عشق اولاد القناوي

البارت التالت♥️

الفصل التالت
في قصر القناوي
نظرت حبيبة إلى الواقف خلف جدتها ثم ألقت نفسها في حضنه فنظر الجميع إليها في دهشه خوفا من ردة فعله
الواقف أمامها لم يدري بنفسه غير و انه يربت على رأسها ، ثم ابتعدت عنه: حضرتك جدي مش كده؟
هز عبدالعزيز رأسه ايجابا: اه اني
حبيبة بفرحة: بقالي كتير مش شوفتك ، مامي قبل م تموت كانت بتفضل تحكيلى عنكم عشان منسكوش
ابتعد عبدالعزيز عنها في جفاء: نورتي القصر

و تركها عبدالعزيز و رحل فذهب إليها جدتها: يلا يحببتي سلمي على الباقي
سلمت حبيبه على الجميع مع حرص رعد من عدم احتضانها ل سليم أو غيره من اولاد البيت

في غرفه حور بعدما صعدت جدتها معها
يسرا بحنان: دي اوضتك يبتي ، اي حاجه تحتاجيها تقولي ل اي حد ف القصر و هو هيعملهاهالك ف وقتها
حبيبة بابتسامة: حاضر ي تيتا
يسرا و هي تشير الحمام: و ده الحمام بتاعك عشان لو عايزه تتحممي
حبيبة باستغراب: اتحمم اي ي تيتا؟
يسرا وهي تضحك: يعني تستحمي يحبيبتي
حبيية: اهاا فهمت يتيتا ، بس هو مفيش حد هنا تاني غير الي شوفتهم
يسرا: لا ما شاء الله لسه في بدر و حور خطيبه سليم ابن خالك
حبيبة بحماس: اه مانا عرفت ان في بدر و ده فالقاهره ، هتعرف عليهم كلهم و هنبقي صحااب
يسرا بحنان: ومش هتخرجي من حضني تاني يبتي
فاحتضنتها حبيبة ثم ابتعدت عنها فقالت يسرا
يسرا: هسيبك دلوجيتي تغيري خلجاتك و تستريحي وبكره هبعتلك حد يصحيكي
اومأت لها حبيبة بابتسامة ثم اتجهت إلى شنط ملابسها و أخذت منها ملابس مريحه عباره عن كاش ميوه فوق الركبه و اتجهت إلى الحمام ثم خلدت إلى النوم

تحت في القصر
رأت حور سليم و هو آت من الخارج ف اسرعت إليه
حور برقه: سليم ازيك
سليم ببرود: الحمدلله ، انتي عامله اي يحور؟
حور بحماس: انا الحمدلله كويسه ، كنت عايزه اقولك ان٠٠
سليم و هو ينظر في هاتفه: وقت تاني يحور مش فاضي دلوقتي عن ازنك
و لم يعطي لها فرصه للرد و غادر ، تارك حور تقف وحدها تكاد تبكي من جفاء حبيب قلبها معها
_____________________

صباح اليوم التالي

في المندره كان الحاج عبدالعزيز و رعد و سليم و وهدان مجتمعين
عبدالعزيز: عيلة الهلاوي مش ناوين يجيبوها لبر عاد
كان رعد شاردا في حبيبة إلى اسرت قلبه من جديد ، ألم يكفي انه يعشقها منذ أن كانت طفله؟
سليم و هو يلوح إلى رعد: اي يرعد فينك ، بنتكلم ف حاجه مهمه
رعد و هو يتنحنح: احم ، اعذرني يجدي مكنتش مركز
سليم: جدك بيقول ان عيله الهواري مش ناويه تجيبها لبر
انا بقول اننا نجيب آخرهم و ان كان الدم ف احنا عندنا استعداد نخليها بحيره
رعد: لا، يجدي انا شايف اننا نبعت لكبير عليتهم و نقعد معاه و نشوف حل ، لان الحل إلى سليم بيقول عليه ده هيخلينا ف بؤره التار طول عمرنا
نظر له عبدالعزيز بفخر فهو يعلم أن سليم متهور و عصبي و كذلك رعد و لكن رعد قادر على التحكم في نفسه و حكيم إلى أبعد حد ، و لما لا فهو سيكون كبير عائله القناوي بعد جده
عبدالعزيز: انا رأيي من رأى رعد و ي سليم شيع حد لعيله الهواري بس متروحش بنفسك
سليم: اوامرك يجدي
و في الخارج ارسلت الحجه يسرا الخادمه الي المكتب حتى تخبرهم بأن الفطار قد جهز و ارسلت فجر إلى حبيبة