🌙حسناء القايد🌙
👑oumaima mega 👑
⚡181⚡
ايوا نرجعو لكوزينة ...تما ريحة الطياب عاطية طياب الحادكااات ...لالة هنية ربات و عرفت اش ربااات ...مخلات ماعملت عجنت الخبز و المطيليعات و دخلتهم الفران...نصبت بيديها اللحم و دجاج في طنجرة ....و صايبت جوج شكيلات دالحلوى ...و متشكي من عيا ماتشكي من شقا ...كاع العبيد واقفين و مبهوضين و عيونهم خارجين من حداكت لالهم ...تمن الطبق لي غيتحط فيه ختارتو بيديها ....طباق تاع الطوس هاكا كبير و زين ...عملت وحد بيض لدجاج ووحد زرق للحم ....و طبق خاز للخبز هاكا باقي سخون طايب على فران دالعواد .... كين من الخدم لي غا تيشوف و كاين لي في قلبو السم و الحسد ماشي غا فاخيتة ...عطاهم الله بيناتهم ...و شافية شادها لفرحة كثر من لالها واقفة من وراها و حسناء لي باقا تطيب و تتسنا في الحلوى
~~~~~~~~~~~ايوا وصلت وقيتة الغدا و جا سيدي فخر الدين كيف عوايدو غيدخل لقصرو ... تنوض النايضة ...داخلة بسلهامو و يدو من وراها معلي الشان و المرشان ... غادي بخطاويه مرزنين لجيهة جناح لالة سلطانة ...لي غا دخل عندها لقاها جالسة في موضعها تتسناه ...موالفة بيه يجي لعندها هي لولة و يجلس في فراش الريش ...و يتك بدرعو على الوسادة ...هو مطلع رجل و مصرح لخرى ...و يتكلم هو معلي الحاجب و يسمع للحاجة اش تتقول ... و حتى من شوار خدمتو تتكون في راسها و في ودانها ...و منها نيت يدوز وقتو بينما وجد الغدا ...حتى قطع كلامهم دقان في الباب ...سلطانة هزت الراس و عطات لادن لي لبرا يدخل ...دخلت عرشية حادرة الراس
سلطانة : واش الغدا لسيدك موجوود
عرشية : مووجوود ا لالة غا هو جيت من شان وحد الضيف واقف قبالت الباب جاي قاصد سيدي
فخر الدين زاد طلع الشوكة و كينافس السلطان في الجلسة شكون هادا لي جا عندو في وقيت الغدا : شكون هاد الضيف ؟ واش معطاش اسمو ؟
عرشية : سيدي كيقول بلي سمو محمد و ندهتي عليه البارح باش يجي لعندكم ...فخر الدين حول عينو كيف نسر عقل عليه هاداك محمد لي سيفطو عباس يامس بالحق قالو يدوز لعندو لمكتب اش جابو لهنا ... هز راسو في عرشية و نطق و آمر : دخليه لبيت ضايفة
عرشية : واخا اسيدي ...و دارت مشات فحالها
سلطانة : شكون هاد محمد اولدي
فخر الدين بلاما يدور عندها : هادا سخار ديال عباس باغين شي وراق ديال شي تجارة
سلطانة حركت غا براسها : بلحق اولدي تتغدا عاد مشي لعندو
فخر الدين قاد الجلسة و ربع رجلو : غنسالي شغالي معاه و نجي ...و ناض من موضعو دير يدو من وراه و مشا خارج من جناحوو
~~~~~في جناح شروق تاني ديك العبدة واقفة توصل و تبرول في الهدرة
شروق : لا تال هادي لي متكونش بان ليا مافراس لالة سلطانة والو و مداريا بوالو ولا ديك ساع غيكون القصر فوق هادي لالهم حسناء بان ليا لقضية ماهياش خاصني نزور لالة سلطانة ...و خلات العبدة واقفة و هي مشات للدفة وفتحتها و خرجت معلية و معضمة شانها
🌙حسناء القايد🌙
👑oumaima mega 👑
⚡182⚡
قبالت الدفة دخلانية تاع القصر كان واقف محمد و معلق شكارتو في كتفو ...و كيف النمس بارك يدور في عينووو ...تا جات عندو عرشية و ندهت عليه يتبعها من وراها توصلو تال بيت الضيافة ...دارت وهو دخل لرجلو ليمنة لداك القصر ...و مزال غاتيفتش بعينووو ...توصلتو للقلب القصر ...و داتو جيهة قوس منها تدخل للدفة ديال بيت الضيافة وقفت عرشية
عرشية : تفضل ا سيدي
محمد : لهلا يخطيك ا لالة ...و حنا راس و دار براسو غيدخل لبيت الضيافة ...و عرشية عندها مايتعمل وصلت الضيف تمشي تقابل حاجة اخرى ...هو قشعها تمشات ...و دار رجع لوحد السطوان ديال القواس غا تيدور في عينووو ...و باين مقصدو خبيث ...توصل لقلب الدار و تم وقف
~~~~~~في الكوزينة حسناء قادت و صايبت و مخلات ماعملت و داكشي خرج من يديها كيف البلار ...غاريحتو تعطيك خبارو على وجهها بشارة زيينة ...و يدياتها غاتفرك فيهم ...منعرف اش غيقول سيدها القايد فاش غيحط اللقمة في فمو ...و هي تدور عند شافية و نطقت بصويتها : شافية واس غيكن سيد القايد جا ؟
شافية : معرفتش الالة نمشي نشوف
حسناء : لا انا لي غنمشي نشوف ...و نزلت الكمايم من دريعاتها و هزت جلايها ...غادا بيت الخدم تخرجت من دفة الكوزينة و من وراها شافية كيف ضلها متتفرق عليها ...و هي غادية بين السطوان ...و غا صوت خلخالها و جوالقها لي تستسمعو دنيا تتصفر خاوية ....كان محمد واقف بعيد مخبي ورا البودرة ...تاهز عينو في جيهة ليسر ...و بانت ليه حسناء جاية كيف دايرا تقول تتمشى على الدهب و الحرير ...زينها يفتن قبيلة و مبشورة ...محمد غاشفها هو يرجع شوية لور و تخبع ورا القواس ...و عينو عليها خلاها تدازت و بينها وبينو الشبورة تاع لرض و نده بصوت خافيي مكيتسمع : حسنااء حسناااء ....كانت غادا حسناء خير وسلام و هي تتسمع توشويشة بين ودانها ...دارت غا بشوية عاقدة الشوفة ...و ليني غا لمحت محمد قلبها وقف ...و عينيها خرجو و فشلو ليها ركابيها ...متوقعتش تشوفو مرة اخرى قبالت عينيها قالت صافي مشا و نسات معاها يامها و لاحت مع خميستو حبها ...بدا هو تشاور بيديه تجي لعندي و هو تيشوف يمين و شمال ... و تينده ليها تجي ...شافية غا تتشوف فيه و تشوف في حسناء شكون هاد السيد لي تيشاور ليها ...حسناء غا مخرجة فيه عويناتها معرفت تقدم معرفت توخر ...بلحق بان ليها خاصها تهدر معاه و شحال من مسمار تحطو و تطرقو في موضعو و هي دور غا نص دورة عند شافية : جيبي ليا لحاف
شافية معودتش لكلام : واخا لالة ...و مشات تتجرا ...و حسناء بقات واقفة في مكانها و محمد تيقولها تجي لعندو معرفها علاش واقفة هاكدا ...توصلها للحاف ...و خداتو من يدين شافية و حطاتو فوق راسها ...كيف سيد القايد عمل ليها ...شافت يمين و شمال مبان ليها حد في المكان ...و دارت تمشات لعندوو و قالت لشافية بلاما تبعها .. محمد شافها جاية لعندو فرح هادشي لي كان باغي ....ايوا ماغيجي غا مع الزينة تاع شروق عاد هابطة من دروج و جاية تتنخوى في المشية جاية ناوية تشعل العوافي و تزند المجامر ...تاكتلمح حسناء بلحافهااا و غادا لجيهة وحد السيد ...وقفت وحققت مزيان هادا هو سيد لي كان يامس ...و بانت ليها حسناء مشات لعندو و زاد هو وياه القواس ...و هادشي ممقبول لا في داك الزمان لا في داك القصر ...خرجت عينيها و نزلت زرب زرب غتبعهم و تشوف اش تحت راس هاد لفعة دحسناء و هاد زلال لي مدخلاه تال قلب دار سيد القايد ...يتبع
✖️✖️✖️✖️✖️✖️👈
اعتدر على تأخيير غدا غندير ليكم تتمة انشاءالله غا جيتوني غدا قاريا مع الصباح اما نسهر ليكم ههههههه
القضية شاعلة غدا رومانسية و الحب و الخيانة و داكشي و طق طق و الطياب