21
الموسم الثانى
الجزء الثالث والعشرون
مصيدة
عندما تحاول صيد فريسه تضع لها طعم هى تريده وما ان تعتقد أن ذلك الطعم قد أصبح ملكها حتى تأتى انت وتقوم بإصتيادها
خرج الطبيب من غرفة العمليات فتقدم تجاهه كلاً من نادين وهاله
*قالت نادين بلهفه .. ايه يا دكتور اخبار العمليه ايه
•احنا عملنا العمليه بس حاليا هيتنقل لغرفة العنايه المركزه للمتابعة
-يعنى العمليه نجحت يا دكتور
•والله يا مدام هاله العمليه كانت صعبه نظراً لحالة سالم بيه لكن لو عدت ال 48 ساعه الجايين على خير هنبقى عادينا مرحلة الخطر ادعوله
*يارب يقوم بالسلامه
•طيب عن اذنكوا
-اتفضل يا دكتور
نظرت هاله الى نادين وهى تقول
-روحى امتى يا نادين ترتاحى انتى لسه جايه من السفر ومحتاجه ترتاحى
*واسيب بابا ازاى
-وجودك مفيش منه لازمه حاليا هو هيكون فى العنايه المركزه
*طيب وانتى هتقعدى تعملى ايه
-خلاص هطمن عليه ونمشى سوا ونجيله الصبح
اطمأنت هاله على سالم وانه تم نقله الى غرفة الرعايه المركزه وغادرت المستشفى هى ونادين .. تركت هاله سيارتها للسائق وركبت مع نادين وانطلقت نادين متجهه الى البيت
*انا هوصل حضرتك وهروح شقتى ونتقابل بكره الصبح فى المستشفى
-شقة ايه الى عاوزه تروحيها خلى عندك دم هتسبينى لوحدى فى الظروف دى ازاى
*انتى عارفه انى برتاح اكتر لوحدى
-لما ابوكى يقوم بالسلامه ابقى اعملى الى امتى عوزاه
*طيب .. هو بابا تعب ازاى
-انا صحيت الصبح لقيته مش قادر ياخد نفسه وكان وشه اصفر
*اها .. على فكره انا ملاحظه تغيير فى شكل حضرتك
-تغيير ايه مش فاهمه
*واضح انك عامله عملية تجميل
-اااه هو عيب يعنى لما اعمل كده
*لا مش عيب بس حضرتك لو مديه لبابا نص الاهتمام الى بتديه لنفسك مكنش وصل لكده
-على فكره ده نصيب محدش فى ايده الصحه والمرض
*طيب
وساد الصمت بينهم حتى وصلوا للمنزل
**************************
استعد ادم وكرستين و 16 الى مقابلة فارس وشادى ..جلس ادم فى غرفته أمام الشاشه التى تنقل ما يرصده الكاميرات .. أما كرستين ونورهان فقد جلسوا فى الريسيبشن فى انتظار فارس وشادى وكان كلاً منهما فى أفضل صوره .. فقد كانت نورهان ترتدى فستان نبيتى اللون يكشف عن زراعيها وقصير كان الفستان به ما يلزم من اثاره فقد كان نهديها بارزين فيه وكذلك نهديها .. أما كرستين فقد اختارت اللون الاسود وقد كانت هى الاخرى فى افضل مظهر لم يكن جسدها كجسد نورهان الممتلئ قليلا بل كانت ذو جسد غربى كانت ارفع من نورهان ولكن تمتلك جسد غربى مثير وكان فستانها قصير هى الاخرى .. فقد تم اختيار الفساتين لتظهر اكثر من ما تخفى
دق جرس الباب فذهبت نورهان لتفتح الباب .. فتحت نورهان الباب لتجد امامها شادى وفارس
•مساء الخير يا نورهان
~مساء الخير يا شادى .. اتفضلوا
دخلت نورهان ومعها شادى وفارس حتى وصلوا الى كرستين التى قامت لتسلم عليهم ..قدمت نورهان شادى وفارس وكرستين لبعضهم البعض وجلسوا جميعاً
•اسمحولى الاول اعبر عن جمالكوا
~هههه شكرا يا شادى انت بس الى مجامل
-قال فارس .. لا شادى مش مجامل خالص هو بيشرح الى بيشوفه .. انتى جميله وكمان كرستين جمالها أخاذ
*هههههه متشكره أوى يا فارس .. انت الى جنتيل مان
~ ها تشربوا أيه
•ممكن نشرب قهوه
~لا قهوه أيه انت قاعد فى صالون ثقافى ولا أيه .. هنشرب ويسكى
-مال فارس الى شادى وهمس إليه .. اول مره أشوف منك حاجه عدله
•ولسه هتنبسط
وضعت نورهان الكأووس امامهم .. أما أدم الذى كان يجلس فى غرفته فقد أشعل سيجاره وهو يتابعهم ويتابع حديثهم بعنايه
شربوا الكأووس ووضعت لهم ويسكى من جديد
*مقولتليش يا فارس شغلكوا عباره عن ايه
-احنا جمعيه خيريه من اكبر الجمعيات فى مصر بنقدم مساعدات فى مجالات كتير
*اها ..طيب هى نورهان اكيد شرحت لشادى الى انا عوزاه بس احب اشرحوا تانى ... انا بشتغل فى مجال التسويق بس تسويق دولى بندرس السوق فى معظم الدول عشان نعرف الشركات الكبيره ازاى يتم تسويقها سريعا فى أى دوله تحب تدخل السوق بتاعها وازاى تندمج فى السوق
-طيب وليه مش بتقوموا بحمالات اعلانيه افضل
*زى ما قولتلك التسويق بيختلف من دوله للتانيه والسوق نفسه بيختلف من دوله للتانيه .. التسويق فى الدول الناميه بيختلف عن التسويق فى الدول المتقدمه وفى التسويق بنحاول نفكر خارج الصندوق عشان كده فى دوله زى مصر فكره المساعدات هتوصلنا للجمهور اكتر لأن جمعيه زى بتاعتكوا هى الى هتسوق لينا و هى الى هتعملها إعلانات
تمام فهمت .. طيب وحجم التبرع ده هيبقى أد أيه
-مش هيقل عن مليون دولار
~طيب هاخد شادى منكوا واسيبكوا تكملوا كلام فى الشغل
-اتفضلوا
قامت نورهان و سحبت شادى خلفها من يده كمن يسحب خروف
اما كرستين فقامت وصبت كأسين اخرين لها ولفارس
*بس غريب انك رغم سنك الصغير قادر توصل لمنصب كبير زى ده
-الغريب انك انتى الى تستغربى
*اشمعنى
-لأن الدول المتقدمه ديما بتعتمد على الشباب خصوصاً لو كفأ ومش بتبص للسن
*صحيح بس احنا بنتكلم عن هنا عشان كده انا مستغربه
-بدأ فارس يشعر بالسكر .. طيب صبى لينا كاسين تانى وانا اقولك
*قامت كرستين وصبت كأسين اخرين وكانت تلاحظ نظرات فارس التى تتابع صدرها وهى تصب الكأسين فتعمدت أن تطيل فى ما تفعله
YOU ARE READING
21 الموسم الثانى
General Fictionقصة سادية الخيال هو قلم كل كاتب فقد كانت هذه القصه هى أول قصه أكتبها ولذلك لما وجدته بها من مساحه للخيال أردت ان أكتب جزء جديد منها أتمنى ان يعجب كل من يقرأها تغوص نادين من جديد فى عالم الساديه .. فهل ستغرق ام ستنجو
