ဗီလိန်ရဲ့ညီမ ဗီလိန္ရဲ့ညီမ ✅✅✅

အခန်း (၆၃)

Unicode

ခဏကြာသည့်အခါ အိမ်ပြန်ချိန်ရောက်နေပြီဖြစ်၍ Nie မားမားမှာ Nie AnAn အား မလွှတ်ချင်လွှတ်ချင်နှင့်သာ ခွင့်ပြုလိုက်ရတော့သည်။

Nie AnAn အိမ်ပြန်သွားပြီးသည့်အခါ သူမ ကိုယ်တိုင်လည်း နေ့လည်ခင်း တစ်ရေးအိပ်ရန် ပြင်လိုက်သည်။ ထိုအချိန်၌ မီးဖိုချောင်ထဲမှ ထွက်လာသည့် Nie ပါးပါး၏ ပါးစပ်နားတွင်ဆီများပေနေသည်ကို တွေ့လိုက်ရသည်။

(T/N : Nie မားမား အမှုလိုက်ပါတော့မယ်။ 😝)

တစ်ခုခုကိုတွေးမိသွားသည့် Nie မားမားမှာ ခင်ပွန်းဖြစ်သူအနားသို့သွား၍ ဆီပေနေသည့်သူ့မျက်နှာကို သေချာကြည့်ပြီးနောက် မီးဖိုချောင်ထဲသို့ ဝင်သွားတော့သည်။

စောစောက နေ့လည်စာစားပြီးချိန်၌ ထမင်းဟင်းလျာများပိုလျှံနေသဖြင့် ရေခဲသေတ္တာထဲ၌ သိမ်းဆည်းထားလိုက်သည်။ ထိုအထဲမှ ကြက်အသည်းမြစ်ဟင်းခွက်မှာ ပျောက်ချင်းမလှပျောက်နေလေသည်။

"ရှင်... ဘယ်လိုဖြစ်ပြီးတော့ ကြက်သားပန်းကန်တစ်ခုလုံးကို စားပစ်လိုက်ရတာလဲ!!!"

(T/N Nie ပါးပါး ရယ် မကြီးမငယ်နဲ့၊ ကိုယ့်အိမ်မှာ ခိုးကြောင်ခိုးဝှက်စားရတဲ့အဖြစ်😂)

" AnAn လေးရဲ့ ဟင်းချက်လက်ရာလေးက သိပ်ကောင်းနေတော့ အခုလိုစားမိတာ ကိုယ့်အပြစ်မဟုတ်ဘူးလေကွာ။"

လက်ပူးလက်ကြပ်မိသွားသည့် Nie ပါးပါးမှာ ယုတ္တိရှိသည့်အဖြေကို ပေးရတော့သည်။ ထို့နောက် စကားလမ်းကြောင်းလွှဲလိုက်ကာ

"ဒါနဲ့ DNA စစ်ဆေးဖို့ AnAn မသိအောင် သူ့ဆံပင်အချို့ ယူထားမယ်လို့ မင်းပြောထားတာရော ဘယ်လိုလဲ၊ ရခဲ့လား။"

(T/N : ဒီနှစ်ယောက်က အကြားအမြင် ရနေတာလား။😮😮😮)

ထိုအချိန်မှသာ Nie AnAn ၏ဆံပင်ယူရမည့် ကိစ္စကို သူမ ပြန်သတိရသွားသည်။

"အိုး... AnAn လေးနဲ့တွေ့နေတုန်းက ကျွန်မ အပျော်လွန်နေတော့ ဆံပင်ယူထားဖို့ မေ့သွားတယ်။"

သို့သော်လည်း အချဉ်မဟုတ်သည့် Nie မားမားမှာ ခင်ပွန်းဖြစ်သူထံ မြားဦးပြန်လှည့်လိုက်သည်။