My two-faced boyfriend

Chapter 3 and 4

Chapter 3: Her side

Naiwan kaming dalawa sa loob ng meeting hall. Sabi ng parents ko, kelangan ko daw mas lalong makilala ang magiging future husband ko. Waaah, ano ba yan, ano nanaman bang pumasok sa utak nila?

Naupo kaming dalawa sa may round table na nasa gitna. Weird ha, yun lang yung table na nasa loob ng hall.

Nakita kong nag-crosslegs siya at pumikit. Naka-cross din yung arms niya. Argh, kahit saan kong angulo tingnan ang lalakeng ‘to, sobrang gwapo niya talaga!

“Uhm…ikaw ba talaga si Kyle Meneses na classmate ko?” Tinanong ko siya. Napatingin siya sa’kin tapos nakita kong ngumiti siya ng masama. What’s with that smile anyway.

“Why? Hindi mo inaasahan na ako ang magiging asawa mo, ha?” He asked sarcastically, still smirking.

Aaaargh! Syempre hindi ako makapaniwala na ikaw ang Kyle Meneses na kakilala ko sa school! Sobrang magkaiba kaya ang ugali niyo pati itsura niyo! Si Kyle na kilala ko, neat tignan at mabait. Tahimik pero matulungin sa iba. Etong Kyle na nakikita ko sa harap ko, sobrang rude at cool!! Saan napunta ang Kyle na kilala ko?!

“Hoy babae.” Tinawag niya ako. Grabe, bastos talaga. “May mga rules tayo na hindi natin puede labagin. Dahil sa ikaw na ang fiance ko, wala na akong magagawa pa.”

Eh bakit hindi na lang siya tumanggi sa pagiging fiance niya? Puede naman yon diba?

“Rule #1: Wala dapat makaalam ng relasyon natin, sa school man o sa labas. Rule #2: Wag na wag mo akong kakausapin sa labas ng skwelahan at Rule #3: Wag na wag kang ma-i-inlove sa’kin.”

Excuse me?! Ma-i-inlove?! Asa naman! Jusko, puede pa akong mainlove sa Kyle Meneses na una kong nakilala! Malabo akong mainlove sa isang katulad mo!

“Kung naiintindihan mo na, aalis na ako.” Tumayo siya tapos nag-lakad paalis. Nakatingin lang ako sa likod niya tapos napa-sigh ako.

Kinabukasan, as usual, late nanaman ako. Ang stupid ng alarm clock ko dahil hindi gumana! Wala na sigurong baterya. Aaaah, bibili pa ako eh, kainis! Pagkatapos kong makakain ng breakfast tumakbo na kaagad ako palabas ng apartment ko. Buti naka-abot pa ako sa trip ng bus. Pagkatapos ng 10 minutes, bumaba na ako sa tapat ng North Wing Highschool.

Tumakbo ako papasok ng gate tapos dumeretso na ako kaagad sa classroom ko. Buti na lang at hindi pa nagsisimula ang klase. Pumunta ako sa desk ko tapos nilapag ko ang gamit ko.

Bumukas ang pinto ng room tapos napatingin ako at nakita ko na pumasok si Kyle. Wow, back to being nerd type nanaman siya! Umupo sa desk na nasa likod ko tapos nilapag niya yung gamit niya sa floor.

“Uh, good morning.” I greeted. Baka sakaling sumagot siya.

Aba, ngumiti siya sa’kin at binati ako pabalik! Waaaaah, hindi ako sanay na makita ko na sobrang bait niya! Kainis!

“Nagawa mo na ba assignment mo sa math?” Tinanong ko siya habang nilalabas ko ang notebook ko sa bag ko.

“Mhmm, natapos ko na kagabi…pagkatapos ng pagkikita natin.” Bigla akong napalingon sa kaniya nang nag-bago yung boses niya! Biglang naging sarcastic ang tono ng boses niya! I visibly shivered. Nakakatakot ang taong ‘to! May split personality ba siya, ha?!

Suddenly, may mga boys na lumapit sa kaniya. Nako, sa pagkakaalam ko, ito yung mga boys na laging nang-aaway kay Kyle!

“Hoy Meneses, nagawa mo na ba yung assignment namin sa math, ha?!” Tanong nung isang lalake.

Tumingin si Kyle sa kanila tapos ngumiti. “P-pasensya na…nakalimutan ko eh, may ginawa kasi ako kagabi. Pero, gusto niyo kopyahin niyo na lang assignment ko?”