Unicode
" သွင်လေး ကိုယ်ပါ… ''
ရုတ်တရက်ရောက်လာသည့်သူကြောင့် အံ့သြခြင်းဖြစ်ရသော်လည်း ချက်ချင်းပင် မျက်နှာကိုတည်တင်းလိုက်ပြီး…
" မင်း ဘာလာလုပ်တာလဲ ''
" တွေ့ချင်လို့ မနေနိုင်တော့လို့… ''
" ငါတို့တွေ့စရာ အကြောင်းမရှိဘူးထင်တယ် ပြန်တော့ ''
နှင်သည့်စကားဆိုပြီး ကျောခိုင်းလိုက်ပေမည့် သူ့ပုခုံးအား ဆတ်ခနဲလှမ်းဆွဲခြင်းခံလိုက်ရသည်နှင့်အတူ ကျောပြင်ငယ်ဟာ နွေးထွေးသည့်နေရာတစ်ခုသို့ ခိုဝင်သွားရတော့သည် ။
" သွင်လေး… ကိုယ်တောင်းပန်တယ် တောင်းပန်ပါတယ်ကွာ ''
" ဘာကိုလဲ မင်း ဘာတွေလာပြောနေတာလဲ လွှတ်စမ်း ''
ပြောကာမှ သူ့ရင်ခွင်ထဲသို့ ပိုဆွဲသွင်းခြင်းခံလိုက်ရသည် ။
" မလွှတ်ဘူး… ကိုယ်သိတယ် အဲဒီနေ့က ကိုယ့်ပုံစံက မင်းကို စိတ်ပျက်စေခဲ့တယ်ဆိုတာ ကိုယ်သိပါတယ် ။ မင်းအတွက် ကိုယ် ပြတ်သားနိုင်ပါတယ်ကွာ ''
" အဲဒါ ငါနဲ့ဘာဆိုင်လို့လဲ... လွှတ်ဖို့ပြောနေတယ်နော် ''
" သွင်လေးရာ ဟန်မဆောင်ပါနဲ့တော့… သွင်လေးလည်း မြိုသိပ်ထားရတာ မပင်ပန်းဘူးလား ။ ကိုယ်တို့ ပွင့်လင်းကြရအောင် ၊ ကိုယ် သွင်လေးကိုချစ်တယ်… အရမ်းချစ်မိနေပြီ ။ သွင်လေးရော ကိုယ့်ကို ချစ်နေတယ်မဟုတ်လား ဟင်… ''
သွင်မှူးအိမ် ငြိမ်၍သာနားထောင်နေမိသည် ။
" သွင်လေး တစ်ခုခုပြောပါကွာ… ကိုယ် ရူးတော့မယ် ''
" ငါ ငါ… မင်းကို ယုံလို့ရပါ့မလား ငါမသိဘူး မသေချာဘူး ။ မင်းက တွေဝေတတ်တယ်လို့ထင်တယ် ၊ ငါ့ကို အရူး လုပ်ချင်နေတာလား ။ ငါ မင်းကိုလက်ခံပြီးရင်ရော သူ့ဆီပြန်မသွားဘူးလို့ ဘယ်လိုတပ်အပ်ပြောနိုင်မှာလဲ ''
" မဟုတ်ဘူးသွင်လေး လုံးဝမဟုတ်ဘူး… ကိုယ်သေချာပါတယ် ။ တွေဝေစရာအဖြစ်မျိုး ထပ်ရှိလာမှာမဟုတ်တော့ပါဘူး… ရွေးချယ်ရမယ့်ကိစ္စမျိုး ကြုံလာခဲ့ရင်တောင် ကိုယ် မင်းကိုပဲ ထပ်တလဲလဲရွေးချယ်နေဦးမှာပါ သွင်လေး… ''
YOU ARE READING
A Love Like No Other [Completed]
Romance💕Sweet love always touches the softest part of our hearts💕 Own Creation , Own Characters. This story is belong with both unicode & zawgyi.