~~ Last Christmas I gave you my heart ~~
ဆောင်းရာသီကာလ ခရစ်စမတ်ပွဲတော်လည်း နီးလာပြီမလို့ ဈေးဝယ်စင်တာထဲမှာ ခရစ်စမတ်သီချင်းသံက ခပ်တိုးတိုးလေး ပျံ့လွင့်နေသည်။ လျှန်က ဈေးဝယ်လှည်းကို မုန့်တန်းတွေကြားတွန်းရင်း အရှေ့ကနေ တွေ့ရာမုန့်တွေ အကုန်ကောက်ထည့်နေတဲ့ နေးနောက်ကို အမှီလိုက်နေရသည်။
" နောက်တစ်ပတ်ထဲမှာ ကျောင်းတက်ရတော့မှာဆိုတော့ ဘာတွေလိုချင်သေးလဲ နေး "
" အင်း ... ခဏနေကျမှ ပတ်ကြည့်မယ်လေ ကိုကို "
" အိုကေ "
မျက်လုံးလေးထောင့်ကပ်လို့ စဉ်းစားသလိုပြုပြီးမှ ပြန်ဖြေလာတဲ့နေးကိုကြည့်ရင်း လျှန်သဘောတကျ ပြုံးမိသည်။ ရှေ့ကနေ တောက်တောက်, တောက်တောက်နဲ့ သွားနေရင်း စားချင်သမျှမုန့်တွေကို အကုန်ဆွဲထည့်နေတာကြောင့် လျှန်တွန်းလာတဲ့ တွန်းလှည်းလေးလည်း ပြည့်လုနီးနီး ဖြစ်နေပြီဖြစ်သည်။
" အနွေးထည်တွေရော ဝယ်ကြမလား နေး "
" နေးမှာ အနွေးထည်တွေ အများကြီးပါလာတယ် ကိုကိုရဲ့ "
" မာဖလာရော "
" မာဖလာလား ... မာဖလာတော့ ဝယ်မယ်လေ "
" အိုကေ ... ပြီးရင် သွားကြည့်ကြမယ်နော် "
မုန့်ဈေးတန်းရှိတဲ့နေရာကနေ လျှန်တို့က ဟင်းချက်စရာမျိုးစုံရှိတဲ့ ကုန်စိမ်းတန်းကို အရင်ကွေ့ပတ်လာခဲ့လိုက်သည်။ အိမ်မှာချက်စားကြဖို့ ဘာမှမရှိတာကြောင့် လိုအပ်တာမှန်သမျှကို လျှန်က ရွေးချယ်ဝယ်ယူတဲ့အခါ နေးကလည်း ဘေးကနေ တွန်းလှည်းကို ကူတွန်းပေးရင်း ငြိမ်ငြိမ်လေးလိုက်လာသည်။
" အမဲသားကြိုက်လား နေး "
" ဟုတ် "
" နံနံပင်ရော "
" နိုး ... "
ခပ်သွက်သွက်ပင် နေးက အငြင်းစကားဆိုတော့ ကိုကိုက သဘောတကျရယ်သည်။ ဟင်းချက်စရာ တစ်ခုချင်းစီကို ကောက်ကိုင်ရင်း ရွေးချယ်နေသည်။ နေးကတော့ တစ်ခုခုကို အာရုံစိုက်နေတဲ့ ကိုကို့ရဲ့အသွင်ကို ဘေးကနေ မသိမသာခိုးငေးလိုက် သိသိသာသာကြည့်လိုက်နှင့် အလုပ်များနေသည်။
VOUS LISEZ
My Beautiful SPOUSE
Fiction généraleဆက္ကဘုံလျှန် (Sakka Bxon Hlxan) နေးလက်ျာ (Nayy Lattyar) (own creation) Starting Date ••• 24/9/2021 Ending Date •••