمري رجع عليا
ليلى ** افففففف مش وقتك زيزو
أحمد / طولت خشيتلها في الدار
ليلى ** حرام عليك وليدي
أحمد ** كنه وليدي
ليلى **بحت شن دارلي وسخلي القفطان
أحمد ** به مش مشكله غيريه
ليلى ** به حبيبي افتحلي السوسته
أحمد / فتحتلها ولاحظت إثر علي كتفها
حطيت يدي عليه
أحمد ** شن هذا ياروحي
ليلى / حطيت يدي علي يده ** حبيبي هذي علامه من الماضي آثار تعذيب خوك
أحمد / بست كتفها ** كان يضرب فيك واجد ياروحي
ليلى** أحمد بالله عليك نبيش السيره هذي تنفتح مر تانيه
أحمد / بستها مر تانيه ** ياريتني كنت قاعد هنا ياريتني ماسافرت را انا اتزوجتك من البدايه ومخلتكش تتعدبي بكل جاهل معرفش قيمتك
ليلى / برمتله حطيت ايديا ورا رقبته ** حبيبي عندي خبر
أحمد ** خير ان شاء الله
ليلى ** اليوم درت اختبار وطلعت حامل
أحمد ** كذابه
ليلى ** والله شن كذابه هذي
أحمد ** طلعت هك من الفرحه / رفعتها وقعدت اندور بيها ** حبي بتجيبلي بيبي
ليلى** تي بطل يامهبول
أحمد / سلحت باقي قفطانها وااااااا
