⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️
❌القصة ممنوعة من النشر او الاقتباس
...
حسناء يلاه علات حجبانها و طرطقت عينيها في سيدة العالية لي باينة فيها طاغية و لي سبات ليها اصلها و فصلها و نعتاتو بالوسخ و العفن و هي معارفها تا شكوناهيا يلاه غتنطق و تكلم ...حتى حست بدفعة رجالية كانت غاتجيبها على فمها كونما شدت راسها و دورت راسها كتبان ليها مرة جدعة و كبيرة غادا دافعاها ...و جاو العبدات لي جاو معاها و هازين رزمتها حوطوها و كيبانو طوالات و جدرات عليها ...هي غامن تحت لثامها تدور فيهم راسها و عويناتها مسكينة ...و عرشية غادا دافعاها على جهدها ...و حسناء غادا بزربة و جلاليلها كتعفط عليهم
حسناء دورت عينيها في عرشية و كتجري ماشي كتمشي و دوات بصويت حنين و رهيف تيدخل القلب : لالة ؟ شكون هاديك المرة ؟ عرشية بلاما تنزل فيها لعين قاصحة و جامدة و دافعاها : هاديك لالة ام سيديي حسناء خنزرت و ردات سؤال : لالاك ام سيدك؟ عرشية شافتها غا من تحت لعين : أم سيدي القايد فخر الدين حسناء طرطقت عينيها و قلبها تنبزت منو نبزة الخلعة و دارت تشوف قبالتها ... تفكر في المرا كيف كتبان طاغية و نافخة الريش ... حتى وصلوها لدروج لي كبااار و مزوقيين من جناب بالفانس و القنادل ... تبهضت فيهم عمرها شافت هادشي ... بداو دافعينها مطلعينها في دروج و هي غير كدور في عينيها وتشوف في دروج و جلييج و تهز راسها في النقش العاليي ديال القصر ...و كتعفط على جلايلها كتبغي طييح كتشدها غا عرشية من لوور ... تا طالعوها لفوق و مشاو بيها تاني دافعينها في سطوان كبيير و غادااا و تعكل ليهم و تبغي طيح ...وقفت عرشية ميمكنش يبقاو غاديين فحال هاكا ...و حسناء غامعلية راسها و مبهوووضة في هادشي كبير و زيين
عرشية دارت عند وحدة من العبدات : العالية هزيي جلايل لالاك ... حسناء دارت عندها تعرفها علامن كتدوي ... و هي تنزل لعالية تجبد في جلايلها من تحت رجليها حسناء بدات تهرب فيهم و بدات مدابزة معاها : غا خليهم انا نهزهم الراسي ....لعالية هزت فيها عين قاسية خلعت حسناء و طلقت ليها الجلايل ... و مشاو تاني مزيدينها دافعينها و هازين جلايلها و زربانين زربانيين ...و حسناء غا تشوف في جنابها و ضروها رجليها بهاد الزربة وهي دور عند عرشية تاني
حسناء : فين غاديين بيا ؟ عرشية : غاديين بيك لجناحك ا لالة حسناء : و علاش حنا زربانين ؟ عرشية وقفت و وقفو معاها العبدات و جمعت يديها عندها و نزلت الراس : سمحي لينا ا لالة مرديتش البال زيدي خطوة قدامنا و حنا غنمشيو على قد قياسك ...حسناء هزت ليها راسها بايه ...و دارت بشوية و مزال معاوناها العالية في جلايلها و مشات كتمشى كيف موالفة تخطوي و دور عينيها تشوف و من عويناتها المبهوضين باين عمرها شافت فحال هادشي
Oops! This image does not follow our content guidelines. To continue publishing, please remove it or upload a different image.
