⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️
❌القصة ممنوعة من النشر او الاقتباس
...
شافية طالعة في الدرج و هازا صينية فطور و مخبية تحت جلايلها شي رزمة ...و غادا لجناح الطاووس ...غادخلت ...مشات حطت داكشي من يديها و نوضت حسناء ...لي غململتها ناضت قافزة وواقفة على رجليها ...قبل ما تفطر سولت على الحويج لي وصاتها عليهم
شافية فتحت ليها الرزمة و جبدت منها جلابية بالية و لثام و شربيل محرتك : هاهما ا لالة حسناء تبسمت : صافي مزيان شافية : و ليني مقلتيش ليا الالة شنو غتعملي بيهم حسناء : غير شي حاجة و صافي (و هي تصغر عينها و خاشية نيفها في شي حاجة متتعنيهاش ) قولي ليا ا شافية منده عليا حد للفطور شافية : لا ا لالة مندهش عليك سيدي حسناء شدتها تزنيكة وقلبها ضرب غا ضربة معرفتش علاش : و شكون دوا على داك سيدكم شافية : لالة سلطانة ؟؟؟ زعمة ؟ حسناء ولات تقلب في عينيها : خ خ خلينا من هاد الكلام مزيان منين جبتي لفطور كان فيا الجوع ...و جلست في المايدة في ديك الصينية لي مزوقة و فيها العين تاكل قبل من الكرش ...و بدات تاكل و تبعد تخمامها وخوفها من سيد القايد و تركز في هروبها ...تاسلات و شافية جمعت داكشي و خرجت فحالها ....حسناء جلست و لبست الجلابية البالية ...و القب قاداتو و شربيل لبساتو و مشات لصنادق و خرجت رزمتها ...و جلست تساين في شارة تاع عبد الصمد
~~~~~~~~~~~~~ ايوا وصل وقت الغدا و شي شارة مشافتها ....باركا تمشي و تجي في جناحها و تخمم شنو واش عبد الصمد لعب بيها تا طمعها غايخرجها و خواا بيهااا ...تادق عليها الباب و عرفت بلي شافية من وراه ...و خلاتها الدخل شافية غادخلت تصدمت فيها طلعتها من ساسها لراسها : لالة ؟ فين غادا ؟ حسناء : شنو كين علاش جيتي شافية : جيت غير نقوليك راه سيدي عبد الصمد قالك راهوا لتحت و كيساينك (حسناء عاد تنفست هادي هي الشارة و هزت رزمتها في يديها شافية طرطقت الشوفة ) واااش غتهربيييي تانيي ا لالة حسناء الفرحة باينة فيها واخا ملثمة : ااه غايعوني سي عبد الصمد قولي ليا كنبان عبدة ياك ...شافية كتشوفيها من عينيها باينة زينة و كتفتن شافية : هو لباس لباس عبدة و ليني حاشة ا لالة و تكوني عبدة ....حسناء تقدمت لعندها و عنقتها و ودعتها تاخلات شافية غا تدمع من وراها ربات عليها الكبدة ...و حسناء غادا مزربة خطاويها تجري و عينيها يدورو ليمن و ليسر ...و الخلعة الخلعة شاداها مزيرة بسنانها على رزمتها و تطلب ربي يسهل عليها في هاد الهربة
Ops! Esta imagem não segue as nossas directrizes de conteúdo. Para continuares a publicar, por favor, remova-a ou carrega uma imagem diferente.
🌙حسناء القايد🌙 👑oumaima mega 👑 ⚡117⚡
مشات نزلت بشواية عليها بداك الشربيل البالي من الدروج و تدور غا عيونها ...كيبانو ليها غير العبدات وكل وحدة و باش ملاهية ...و الدنيا فحالا خالية ...هزت عينها تتقلب ...حتى بان ليها عبد الصمد في الجيهة لي مقابلة معاها وهزت يدها تشاور ليه ...و تهوا طلع عينو فيها وعرفها ...و دار ليها براسو ..بلي هو غيمشي و هي غتبعو ...و داكشي لي كان ...هبط راسو و زاد شوية ...و عينو كيف النمس دور ليمن و ليسر ...و حسناء زيرت على راسها و تسلحت بزعامتها و الخوف راكبها ... ماشي ساهل عليها تخرج من الدفة الكبيرة ....وزادت تمشات من وراه وهي حادرة راسها ....و مشات معااه في نفس الخطاوي ...حتى فاتو العتبة تاع الباب ...و هو تيشوفها بنص عين تيلقاها وصلت عليه ..... و مع الهزة تاع العين طرشاتو البهضة و الصدمة خرجت ليه عينيه ...ووقف في مكانو و الخلعة لي شحال هادي محس بيها ركباتو
كان اسيدي ...سيد القايد بحرا خرج من سيارتو و ربعة السيارات من وراه ...خرجو منهم اعوانو مصطفى و شي رؤساء خرين تاع جيش التحرير ...و جيين كيتبخترو في المشية و سيد القايد بسلهامو وسطهم باين ...همة و شان و رايس عليهم ... حيد نضاضر كوحل من عينو و نيش على عبد الصمد واقف في الباب ...علا الراس و توجه لعندو قاصدو و المقصود ربي ....عبد الصمد جمد في بلاصتو و الدم هرب ليه من وجهو ..حسناء كانت من وراه ..وقفت تهيا طلعت فيه عينها منعرف مالو وقف ...و تيشوف في جيهة وحدة ...و هي تحول عينها فين تيشوف ...هو يتخبط قلبها بضربة كيف ضربت الموووت ...حست برجليها فشلو عليها ... صافي هادي هي لخرا ليها ...و بدات كيف السحلية تمشا جنب باش تخبا من ورا عبد الصمد و تغطا بييه
فخر الدين وصل تال عندو ووقف قصادو و دار يدو من وراه : عبد الصمد ؟ فين ماشي ؟ عبد الصمد تلبك وهو عارف فعلتو مخرج شي حاجة مخصوش حتى يمسها لي هي مرتو : احم احم كنت باغي غير نخرج نضرب شي دورة فخر الدين هز براسو بشوية : اش بان ليك تجلس معانا و تشارك معانا لحديث...و الرجال صحاب سيد القايد خلطو عليهم ووقفو في مكانهم من وراه عبد الصمد حاول يبقا صامد قبالتو : لا معنديش لكانة خاصني نمشي فخر الدين عرفو مقصح الراس و مبغاش يدخل معاه في الخدمة باغي يرد منو راجل ...هو يلوح عينو لمن وراه لوحد الولية منقبة بنقاب بالي و جلبية بالية ...و كتحاول تخبا و تغطا ....و عينيها يحومو ويدورو في لرض ...قوس عينو و تربطت غوباشتو ...حسناء شافت لغا سكت ... و هي تهز عينها مقوسين كيف الحوتة و مكحلين ...جات عينيها في فخر الدين نيشان تا لونها تخطف...و رجعت هبطتهم دغيا تطلب ربي ميعرفهاش ...فخر الدين زاد عقد الحجبان و عينيه غايخرجو من مكانهم ...يتبع
Ops! Esta imagem não segue as nossas directrizes de conteúdo. Para continuares a publicar, por favor, remova-a ou carrega uma imagem diferente.
💋💋
ايوا هادي محال تفلت منها ....سيدي فخر الدين اول حاجة،عشقها فيها هي عينيها ...و مغيدوزوش عليه هاد العينين غير هاكا واخا تحت من ثياب بالية ... .و نشوفو اخرتها مع هاد حسونة لي غادا لعصا برجليها ...و زعمتها غاتخرج عليها
اما بالنسبة لعبد الصمد فهيا غا ولية معاديا بيه راه ولد خالو ...و معرفاش بلي كيلعب بيها ...خبرتها في الحياة قدها قد الحمصة معارفة غير دار باها و مها ...و محمد لي خيطت معاه الزناقي و الدروبة و هادشي ديال السياسة و القتيلة كبيييير عليها و مصيبتها الى ولات هي نقطة الضعف تاع سيد القايد لي تشد منو من درعيه
