21 الموسم الثانى

بنت أبوها

•حمد الله ع السلامه يا مدام سمر
*الله يسلمك يا دكتور
-حمد الله ع السلامه يا حبيبتي
*الله يسلمك يا محمد .. طمنى يا دكتور ايه الاخبار
~مستعجله على ايه يا بنتى
*عاوزه أطمن يا عمى
•متقلقيش يا مدام سمر العمليه تمت على اكمل وجه حاليا معندكيش اى مانع من موانع الحمل
*يعنى اقدر اخلف
•ان شاء الله .. هسيبك ترتاحى بقى
*متشكره أوى يا دكتور .. اتفضل 
~بقولك ايه يا سمر انتى هتخرجى من المستشفى وتيجى تريحى عندنا كام يوم كده لحد ما تبقى كويسه
*معلش يا عمى مش بعرف انام بره البيت وبعدين انا كويسه مفيش حاجه
=خلاص انا هاجى اقعد معاكى كام يوم لحد ما تبقى احسن
*حضرتك تنوري يا ماما بس مش عاوزه اتعب حضرتك
=تعب ايه انتى زى بنتى
*الى تشوفيه يا ماما
***************************
بعد ان وصل ادم ونادين الى القاهرة قام ادم بتوصيل نادين الى منزلها وتركها وانصرف .. ولكنها فور وصولها علمت أن والدها فى المستشفى .. فأنطلقت الى المستشفى على الفور وهى فى حاله من الهلع .. وصلت نادين لتجد والدتها

*ماما
-اتجهت هاله الى نادين واخذتها بالحضن وهى تقول .. نادين حمد الله بالسلامه يا حبيبتى
*بابا فين
-فى العمليات
*ليه ماله
-الدكتور قال محتاج عمليه قلب مفتوح
*بس احنا عارفين ان العمليه دى خطر عليه
-كانت صحته تستحمل لكن الدكتور قال لو معاملش العمليه هيموت فكان لازم نخاطر ونعمل العمليه

جلست نادين على احد الكراسى وعينيها تدمع فى صمت وجلست بجوارها هاله ووضعت يدها حول كتفها .
استعادت نادين شريط حياتها من البدايه وعلاقتها مع والدها تذكرت حنانه معها تذكرت عندما كانت تعاقبها والدتها فيأتى هو ويضمها اليه فى حنان ، تذكرت عندما كان يجلسها بين قدميه ويسند ظهرها على صدره ويمسك قصه يضعها امام عينيها ويقرأها لها قصه جديده ، تذكرت كم كانت تشعر بالامان وهى صغيره ومع تقدمها فى العمر كيف كان وجوده يزيد بثقتها من نفسها ، تذكرت كيف كان يجلس معها ويتناقش معها وكم كان متفهم لها دائما
تذكرت عندما كانت فى الثانية عشر من عمرها و كان عيد ميلاد والدها قد اقترب وظلت تبحث عن هديه تقدمها اه فى عيد ميلاد الى ان قررت ان تكتب له قصيده لازالت تتذكرها

انا بنت ابويا فخوره بيه انا منه وهو منى
كل حاجه بحكيها ليه عارف كل حاجه عنى
حب ابويا جوه قلبى انزرع من صغر سنى
مهما زنى زاد معاه بلقاه علطول ديما سامعنى
كل سنه وانت طيب يا احلى اب  يالى مهما انشغلت بلقاك علطول فاكرنى

لازالت تتذكر نادين نظرته عندما قرأ كلماتها وتلك الابتسامه التى رُسمت على وجهه وكيف احتضنها بقوه وهو يقل بحبك يا تودى
تلك الذكريات جعلت دموع نادين تتزايد

-متعيطيش يا نادين هيبقى كويس ان شاء الله
*يارب
-متقلقيش يا حبيتى هيبقى كويس
*مسحت نادين دموعها بيدها ونظرت لأنها وهى تقول .. ماما انا حسه ان فيكى حاجه متغيره
-حاجه زى ايه عشان بحضنك يعنى
*لا .. فى حاجه متغيره فى شكلك بس مش عارفه ايه هى
-احم .. بيتهيألك
*هى العمليه هتاخد وقت اد ايه
-حوالى سبع ساعات عشان كده انا شايفه انك تروحى ترتاحى كام ساعه من السفر وبعدين تيجى يكون خرج من العمليات
*انا مش هتحرك من هنا الا لما بابا يخرج من العمليات واطمن عليه كمان
**************************
عاد ادم الى منزل 16 فأستقبلته كرستين وكانت تقف خلفها 16
*حمدالله بالسلامه ماستر ادم
-16 دخلو شنطتى واعمليلى قهوه
•حاضر  ماستر ادم
- وانتى يا كرستين تعالى ورايا على الاوضه عاوزك

ذهبت 16 لتنفيذ اوامر ماستر ادم اما كرستين فتبعته الى غرفته .. دخل ادم وجلس على احد الكراسى ثم اشار لكرستين بالجلوس

-ها قوليلى عملتى ايه
*نفذت كل الى حضرتك قولتلى عليه
-ايوه يعنى عملتى ايه
*اخترت انا و 16 فساتين كثيره عشان المقابله وظبطنا شعرنا شكلنا  عشان نبقى فى افضل صوره بكره
-تمام وعملت ايه تانى
*كلمت الخاضعات وقولتلهم  ان هيبقى فيه اجتماع قريب .. بس كانوا مستغربين جدا لأن حضرتك اول مره تجمعهم
-بعد كده هيبقى فيه اجتماع كل فتره عشان نحسن ما ادائنا فى الشغل و نربط كل الاشخاص بشغل مع بعضهم
تمام ماستر ادم
-وبالنسبه للحسابات
*راجعت الحسابات مع كل الخاضعات وكل حاجه تمام وكمان حطيت لحضرتك نسخه من الحسابات ع اللاب
-تمام .. نخلص بس موضوع 21 وبعدين نشوف هنعمل ايه
طرقت 16 الباب ودخلت وهى تقول القهوه ماستر ادم

يتبع