Mawalang galang na ho!
Pare-pareho tayong tao
lumuluha't tumatawa
nagkakamali't itinatama
nangangako't napapako
Sa kabilang banda
nandito kami
mga taong iniiwasan
laging hinuhusgahan
Porket may tattoo
mawawalan na kayo ng tiwala
Porket kami ay naninigarilyo
masamang tao
Porket umiinom
walang modo
Porket basagulero/a
wala ng respito
Tao din kami
minsan ng nagkasala
pinag-isipan at pinag sisihan
oo nagtanda na kami
Mabuti kaming tao
nauuna lang ang panghuhusga niyo
tandaan niyong wala kayo sa konseho
para husgahan ang tulad ko
Bakit hindi niyo kami kilalanin
kung anong ugali meron kami
masayahin din at magalang
may respito din medyo bastos nga lang
Nilulugar namin pagka siga namin
Pinipili namin ang pagkakatiwalaan
Pero lahat nirerespito namin
Lahat kakaibiganin namin
Hindi kami perpekto
wag niyo kaming husgahan
pare pareho tayong tao
nakakarindi na ang panghuhusga niyo
respito ang hiling namin
hindi mga matang mapang husga
respito ang isauli niyo samen
hindi masasakit na salita
Respito lang kapatid
wag niyong ipagkait
respito lang kapatid
yun lang ang magpapasaya samin
-CLYB
YOU ARE READING
Autumn Leaves from the Attic
PoetryAt sa tulang ito ko ibinuhos ang pusong gustong umiyak, magpaka saya, mag liwaliw at magpahinga.
