'Kamatayang Kay Tamis'
Pinugpog ng marubdob na mga halik ang malungkot na labi,
At ang mga mata'y pilit tinutugunan ng pagngiti.
Ang pagpapaalam ay ginawang pagbati,
Sapagka't nasa hangganan na ng pag-ibig na minimithi.
Ginugunita ang mga matatamis na sandali
sa isang araw na mapanganib at maigsi.
At sinasabing ang pag-ibig ay mananatili,
bawiin man ang buhay na dagli.
Kamatayang kay tamis,
Maging sa huling hininga'y ikaw pa rin ang tinatangi.
Mananatiling laman ng puso't isip,
At mamamatay sa iyong pag-ibig.
Kamatayang kay tamis,
Dito'y hindi mapapatangis.
Takasan man ng hininga't sa kamatayan tuluyan mabigkis,
Madadaig pa rin ng pusong may iisang nais.
BINABASA MO ANG
Love's Tapestry: Weaving Words of Romance
PoetryThis is a collection of poems written by Jcena Mortiff that revolves around various forms of love. These words long to break free, the letters yearn for liberation, all gathered from the depths of the author's heart and mind. They are assembled here...
