عشقت انفاسك
الحلقه 12
سمر ** ساره ها خودي هذا حلو👗
ساره ** لا لونه مش حلوى . بحتي في هذا انحس بيه احلى 👚
سمر ** بس اقصير واجد
ساره **😧 اه انسيت البي شيخ ومش هيخليني نلبس هك
سمر/ بحتت في ياسر قاعد في السياره وانا وساره في المحل ساره ادبش لعرسها . ماسك نقاله ويهدرز باين عليه منسجم
ساره ** باهي شن رأيك في الروب هذا
سمر / مكنتش مع ساره كنت نبحت في ياسر مباش ينزل معانا للمحل . ومباش يجيبنه للسوق لبعد وين وين بش وافق عنده شغل ومستعجل
ساره / قعدت نهز في كتف سمر مكنتش امعاي
سمر ** هااا 😮 ...كنك
ساره ** قتلك شن رأيك في الروب هذا
سمر / مبحتش فيه كنت امركزه مع ياسر وهو يضحك مع الي مكلمه أو مكلمها 😢
** ايه حلو ساره خوديه☺
ساره ** كنك وين تبحتي .....ووجهت اعيوني وين ماكانت سمر تبحت
** كنه ياسر مانزل امعانا قبل مستحيل يخليك تنزل بروحك
سمر ** مش عارفه اكيد مشغول ومستعجل هيا حتى انت طولتي خودي دبشك وخلي نروحوا ورانا عرس وحوسه الخيمه بكره مركبينها خلينا انضموا الجنان
ساره ** باهي نركب لدور التاني بالك في دبش سمح😍
سمر ** اركبي حبيبتي بس انا معاش عندي كرعين عيت😫 نستناك هنا
سمر / ركبت ساره وانا قعدت نبحت في ياسر من وراء قزاز باب المحل . مزال يهدرز ع النقال وزايط في الهدرزه
ياسر / نزلت سمر وساره للمحل وانا قعدت في السياره نرجى فيهم . ونكلم في النقال
ياسر ** تي لا مش هك هههههه . تو نجري عليه الموضوع وندير حل
ياسر / شفت سمر تبحت فيا من المحل داخل وشكلها مزالت زعلانه من هذك اليوم لما تأخرت عليها في الليل
غمزتلها وبعتلها بوسه من بعيد. فنصت فيا وبرمت وجهها . .....قصة كلا زعلها .اتريح واعره بكل لما تزعل
** هي سلام توا بعدين انكلمك
صكرت النقال ونزلت خشيت للمحل
ياسر ** السلام عليكم
صاحب المحل ** وعليكم السلام
ياسر / مشيت شور سمر كانت تتفرج ع الدبش
قربت منها. ....... كنك مرديتلش البوسه
سمر ** لا والله 😕متحقش في الناس
ياسر ** تي الشارع فاضى الزح
سمر ** الشارع فاضئ وانت ماشافك حد بس المحل معبي كان شافوني شن يقولوا عليا نبعت في بوسات لسيارات
ياسر ** ههه والله صح باه وين ساره
سمر ** فوق اتشوف في الملابس
ياسر ** وانت كنك مخديتش شئ را عندي فلوس ......وطلعت وريتهلها
سمر / حرقلي دمي افلوس افلوس تي عارفتك بدخ خلاص .....**لامعجبنيش شئ بس
ياسر ** ها شن رأيك في هذا مو حلوى 😜
سمر/ حي عليه ماسك روب قدام الناس وهما يبحتو
سمر ** يسو عيب نزله الناس يبحتوا...بعدين غمض اعيونك شوف الصوره الي عليه تخلع
ياسر / بحتت فيها ** خوديه ولا انبحت في الصوره را هههه
سمر/ كشخت عليه .......بحت لين تشبع
ومشيت مع ساره حطينه الدبش ع الكاسه وركبنا
ياسر / يلعنجد حركاتها رايحه بارده ..بس تو تعرف كيف اتعاملني هك مرا تانيه
مشيت شور الكاسه خلصت الدبش الي خداته ساره
الراجل ** حتى هدا شورك
ياسر ** ايه بس حطه في كيس بروحه
خلصت ع السريع وطلعتلهن في السياره
مديت لساره كيسها كانت مقعمزه من وراء . وفتحت الباب بش انقعمز وعزقت الكيس لسمر
ياسر **امسكي هذا لك
سمر / فتحت الكيس القيت الروب . بلعاني يبي يحرقلي دمي
