⚠️جميع المواقف و احداث هاد القصة هو من محض الخيال ، اي تشابه في الاسماء او اسماء الاحزاب او اسماء فالامااااكن ، سواءا -كانت على قيد الحياة او عداد الاموات - بينها و بين الواقع ، فهو بمحض الصدفة لا اكثر ⚠️
❌القصة ممنوعة من النشر او الاقتباس
...
...فاخيتة تهيا كتشوف في بنات الهجيج كيف علا ليهم الشان ولاو يدور في القصر الكبير شوف الزمان كيدير ...حيت بنت الدار لكبيرة مغترضاش تحط رجليها في الكوزينة و شوف ها دي كيف ماجية الحاصول لي كابر في شي قنت كيبقا يزور فيها وخا يسرجوها بالدهب و النقرة ....ايوا خلاوها ماليها الفول كيتعطا غير لي معندو دراس ..ورجعت تكمل مسمها و السم في قلبها القاسمية هزت في شافية شوفة و بدات تهضر بالهمس حيت كلشي سكت بقا غا كلامها لي تيدور في داك المكان : ختي حسناء رجليها تفعصت بغيت شوية الما دافي و زيت لا جات على خاطرك شافية : واخا الالة هي لوللة....دارت ومشات هزت قدر تاع النحاس و عمراتو لالما دافييي بحرا هزاتو تتلقات ليها القاسمية : عطيني نعاونك في الهزان شافية : لا لالة انا غنديه القاسمية هزاتو من عندها تدير الصواب : حشومة ا ختي نخليه ليك وحدك انا غنسبقكك نمشي شافية : لي تحبي الالة انا نجيب الزين سايني تنديك و نوريك الطريق القاسمية تبشرت : راني عرفت الطريق الله يكثر خير ديك البنت وراتني منين ندوز هاني سبقتك تدوزو بخير البنات الله يعاونكم ...كين لي رضت عليها باميين و كين لي بقات غا طلع و تهبط فيها جاتهم كيف العجب ...و القاسمية دارت بداك القدر ...و جاها ثقيييييل بين يديها غا مسايسة معاها و بقات غادا بشوية و حاضية معاه خايفة لا يتكفح ولا تنقص منو قطرة ....و هي غادا زلق ليها الحيك من فوق سالفهااا و طاح على كتفها و هنا ولات محيلتها لقدر ثقيل محيلتها لحيك لي نزل ليها ...و بركت مدابزة غا وحدها ...و موقفتش على مشي عاد مزيدا مكملة خطاويها و حاضية لما لا يتكفح
~~~~~~~~~~~~ايوا مع الدخلة جاي ...سي مصطفى صاحب القايد من الروح للروح جاي تهو نافخ صدرو مقاداه لرض ولد الدار الكبيرة تهوا لابس التقليدي غير النعالة في رجلو تعطيك خبارو و مقامو ...جاي كيتبختار في المشية... جا داخل مع الباب الكبير موالف كيجي لهنا ...وهو ماشي كيتمشى بانت ليه عبدة جالسة تخمل تما ...توجه قاصدها يسولها على مكان القايد باش يمشي لعندو ...ايوا هنا مجاية غا القاسمية واحلة غا مع شراوطها وجلايلها ...و نوض داك الحايك نزل ليها تال لرض بين رجليها و ماشي توقف تقادو لا غادا مكملة في المشي ...مع دارت الدورة لولة تعت القوس تلواليها حيكها مع رجلها ...و تعكلت بيه القدام فاضي الله شدت راسها بغوتة و شهقة ...و ليني النص تاع الما دالقدر طااار القدااام مجاااا غا في صدر سييي مصطفى نيشااان
Oops! This image does not follow our content guidelines. To continue publishing, please remove it or upload a different image.
