" ရာသီဥတုက အအေးလျော့လာပြီနော်... ခိုက် "
" အအေးလျော့လာပေမယ့် နွေးနွေးထွေးထွေးဝတ်ထားဦး... ရာသီဥတုအပြောင်းအလဲကို ဂရုစိုက်ရမယ် "
ဒိုင်းကနဲလွင့်ကျလာတဲ့ အကြည့်တစ်ချက်ကြောင့် ခိုက်ကတွဲထားတဲ့ လက်တစ်ဖက်ကို ဖျစ်ညှစ်လိုက်သည်။ ကိုလျှန်တို့ မင်္ဂလာပွဲအမီ လာရတာကြောင့် ခိုက်တို့လေယာဉ်ဆိုက်တော့ နေ့လယ်ခင်းသာရှိသေးသည်။ နှင်းမကျတော့ပေမယ့် အအေးငွေ့ရှိနေသေးတာကြောင့် အနွေးထည်ချွတ်ချင်နေတဲ့ရှားကို ခိုက်ကြိုပြီးတားလိုက်သည်။
" ခိုက်... ဟိုမှာ ငါတို့နာမည် "
" ကိုလျှန်တို့လာကြိုဖို့ လွှတ်လိုက်တာဖြစ်မယ်ထင်တယ် "
ခိုက်တို့ လေယာဉ်ကွင်းထဲကထွက်လာတော့ ခိုက်နဲ့ရှားနာမည်ကို ရေးထားတဲ့ ဘုတ်ပြားကိုကိုင်လို့ စောင့်နေတဲ့လူတစ်ယောက်ကို တွေ့လိုက်ရသည်။
" တွေ့ရတာဝမ်းသာပါတယ် ... ဘုတ်ပြားပေါ်က နာမည်က ကျွန်တော်တို့ပါ "
ရှားတို့ကို သိပုံမရပဲ လာကြိုတဲ့လူက ဟိုရှာဒီရှာ လုပ်နေတာမလို့ ရှားကပဲ ဦးအောင်သွားပြီး နှုတ်ဆက်လိုက်သည်။
" အာ မင်္ဂလာပါ ... Mr.Hlyan က လာကြိုခိုင်းလိုက်တာပါ . မင်္ဂလာပွဲကြောင့် ကိုယ်တိုင်လာမကြိုနိုင်တာကို အားနာကြောင်းလည်း ပြောလိုက်ပါသေးတယ် "
ခရီးဦးကြိုပြုလာတဲ့ကောင်လေးက ကိုဘုံလျှန်တို့မှာလိုက်တဲ့အမှာစကားကိုလည်း ရှားတို့ကို အတိအကျပြန်ပြောသည်။
" ရပါတယ်... ကျွန်တော်တို့နားလည်ပါတယ်... သွားကြတာပေါ့ "
" ဟုတ်ကဲ့... ကူသယ်ပေးပါ့မယ် "
ရှားတို့ပါလာသမျှပစ္စည်းတွေကို လာကြိုတဲ့ကောင်လေးက ခွဲဝေသယ်ပေးပြီး ကားနောက်ခန်းမှာ သေချာထည့်သည်။
" ဟိုတယ်ကို တစ်ခါတည်းလိုက်ပို့ပါ့မယ် "
" ဟုတ်ကဲ့ဗျာ့ "
အိုင်ယာလန်ကနေပြန်သွားပြီး သိပ်မကြာခင်မှာ ကိုလျှန်တို့မင်္ဂလာပွဲကို ခပ်မြန်မြန်ကြားရလိမ့်မယ်လို့တော့ တကယ်ကိုထင်မထားခဲ့။ အနည်းဆုံး တစ်နှစ်လောက်တော့ ကြာဦးမယ်ထင်ထားတာ။ ဒီလိုဆိုတော့လည်း ကိုလျှန်က တကယ်ကို လက်သွက်တာပဲ။
YOU ARE READING
My Beautiful SPOUSE
General Fictionဆက္ကဘုံလျှန် (Sakka Bxon Hlxan) နေးလက်ျာ (Nayy Lattyar) (own creation) Starting Date ••• 24/9/2021 Ending Date •••