Talk Back and You're Dead!

Chapter Fifty-Three

Chapter Fifty-Three

Nandito na ako sa concert. Kanina pa nag-umpisa ang program. May mga kumakanta at sumasayaw sa stage. Jingle Bell Rock. Mga nakasuot sila ng Christmas costume, mga naka-pula ang iba at ang iba naman ay mga mukhang elves. May fake na snow din ang bumabagsak mula sa itaas.

Nasa bandang gitna ako ng mga nanunuod. Hindi ko ginamit ang ticket na ibinigay ni Red sa'kin. Ewan ko ba.. Pero para kasing hindi tama kung gagamitin ko 'yon. Bumili nalang ako ng ticket ko. Ayoko rin kasing umupo sa tabi ng mga schoolmates ko.

Marami rin ang dumalo sa concert, karamihan mga babae. Hindi ko pa nakikita ang Lucky 13 mag-perform. Yung ibang fifth years lang ng Pendleton High ang nakikita ko sa stage.

"Ho Ho Ho! Merry Christmas!" sigaw ng ala-Santa Claus sa stage.

"SANTAAAA!!!" sigaw ng mga bata na nasa unahan.

Muntik nang magtakbuhan ang mga bata paakyat ng stage pinigilan lang ng mga madre. Nag-hagis nalang ng mga candies ang Santa Claus para sa mga bata. Mukhang tuwang-tuwa naman sila. Ang gandang tignan.

"Ang bait naman ng mga taga-Pendleton High!"

"Oo nga eh! Ang dami pang gwapo sa school na 'yun!"

"Sayang. All boys school sya. Sana next year magpapasok na rin sila ng mga babae!"

"Bakit? Papa-transfer ka ba?"

"OO!! Grabe pangarap ko makapasok dun! KYAAAAHH!!"

Usapan ng mga babae sa likod ko.

"Inaabangan ko ang performance ng Lucky 13!"

"Ang tagal nga 'no?"

"Baka hindi sila magpeperform?"

"Hindi pwede! Pumunta ako dito para sa kanila eeh!"

"Lahat naman daw ng fifth years magpaparticipate. Baka panghuli sila?"

"Oo nga."

Hinihintay din pala nila ang part ng Lucky 13? Namatay ang ilaw saglit. Unti-unting umilaw ang stage at may nakatayo na doon na limang lalaki. Speaking of the Devils. Kapag sila ang usapan, kaagad lilitaw. May mga instrument silang hawak. Mukhang tutugtog sila. Mukha silang isang banda. Lahat sila naka-white. Malayong malayo sa image nila bilang gangsters at palaging naka-black.

"KYAAAAAAAAA!!!!!!" napuno ng nakabibinging tilian ang buong stadium.

"Hello!" bati nung may hawak ng mic.

"ANG GWAPO MO!!!!!"

"WE LOVE YOU LUCKY 13!!!!!"

"KYAAAAAAAAHHHH!!!!"

"Nag-eenjoy ba kayo?" si Omi ang nasa mic.

"YEEEESSS!!!!!" sagot ng audience.

"Great! Well may tutugtugin kami. Warning though hindi kami kasing galing ng original."

"OKAY LAAANG!!! KYAAAAAAA!!!"

"This is a famous song. Sana magustuhan nyo!"

At nag-umpisa na silang tumugtog.

"Alam ko yan!"

"KYAAAAAAAAHHH!!!!" sigawan ang crowd at halos mamatay sa kilig

Nahimigan ko ang kanta bilang Feliz Navidad, rock version. Nakisabay sa kanta nila ang audience. Tinignan ko ang members ng band. Si Vin ang nasa lead guitar at second voice. Si Six ang nasa drums. Si Mond ang nasa base guitar. Si Pip ang nasa keyboard. Si Omi ang nakanta. Wala si TOP. Natapos ang number nila na may pasabog sa stage. Parang fireworks. Hiyawan parin ang mga audience. Namatay ulit ang mga ilaw katulad kanina. Kitang kita ang mga makukulay na light sticks na dala-dala ng mga audience. Nabuhay ulit ang ilaw sa stage at nakatayo roon ang dalawang lalaki. Naka-white shirt sila na fit at army pants with black boots. Para silang sundalo.